Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
PSALM XX.
1 In to the ende, the salm of Dauid.
2 noteLord, in thi vertue shal the king
gladen; and vpon thin helthe &yogh;iuere ful
out io&yogh;en hugely.
3 The desyr of his herte
thou &yogh;eue to hym; and in the wil of his
lippis thou begilidest not hym.
4 For thou
wentist beforn him in blessingus of swetnesse;
thou puttist in his hed a crowne
of precious ston.
5 Lyf he askide of thee,
and thou &yogh;eue to hym; lengthe of da&yogh;is
in to the world, and into the world of
world.
6 Gret is his glorie in thin helthe
giuere; glorie and gret fairnesse thou
shalt ful putte vp on hym.
7 For thou
shalt &yogh;iuen hym in to blessing in to
world of world; thou shalt gladen hym
in io&yogh;e with thi chere.
8 For the king
hopith in the Lord; and in the mercy
of the he&yogh;est he shal not be moued.
9 Be
founde thin hond to alle thin enemys;
thi ri&yogh;thond finde alle that thee hatiden.
10 Thou shalt putte them as a furneis of
fyr in the time of thi chere; the Lord
in his wrathe shal desturbe them, and
fyr shal deuoure them.
11 The frute of
hem fro the erthe thou shalt leese; and
the sed of hem fro the sones of men.
12 For
thei bowede doun in to thee euelis; thei
tho&yogh;ten counseilis, that thei my&yogh;ten not
stablen.
13 For thou shalt putte them abac;
in thi relikis thou shalt make beforn redi
the chere of hem.
14 Be thou enhauncid,
Lord, in thi vertue; wee shul synge,
`and with salm seyn thi vertues.
-- --
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
