Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
PSALM CV.
Alleluia, Alleluia.
1 noteKnoulecheth to the Lord, for good;
for in to the world the mercy of hym.
2 Who shal speke the poweris of the Lord;
herd shal make alle the preisingus of
hym?
3 Blisful that kepen dom; and don
ri&yogh;twissnesse in alle time.
4 Haue mynde
of vs, Lord, in the well willing of thi
puple; visite thou vs in thi helthe
&yogh;yuere.
5 To seen in the goodnesse of thi
chosene, to gladen in the gladnesse of
thi folc; that thou be preisid with thin
eritage.
6 Wee han synned with oure fadris,
vnri&yogh;twisly wee han do; wickidnesse
wee han wro&yogh;t.
7 Oure fadris in Egipt
vnderstoden not thi meruelis; thei weren
not myndeful of the multitude of thi
mercy. And thei in to the se ste&yogh;ende vp,
the rede se, terreden;
8 and he sauede
them for his name, that knowen he
shulde make his power.
9 And he inbowide
the rede se, and it is dried; and
he ladde hem in `the se depnessis as in
desert.
10 And he sauede hem fro the hond
of hateris; and he a&yogh;een bo&yogh;te them fro
the hond of the enemy.
11 And water
couerede the men trublende them; oon
of hem lafte not.
12 And thei leeueden to
the woordis of hym; and thei preisiden
his preising.
13 Soone thei diden, thei for&yogh;eeten
of the werkis of hym; and thei
susteneden not his counseil.
14 And thei
coueiteden coueiting in desert; and thei
tempteden God in the place with oute
water.
15 And he &yogh;af to hem the asking
-- --
of hem; and he sente fulfilling in to the
soulis of hem.
16 And thei terreden Moises
in the tentis; Aron, the holy of the Lord.
17 The erthe is opened, and it swolewid
doun Dathan; and it couerede vpon the
congregacioun of Abiron.
18 And fyr brende
vp in the synagoge of hem; and flaume
al to-brende the synneres.
19 And thei
maden a calf in Oreb; and thei honoureden
a grauen thing.
20 And thei
chaungeden ther glorie; in to the licnesse
of a calf etende hey.
21 Thei for&yogh;eeten God,
that sauede hem, that dide grete thingus
in Egipt,
22 merueilous thingus in the lond
of Cam; ferful thingus in the rede se. And
he seide, that he shulde destro&yogh;e them;
23
but Moises, his chosen, hadde stoden in
the to-breking in his si&yogh;t. That he turne
awei hys wrathe, that he destro&yogh;e them
not;
24 and for no&yogh;te they hadden the desirable
erthe. They leeuede not to his
woord,
25 and thei gruccheden in ther
tabernaclis; thei ful out herden not the
vois of the Lord.
26 And he rerede vp his
hond vpon hem; that he shulde throwe
them doun in desert.
27 And that he shulde
caste doun the sed of hem in naciouns;
and scatere them in regiouns.
28 And thei
sacrifieden to Belfegor; and thei eete
the sacrifices of the deade.
29 And thei
terreden hym in ther findingis; and
multiplied is in hem falling.
30 And Fynees
stod, and pleside; and the brosing
ceside.
31 And it is witid to hym to ri&yogh;twisnesse;
in ieneracioun and ieneracioun
vnto euermor.
32 And thei terreden hym at
the watris of contradiccioun; and Moises
is ouertrauailid for hem,
33 and thei to
myche sharpeden the spirit of hym. And
he ordeynede in his lippis;
34 thei destro&yogh;eden
not the Jentilis, that the Lord seide
to them.
35 And they be mengd togidere
among Jentilis, and thei lerneden ther
werkis,
36 and serueden to the grauen
thingis of hem; and it is maad to them
in to sclaunder.
37 And thei offreden ther
-- --
sones; and ther do&yogh;tris to deuelis.
38 And
thei shadden out the innocent blod; the
blod of ther sones and of ther do&yogh;tris,
that thei sacrifieden to the grauen thingus
of Canaan.
39 And the lond is slayn in
blodis, and defoulid is in the werkis of
hem; and thei diden fornycacioun in
ther findingus.
40 And the Lord wrathede
in wodnesse in to his puple; and he
wlatide his eritage.
41 And toc them in to
the hondis of Jentilis; and thei lordshipeden
of hem, that hateden hem.
42 And the enemys of them trobleden hem,
and thei ben mekid vnder ther hondis;
ofte he delyuerede hem.
43 Thei forsothe
terreden hym in ther counseil; and ben
mekid in ther wickidnessis.
44 And he
sa&yogh;, whan thei weren trublid; and herde
the orisoun of hem.
45 And myndeful he
was of his testament; and it otho&yogh;te hym
aftir the multitude of his mercy.
46 And
he &yogh;af hem in to mercies; in the si&yogh;te of
alle, that hadden take them.
47 Mac vs saf,
Lord oure God; and gadere vs fro naciouns.
That wee knouleche to thin holi
name; and glorien in thi preising.
48 Blessid
be the Lord God of Irael fro world and
unto world; and al the puple shal sey,
Be it do, be it don.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
