Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
PSALM XXXVIII.
1 In to the ende, `the song of Dauid, for
Yditym.
2 noteI seide, I shal kepe my weies; that I
gilte not in my tunge. I putte to my
mouth warde; whan the synnere shulde
stonde a&yogh;en me.
3 I becam doumb, and
am mekid, and heeld my pes fro goodis;
and my sorewe is renewid.
4 Myn herte
wex al hot with inne me; and in my
swete thenking ful out shal brenne fir.
5 I spac in my tunge; Lord, mac knowen
to me myn ende. And the noumbre of
my da&yogh;es, what it is; that I wite what
failith to me.
6 Lo! mesurable thou hast
-- --
put my da&yogh;es; and my substaunce as
no&yogh;t befor thee. Neuerthelatere al vanyte;
eche man liuende.
7 Neuerthelatere in
ymage passeth a man; but in veyn he
is al disturbid. He tresoreth; and vnknowith,
to whom he shal gedere tho
thingus.
8 And now what is myn abiding?
whether not the Lord? and my substaunce
anent thee is.
9 Fro alle my
wickidnessis pul me awei; reprof to
the vnwise man thou hast &yogh;iue me.
10 I
becam doumb, and openede not my
mouth, for thou didist;
11 moue awei fro
me thi scourgis.
12 Fro the strengthe of
thin hond I failide in blamyngus; for
wickednesse thou chastisidest a man.
Thou madest to flowen awei as an ireyne
his soule; nerthelatere veynli is disturbid
eche man.
13 Ful out here myn
orisoun, Lord, and my lowe pre&yogh;ing;
with eris perceyue my teris.
14 Ne be
thou stille, for a comeling I am anent
thee; and a pilgrim as alle my fadris.
15 For&yogh;if to me, that I be refreshed, befor
that I go awei; and I shal be no more.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
