Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. VII.
1 Helisee forsothe seide, Here &yogh;e the
word of the Lord; these thingis seith
the Lord, In this tyme to morwe a
buschell of tryid floure schal be at `half
an ounce of monee, and two buschels of
barly for half an ounce of monee, in the
&yogh;ate of Samarye.
2 Answerynge forsothe
oon of the duykis, vpon whose hond the
kyng lenyde, to the man of God, seide,
&YOGH;if the Lord make also the goters in
heuen to be opnyde, whether it schal
mow ben that thou spekist? The whiche
seith, Thou schalt seen with thin ee&yogh;en,
and therof thou schalt not eten.
3 Than
foure leprouse men weren byside the entree
of the &yogh;ate, the whiche seyden to
gydre, What wil we be here, to the tyme
that we dyen?
4 Whether we wyln goon
in to the cyte, by hungre we schul dyen;
whethir we schuln dwellen here, to dyen
it is to us. Commith thann, and flee&yogh;e
we ouer to the tentis of Cyrie; &yogh;if thei
sparen to us, we schul lyuen; `&yogh;if forsothe
thei wiln slen, neuer the later we
schul dyen.
5 Thanne they rysen at euen,
that thei comen to the tentis of Cirie;
and whanne thei weren commen to the
bigynnynge of the tentis of Cyrye, no
man there thei founden.
6 Forsothe the
Lord hadde made to heren a soun in
the tentis of Cyrye of charis, and of hors,
-- --
and of a mych hoost; and thei seyden
to gydre, Loo! by meede the kyng of
Yrael hath hyred a&yogh;eynst us the kyngis
of Etheis and of Egipciens; and thei
ben commen vpon us.
7 Thanne thei risen,
and flowen in dercnessis, and laften their
tentis, and hors, and mulis, and asses, in
the tentis; and thei flowen, their lyuis
oonly coueitynge to sauen.
8 Thann whanne
thoo mesels weren commen to the bigynnynge
of the tentis, thei wenten in to
oon tabernacle, and eten, and drunken;
and token thenns syluer, and gold, and
clothis; and thei wenten aweye, and
hydden; and eft thei ben turned a&yogh;eyn
to another tabernacle, and thenns lyc
maner beerynge aweye, hydden.
9 And
they seyden to gidir, We do not ri&yogh;t, this
is forsothe a day of good message; &yogh;if
we holden oure pese, and wyln not tellen
vnto the morowe, we schul be vndernummen
of hydous gylt; commith, and goo
we, and tellen in the halle of the kyng.
10 And whanne thei weren commen to the
&yogh;ate of the cytee, thei tolden to hem,
seyinge, We wenten to the tentis of Syrie,
and no man ther we founden, bot
hors and assis bounden, and the pi&yogh;t
tentis.
11 Thanne the porteris &yogh;eden, and
tolden in the paleys of the kyng withinne
forth.
12 The whiche rose at ny&yogh;t,
and seith to his seruauntis, I sey to &yogh;ou,
what to us Cyryes han done; thei wyten,
for with hungre we traueylen, and therfore
they ben goon oute of the tentis, and
lurken in the feeldis, seyinge, Whanne
thei weren goon oute of the cyte, we
schuln taken hem on lyue, and thann we
schuln mowe goon in to the cytee.
13 Forsoth
oon of his seruauntis answerde,
Take we the fyue hors, that ben laft in
the cytee; for thei oonly ben in alle the
multitude of Yrael, the tother forsothe
ben wastyde; and seendynge we schuln
-- --
mowe aspyen.
14 Thanne thei brou&yogh;ten
forthe two hors; and the kyng sente in
to the tentis of Cyries, seyinge, Goth,
and seeth.
15 The whiche wenten aftre
hem vnto Jordan; and, lo! al the wey
was ful of clothis, and of vesselis, that
the Cyryes hadden throwen aweye,
whanne thei weren distourblid. And the
messagers turnede a&yogh;eyn, scheweden to
the kyng.
16 And the puple goon oute, tobrast
the tentis of Cyrye; and a buschel
of floure is maad at `half an ounce of
monee, and two buschels of barly for
half an ounce of monee, aftir the word
of the Lord.
17 Forsothe the kynge that
duyk, in whose hond he hade lenyd, he
sett at the &yogh;ate; whom the puple altotrade
in the entre of the &yogh;ate, and is
deed, aftir that, that the man of God hadde
spoken, whanne the kyng came doun to
hym.
18 And it is done aftir the word of
the man of God, the whiche he hade
seide to the kyng, whanne he seith, Two
buschels of barly schuln ben at one half
ounce of monee, and oon buschell of
flour for oon half ounce of monee, this
same tyme to morwe in the &yogh;ate of Samarie;
19 whanne the duyk hadde answerde
to the man of God, and hadde
seyde, Also &yogh;if the Lord make the goters
in heuen to be opnede, whether it schal
mow be done that thou spekist? and he
seid, Thou schalt seen with thin ee&yogh;en,
and therof thou schalt not eten.
20 Thanne
it felle to hym, as it was seyde beforn;
and the puple to-trade him `in the &yogh;ate,
and he is deed.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|