Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
PSALM CVII.
1 The song of the salm, to hym Dauid.
2 noteRedi is myn herte, God, redy is myn
herte; I shal synge, `and salm seyn in
my glorie.
3 Ris vp, sautre and harpe; I
shal risen vp fro the morutid li&yogh;t.
4 I shal
knouleche to thee in puplis, Lord; and do
salm to thee in naciouns.
5 For gret vp on
heuenus thi mercy; and vn to the cloudis
thi treuthe.
6 Be thou enhauncid vp on
heuenes, God; and vp on alle erthe thi
glorie; that thi loouede be delyuered.
7 Mac
saf with thi ri&yogh;t hond, and ful out here
thou me; God spac in his holi.
8 I shal ful
out io&yogh;en, and deuyde Syccymam; and
the grete valey of tabernaclis I shal mesure.
9 Myn is Galaad, and myn is Manasses;
and Effraym the vndertaking of
myn hed.
10 Juda my king; Moab the caudroun
of myn hope. In to Ydume I shal
strecchen out my sho; to me alienes
frendis ben maad.
11 Who shal bringe me
thennus in to a strengthid cite; who
shal bringe me thennus in to Idume?
12 Whether not thou, God, that hast put us
abac; and thou shalt not gon out, God,
in oure vertues?
13 &YOGH;if to vs helpe fro tribulacioun;
for vein is the helthe of man.
14 In God wee shuln do vertue; and he to
no&yogh;t shal bringe doun oure enemys.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
