Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
PSALM XXXIX.
1 In to the ende, the salm of Dauid.
2 noteAbidende I abod the Lord; and he
beheeld to me.
3 And he ful out herde
my pre&yogh;eeris; and bro&yogh;te out me fro the
lake of wrecchidnesse; and fro the clei
of drestis. And he sette vp on a ston
my feet; and dresside my goingis.
4 And
he ful putte in my mouth a newe song;
a ditee to oure God. Manye shul see,
and dreden; and hopen in the Lord.
5 Blisful the man, of whom the name of
the Lord is his hope; and a&yogh;een lokide
not in to vanytees, and in to false wodnessis.
6 Manye thi merueilis thou hast
do, Lord, my God; and in thi tho&yogh;tis
ther is not, that be lic to thee. I tolde
-- --
beforn, and spac; thei ben multiplied
ouer noumbre.
7 Sacrifice and offring
thou woldist not; eris forsothe thou parformedist
to me. Brent sacrifise, and
for synne thou askidest not;
8 thanne I
seide, Lo! I come. In the hed of the
boc it is write of me,
9 that I do thi
wil; my God, I wolde; and thi lawe in
myddes of myn herte.
10 I befortolde thi
ri&yogh;twisnesse in a gret chirche; lo! my
lippis I shal not forfende, Lord, thou
hast knowen.
11 Thi ri&yogh;twisnesse I hidde
not in myn herte; thi treuthe and thin
helthe &yogh;yuere I seide. I hidde not thi
mercy, and thi treuthe; fro myche
counseil.
12 Thou, Lord, forsothe ne do
thou aferr thi mercy doingus fro me;
thi mercy and thi treuthe euer mor
vndertoken me.
13 For ther enuyrounden
me euelis, of the whiche is no noumbre;
ther ca&yogh;ten me my wickednessis, and I
my&yogh;te not, that I shulde see. Thei ben
multiplied ouer the heris of myn hed;
and myn herte forsoc me.
14 Holli plese
it to thee, Lord, that thou delyuere me;
Lord, to helpen me looke a&yogh;een.
15 Be
thei confoundid, and shamefastli drede
thei togidere; that sechen my soule, that
thei do it awei. Be thei turned al bacward,
and shamefastliche drede thei;
that wiln to me euelis.
16 Bere they anoon
ther confusioun; that seyn to me, Weu!
weu!
17 Ful out io&yogh;e thei, and glade vpon
me, alle that sechen thee; and that loouen
thin helthe &yogh;iuere, sey thei, Euermor be
magnefied the Lord.
18 I forsothe a beggere
am and pore; the Lord is bisi of
me. Myn helpere and my defendere
thou art; my God, ne be thou tariende.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
