Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
PSALM XXI.
1 In to the ende, the salm of Dauid, for
that taking to, or, for the morutid
vndertaking, or, for the morutid hinde.
2 noteGod, my God, behold in me; whi hast
thou forsake me? ferr fro myn helthe
the woordis of my giltis.
3 My God, I
shal crie bi dai, and thou shalt not ful
out heren; and in the ny&yogh;t, and not to
vnwisdam to me.
4 Thou forsothe in the
holi duellist, preising of Irael;
5 in thee
hopiden oure fadris, hopeden, and thou
deliueredest hem.
6 To thee thei crieden,
and thei ben maad saf; in thee thei
hopeden, and ben not confoundid.
7 I forsothe
am a werm, and not man; repref of
men, and the kasting out of folc.
8 Alle
seende me scorneden me; thei speeken
with lippis, and moueden the hed.
9 He
hopide in the Lord, `deliuere he hym;
make he hym saaf, for he wile hym.
10 For thou art that hast drawe me out
from the wombe, myn hope fro the tetis
of my modir;
11 in thee I am kast forth
out fro the wombe. Fro the wombe of
my modir my God thou art;
12 ne go
thou awei fro me. For tribulacioun is
next; for ther is not that helpe.
13 Ther
han enuyround me manye calues; fatte
bolis besegeden me.
14 Thei openeden vp
on me ther mouth; as a leoun rampaunt
and rorende.
15 As watir I am held out;
and scatrid ben alle my bones. Maad is
myn herte as wax meltende; in the myddel
of my wombe.
16 My vertue driede as
a shord, and my tunge cleuede to my
chekis; and in to pouder of deth thou
bro&yogh;tist doun me.
17 For ther wenten aboute
me manye houndis; the counseil of warieris
besegide me. Thei dolue myn hondis
and my feet;
18 and ful noumbrable maden
alle my bones. Thei forsothe togidere
lokeden, and inwardly beheelden me;
thei deuydeden to themself my clothis,
19
-- --
and upon my cloth thei leiden lot.
20 Thou
forsothe, Lord, ne awei longe thou thin
helpe fro me; to my defending behold
anoon.
21 Pul out fro the swerd my soule,
thou God; and fro the hond of the hound
myn only.
22 Saue me fro the mouth of the
leoun; and fro the hornes of the vnycornes
my mecnesse.
23 I shal telle thi
name to my brethern; in the myddel of
the chirche I shal preise thee.
24 &YOGH;ee that
dreden the Lord, preiseth hym; al the
sed of Jacob, glorifieth hym.
25 Drede hym
al the sed of Irael; for he spornede not,
ne despiside the lowe pre&yogh;ing of the pore.
Ne he turnede awei his face fro me; and
whan I shulde crie to hym, he ful out
herde me.
26 Anent thee my preising in
the grete chirche; my vouwes I shal
&yogh;elde in the si&yogh;te of men dredende hym.
27 Pore men shul ete, and be fild, and
thei shul preise the Lord, that a&yogh;een
sechen hym; the hertis of hem shul liue
in to the world of world.
28 Thei shul
recorde; and be conuertid to the Lord,
alle the coostis of erthe. And ther shuln
honoren in his si&yogh;te; alle the meynes of
Jentilis.
29 For of the Lord is reume;
and he shal lordshipen of Jentilis.
30 Thei
eeten, and honoureden, alle fatte men of
erthe; in hys si&yogh;te shul falle alle that
gon doun in to the erthe.
31 And my soule
shal to him liue; and my sed shal serue
to hym.
32 Ther shal be told to the Lord
the ieneracioun to come; and heuenes
shul telle the ri&yogh;twisnesse of hym to the
puple that shal be born, the whiche the
Lord made.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
