Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XV.
1 Azarias forsothe, the sone of Obed,
the spirite of God maad in hym,
2 wente
out in to a&yogh;ein comynge of Aza; and seide
to hym, Heere &yogh;e me, Aza and al Juda
and Beniamyn; the Lord with &yogh;ou, for &yogh;e
weren with hym; &yogh;if &yogh;e sechen hym, &yogh;e
-- --
schul fynden; &yogh;if forsothe &yogh;e forsaken
hym, he schal forsaken &yogh;ou.
3 Forsothe
ther schul passen many days in Yrael
with oute verre God, and with oute prest,
and with out doctour, and with oute lawe.
4 And whanne thei weren turned a&yogh;ein in
their anguysch, and schul crien to the
Lord God of Yrael, and sechen hym, thei
schul fynden hym.
5 In that tyme ther
schal not ben pese of goyng out and commynge
in, bot feris on al sijde in alle
dwellers of londis.
6 Forsothe folc schal
fi&yogh;ten a&yogh;einus folc, and cyte a&yogh;einus cytee,
for the Lord schal distourblen hem in al
anguysch;
7 &yogh;e forsothe takith comfort,
and &yogh;oure hondis ben not febled; forsothe
meed schal ben to &yogh;oure werk.
8 The
whiche thing whann Aza hadde herd,
that is, the wordis and the prophecie of
Azarie, sone of Obed, prophete, is comfortid,
and toke aweie alle the mawmetis
of al the lond of Juda and of Beniamyn,
and of the cytees that he hadd taken of
the hill of Effraym. And he halowede
an auter of the Lord, that was before the
&yogh;ate hous of the hous of the Lord.
9 And
he gadride al Juda and Beniamyn, and
the comlyngis with hem of Effraym, and
of Manasse, and of Symeon; forsothe
many hadde flowen to hym of Ysrael,
seeynge that the Lord God of hym was
with hym.
10 And whanne `thei weren
commen in to Jerusalem, the thrid moneth,
the fiftenthe &yogh;eer of the regne of Aza,
thei offreden to the Lord in that day,
11 and
of the hondis and pray, that thei hadden
brou&yogh;t, oxen seuen hundrith, and wethers
seuen thousand.
12 And he wente in of
maner to strengthen the pese couenaunt,
that thei schulden seche the Lord God of
their fadirs in al herte, and in al their
soule.
13 &YOGH;if any forsothe sechith not, he
-- --
seith, the Lord God of Yrael, be he
deed, fro the leste vnto the most, fro
man vnto womman.
14 And thei sworen
to the Lord with a grete voice, in ioye,
and in crie of trumpe, and in sown of
clariowns,
15 alle that weren in Jewrye, with
execracioun; in alle forsothe their herte
thei sworen, and in alle wil thei sou&yogh;ten
hym, and founden; and the Lord &yogh;aue to
hem reste by enuyroun.
16 Bot and Maacha,
the modir of kyng Aza, he put doun
of hyre anguyschynge empyre, forthi
that sche had maad a symulacre of a
mans &yogh;eerde in the mawmet wode; the
whiche al he distroyede, and in to gobetis
munyschynge, he brent in to the streem
of Cedron.
17 Forsothe the hee&yogh;e thingis
ben laft stylle in Yrael; neuer the later
the herte of Aza was perfijt alle the days
of hym.
18 Tho thingis that his fadir hadde
avowed and he brou&yogh;t in to the hous of
the Lord, syluer and gold, and of vessels
dyuerse purtenauncis;
19 bataile forsothe
was not vnto the thrittithe &yogh;eer of the
regne of Aza.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
