1    ^note Witodlice on &adia;non reste-dæge seo magdalenisce maria c&odia;m on mergen ær hit leoht wære to þære byrgenne ∧ heo geseah &thaet; se stan aweg anumen wæs fram þære byrgynne.

2   Ða arn heo ∧ com to simone petre ∧ to þam oðron leorni[n]g-cnihte þe se hælend lufode; ∧ heo cwæð to him. hi namon drihten of byrgene ∧ we nyton hwar hi hyne l&edia;don;

3   Petrus eode &udia;t ∧ se oðer leorning-cniht ∧ comun to þære byrgene;

4   Witodlice hig twegen urnon æt-gædere ∧ se oðer leorning-cniht for-&adia;rn petrus forne ∧ com raðor to ðære byrgenne;

5   ∧ þa he nyðer-abeah he geseah þa lin-wæda licgan; ∧ ne eode þeah in;

6   Witodlice sim&odia;n petrus com æfter him ∧ eode into ðære byrgene; ∧ he geseah lin-wæda licgean.

7   ∧ &thaet; swat-lin þe wæs uppan his heafde. ne læg hyt na mid þam linwædon ac onsundron gefealden on &adia;nre stowe;

8   Ða eode eac in se leorning-cniht þe ærest c&odia;m to ðære byrgene ∧ geseah ∧ gelyfde;

9   Witodlice þa gyt hi ne cuðon hali gewrit &thaet; hit gebyrede &thaet; he sceolde fram deaðe ar&idia;san;

10   Ða foron eft þa leorning-cnihtas to þam oðron.

11    ^note Witodlice maria stod þar-&udia;te æt ðære byrgyne ∧ weop; ∧ þa heo weop heo abeah nyðer ∧ beseah innan þa byrgene

12   ∧ geseah twegen englas sittan mid hwiton reafe. anne æt þam heafdon ∧ oðerne æt þam fotum. þær ðæs hælendes l&idia;c aled wæs;

13   Hi cwædon to hyre. w&idia;f hwi wepst þu. þa cwæð heo to hym. forþam hi namon minne drihten. ∧ ic nat hwar hi hine ledon;

14   Ða heo þas þing sæde þa bewende heo h&idia; on-bæc ∧ geseah hwar se hælend stod ∧ heo nyste &thaet; hyt se hælend wæs;

15   Ða cwæð se hælend to hyre; W&idia;f hwi wepst ðu. hwæne secst þu. heo wende &thaet; hit se wyrt-weard wære ∧ cwæð to him; Leof gif þu hine name sege me hwar þu hine ledest ∧ ic hine nime;

16   Ða cwæð se hælend to hyre. mar&idia;a heo bewende hi ∧ cwæð to him; Rabboni &thaet; ys gecweden l&adia;reow;

17   Ða cwæð se hælend to hyre. ne æt-hrin þu min. nu gyt ic ne astah to minon fæder; Gang to minon broþron ∧ sege him. ic astige to minon fæder and to eowron fæder. ∧ to minon gode ∧ to eowron gode;

18   Ða com seo magdalenisce mar&idia;a ∧ cyðde þam leorning-cnihton ∧ cwæð; Ic geseah drihten ∧ þas þing he me sæde;

19    ^note Ða hit wæs æu&edia;n on anon þæra reste-daga ∧ ða dure wæron belocene ðær þa leorning-cnihtas wæron gegaderode for ðæra iudea ege; Se hælend c&odia;m ∧ stod to-middes hyra ∧ cwæð to him; Si sibb mid eow.

20   ∧ þa he &thaet; cwæð he æt-ywde him his handa ∧ his sidan; Ða leorning-cnihtas wæron bliþe þa hi hæfdon drihten gesewen;

21   He cwæð eft to him. si sib mid eow. swa swa fæder me sende ic s&edia;nde eow;

22   Ða he &thaet; cwæð. þa bleow he on hi ∧ cwæð to him. under-foð haline gast

23   þæra synna þe ge forgyfað hig beoð him forgyuene. ∧ þara þe ge healdað. hig beoþ gehealdene;

24   Witodlice thom&adia;s &adia;n of þam twelfon þe ys gecweden didimus &thaet; ys gelicust on ure geþeode. he næs mid him þa se hælend com;

25   Ða cwædon ða oðre leorning-cnihtas to him. we gesawon drihten; Ða cwæð he to him. ne gelyfe ic buton ic geseo þæra nægela fæstnunge on his handa ∧ ic do minne finger on ðære nægela stede ∧ do mine hand to his sidan;

26   ∧ eft æfter eahta dagun his leorning-cnihtas wæron inne ∧ þom&adia;s mid him; Se hælend c&odia;m belocenum duron ∧ stod to-middes him ∧ cwæð. sy eow sib;

27   Syððan he sæde þom&edia; do ðinne finger hider ∧ geseoh mine handa. ∧ nim þine hand ∧ do on mine sidan ∧ ne beo þu unge[le]affull [ac geleafful];

28   Ðom&adia;s ∧swarode ∧ cwæð to him; þu [eart] min god ∧ min drihten;

29   Se hælend cwæð to him. þu gelyfdest forþam þu me gesawe. þa synt eadige þe ne ge-sawon ∧ gelyfdon;

30   Witodlice manega oðre tacen se hælend worhte on his leorning-cnihta gesyhþe þe ne synt an þysse bec awritene;

31   Witodlice þas þing synt awritene &thaet; ge gelyfon &thaet; se hælend ys crist godes sunu; ∧ &thaet; ge habbað &edia;ce l&idia;f þonne ge gelyfaþ on his naman;

Previous section

Next section