Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
PSALM LXXXIX.
1 The orisoun of Moises, man of God.
noteLord, refut thou art maad to vs; fro
ieneracioun in to ieneracioun.
2 Befor that
hillis weren maad, or were formed the
erthe and the roundnesse; fro world `and
vn to world thou art God.
3 Ne turne
thou a man in to mecnesse; and thou
seidist, Beth conuertid, &yogh;ee sones of men.
4 For a thousend &yogh;eer befor thin e&yogh;en; as
&yogh;isterdai that is passid. And the warde in
the ny&yogh;t, that for no&yogh;t ben had;
5 the &yogh;eris
of hem shul ben.
6 Erli as an erbe passe
-- --
he, erli flurshe he, and passe; at euen falle
he doun, inwardli harde he, and waxe drie.
7 For we han failid in thi wrathe; and in
thi wodnesse wee ben disturbid.
8 Thou
hast put oure wickidnessis in thi si&yogh;t;
oure world in the li&yogh;ting of thi chere.
9 For alle oure da&yogh;is faileden; and in thi
wrathe wee han failid. Oure &yogh;eris, as an
ireyn, shul be betho&yogh;t;
10 the da&yogh;is of oure
&yogh;eris in tho seuenti &yogh;er. If forsothe in
my&yogh;tis ei&yogh;teti &yogh;er; and the more ouer of
them trauaile and sorewe. For ther ouercam
debonernesse; and wee shul be chastisid.
11 Who knew&yogh; the power of thi
wrathe; and for thi drede thi wrathe denoumbren?
12 Thi ri&yogh;thond so mac knowen;
and the ta&yogh;t with herte in wisdam.
13 Be
thou conuertid, Lord, hou longe; and
louli preyable be thou vp on thi seruauns.
14 Wee ben fulfild erly with thi mercy; wee
han ful out io&yogh;ed, and delitid in alle oure
da&yogh;is.
15 Wee han io&yogh;id for the da&yogh;is in
whiche thou hast mekid vs; the &yogh;eris in
whiche wee han seen euelis.
16 Behold,
Lord, in to thi seruauns, and in to thi
werkys; and reule forth the sones of hem.
17 And be the shynyng of the Lord oure
God vp on vs; and the werkis of oure
hondis ri&yogh;tforth reule `vp on vs; and the
werk of oure hondis reule ri&yogh;tforth.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|