Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
PSALM XXXVII.
1 The salm of Dauid, in remembring of
the saboth.
2 noteLord, in thi wodnesse ne undernyme
thou me; ne in thi wrathe chastise thou
me.
3 For thin arwis ben in ficchid to
me; and thou hast confermed thin hond
vp on me.
4 Ther is not helthe in my
flesh fro the face of thi wrathe; ther is
not pes to my bones fro the face of my
synnes.
5 For my wickidnesses ouer&yogh;iden
myn hed; and as a greuous charge thei
ben heuyed vp on me.
6 Myne woundis
stunken, and ben roten; fro the face of
myn vnwisdam.
7 A wrecche I am maad,
and am crookid vnto the ende; al dai al
dreri I wente in.
8 For my leendis ben
fulfild with deceytis; and ther is not
helthe in my flesh.
9 I am tormentid, and
I am meked ful myche; I rorede from
the weiling of myn herte.
10 Lord, befor
thee al my desyr; and my weiling fro
thee is not hid.
11 Myn herte is al disturbid
-- --
in me; my vertu hath forsake me,
and li&yogh;t of myn e&yogh;en, and it is not with
me.
12 My frendis and my ne&yogh;hebores; a&yogh;en
me ne&yogh;heden and stoden. And that besiden
me weren fro aferr stoden;
13 and
fors thei maden that so&yogh;ten my soule.
And that inwardli so&yogh;ten euelis to me,
speeken vanytees; and treccheries al day
swetely thei tho&yogh;ten.
14 I forsothe as def
herde not; and as doumb not openende
my mouth.
15 And I am maad as a man
not herende; and not havende in his
mouth a&yogh;en vndernemyngus.
16 For in thee,
Lord, I hopede; thou shalt ful out heren
me, Lord, my God.
17 For I seide, Lest any
time ouer io&yogh;en to me myn enemys; and
whil al to-stirid ben my feet vp on me,
grete thingus thei speeken.
18 For I in to
scourgis am redi; and my sorewe in my
si&yogh;te euermor.
19 For my wickidnesse I
shal telle out; and I shal thenken for my
synne.
20 Forsothe myn enemys lyuen,
and ben confermed vpon me; and ben
multeplied, that wickeli hateden me.
That &yogh;elden euelis for goodis, bacbiteden
to me; for I folewede goodnesse.
21 Ne forsake
thou me, Lord, my God; ne go thou
awei fro me.
22 Tac heede in to myn helpe;
Lord God of myn helthe.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|