Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. IX.
1 And the quen of Saba, whanne sche
hadde herde the loos of Salamon, sche
cam, that sche tempte hym in dotous
questiouns in Jerusalem, with grete rychessis,
and camels that beren swote spices,
and myche of gold, and precious gemmes.
And whanne sche was commen to Salamon,
sche spak to hym whateuer thingis
-- --
weren in hyre herte.
2 And Salamon expownede
to hyre alle thingus that sche
purposede, ne eny thing was, that cleer
he maad not to hyre.
3 The whiche aftir
that sche saw&yogh;, the wisdam, that is, of
Salamon, and the hous that he hadde
made,
4 also and the meetis of his boord,
and the dwellyng place of his seruauntis,
and the office of his mynystris, and the
clothingis of hem, also the botelers, and
their clothis, and the slayn sacrifices that
he offride in the hous of the Lord, ther
was no more in hyre spyrite for stoneynge.
5 And sche seide to the kyng, Sothe
is the sermoun, that I haue herde in my
lond, of vertues and of thi wijsdam;
6 and
I trowed not to the tellers, to the tyme
that I my silf were comen, and myn
ee&yogh;en hadden seen, and I hadde preued
vnneth the half of thi wijsdam to han
ben told to me; thou hast ouerpassed the
los in thi vertues.
7 Blessed thi men, and
blessed thi seruauntis, and thei that
stonden nee&yogh; beforn thee in al tyme,
and heeren thi wisdam.
8 The Lord thi
God be blessid, `the whiche wolde ordeynen
thee vpon his trone kyng of the
puple of the Lord thi God; forsothe for
God loueth Yrael, and wille sauyn it in
to with outen eend, therfor he putte thee
kyng vpon it, that thou do domes and
ri&yogh;twisnesse.
9 Forsothe sche &yogh;aue to the
kyng an hundrith and twenty talentis of
gold, and many swote spices ful myche,
and most precyous gemmes; and ther
weren not siche swote spices, as thes that
qween Saba &yogh;aue to kyng Salamon.
10 Bot
and the seruauntis of Yram with the seruauntis
of Salamon brou&yogh;ten gold fro
Oofer, and tyne trees, and gemmes most
precious;
11 of the whiche the kyng made,
that is, of tyne trees, grees in the hous of
-- --
the Lord, and in the hous of the kyng,
also harpis, and sawtrees to syngers;
neuer ben seen in the lond of Juda siche
trees.
12 Kyng forsothe Salamon &yogh;aue to
the qween of Saba alle thingus that sche
wolde, and that sche asked, many mo
than sche brou&yogh;te to hym. The whiche
turnede a&yogh;ein wente into hyre lond with
hyre seruauntis.
13 Forsothe the wei&yogh;t of
gold, that was offerd to Salamon by ech
&yogh;eer, was sixe hundrith and sixe and
sixty talentis of gold,
14 outaken that soum
that legatis of dyuerse gentylis, and merchauntis
weren wont to `bryngen to, and
alle the kyngis of Arabie, and satrapis
of londis, that brou&yogh;ten gold and syluer
to Salamon.
15 Thanne kyng Salamon maad
two hundrith golden speris of the soum
of sixe hundrith golde platis, the whiche
in alle the speris weren spred abrod;
16 also
thre hundrith golden scheldis of thre hundrith
gold platis, with the whiche alle
the scheldis weren couerd; and the kyng
putte hem in the armerie place, that was
sett in the wode.
17 Also kyng Salomon
made a grete yuere sete, and clothed it
with most clene gold;
18 and sixe grees, in
the whiche men stey&yogh;ede up to the sete,
and a golden stole, and two lytyll armys,
either a&yogh;einus other, and two lyouns stondynge
besides the litil aarmes,
19 bot and
other twelue litil lyouns stondynge vpon
the sixe grees on either party. There
was not siche a kyngis see in alle rewmes.
20 And alle the vessels of the kyngis feste
weren golden, and the vessels of the hous
of saltus Liban of most pure gold; syluer
forsothe in tho days for nou&yogh;t was
countid.
21 Forsothe and the schippis of
the kyng wenten in Tharsis with the
seruauntis of Yram oones in thre &yogh;eer,
-- --
and thei brou&yogh;ten thennus gold, and syluer,
and yuer, and apis, and poos.
22 Thanne
Salamon is magnified vpon alle the kyngis
of erth for rychesse and glorie.
23 And
alle the kyngis of londis desireden to seen
the face of Salamon, that thei heeren the
wijsdam that God hadde &yogh;euen in the
herte of hym;
24 and thei brou&yogh;ten to hym
&yogh;iftes, sylueren vessels and golden, clothes
and armes, and spices, hors and mulis,
by alle &yogh;eeris.
25 And Salamon hadde fourty
thousand of hors in his stallis, and of
charis and of horsmen twelue thousand;
and he sette hem in the cytees of `foure
horsid carris, and where the kyng was
in Jerusalem.
26 Forsothe he enhauntide
power vpon alle the kyngis, fro the flode
of Eufrate vnto the lond of Philisteis, and
vnto the termes of Egipt.
27 And so myche
plente of syluer he &yogh;aue in Jerusalem, as
of stoones, and of cedres so myche multitude,
as of wijlde mulberye trees that
ben sprungyn in wijld feeldis.
28 Forsothe
ther weren brou&yogh;t hors fro Egipt, and
of alle regyouns.
29 The remnaunt forsothe
of the rather werkis of Salamon and of
the last ben wrijten in the wordis of Nathan,
the prophete, and in the wordis of
Achie Sylonyte, and in the visioun of
Addo, sear, a&yogh;eins Jeroboam, the sone of
Nabath.
30 Salamon forsothe regnede in
Jerusalem vpon and al Yrael fourety &yogh;ere,
and he slepte with his fadirs; and thei
birieden hym in the cytee of Dauid, and
Roboam, his sone, regned for hym.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
