West Saxon I [1878], THE GOSPEL ACCORDING TO SAINT JOHN IN ANGLO-SAXON AND NORTHUMBRIAN VERSIONS SYNOPTICALLY ARRANGED, WITH COLLATIONS EXHIBITING ALL THE READINGS OF ALL THE MSS. Edited for the Syndics of the University Press, by the REV. WALTER W. SKEAT, M.A. Elrington and Bosworth Professor of Anglo-Saxon in the University of Cambridge (F. A. BROCKHAUS, LEIPZIG) [word count] [B01210].
To look up a word in a dictionary, select the word with your mouse and press 'd' on your keyboard.
CHAPTER II.
1 note Eornustlice þa se hælend acenned
wæs on iudeiscre bethleem. on þæs
cyninges dagum herodes. þa comon þa
tungol-witegan fram east-dæle to hierusalem
-- --
2 ∧ cwædon. hwær ys se iudea cyning
þe acenned ys; Soðlice w&edia; ge-sawon hys
steorran on east-dæle. ∧ we comon us him
to ge-eadmedenne;
3 Ða her&odia;des &thaet; gehyrde ða wearð he
gedrefed ∧ eal hierosolim-waru mid him.
4 ∧ þa gegaderode herodes ealle ealdras
þæra sacerda ∧ folces writeras. ∧ axode
hwær crist acenned wære;
5 Ða sædon hi him. on iudeiscere bethlem;
Witodlice þus ys awriten. þurh þone
witegan;
6 And þu bethleem iudea-land. witodlice
ne eart þu læst on iuda ealdrum. of ðe forðgæð
se here-toga se þe recð min folc israhel;
7 Herodes þa clypode on sunder-spræce
ða tungel-witegan. ∧ befran hi georne
hwænne se steorra him æt-eowde.
8 And h&edia; asende h&idia; to bethlem ∧ ðus
cwæð; Farað ∧ axiað geornlice be þam
cilde. ∧ þonne ge hyt gemetað cyþað eft
me. &thaet; ic cume ∧ me to him gebbide;
9 Ða hi &thaet; gebod gehyrdon þa ferdon
hi. ∧ soþlice se steorra þe hi on east-dæle
gesawon. him beforan ferde. oð he stod
ofer þær &thaet; cild wæs;
10 Soþlice þa ða tungel-witegan þone
steorran gesawon. fægenodon swyðe myclum
gefean.
11 ∧ gangende into þam huse hi gemetton
&thaet; cild mid marian hys meder. ∧ hi
aðenedon hi. ∧ hi to him gebædon. And hi
&udia;ntyndon hyra gold-hordas. ∧ him lac brohton.
&thaet; wæs gold. ∧ recels. ∧ myrre;
-- --
12 And hi afengon ∧sware on swefnum.
&thaet; hi eft to herode ne hwyrfdon. ac hi on
oðerne weg on hyra r&idia;ce ferdon;
13 note Þa hi þa ferdon. þa æt-ywde drihtnes
engel iosepe on swefnum. ∧
þus cwæð. aris ∧ nim &thaet; cild. ∧ his modor.
∧ fleoh on egypta land. ∧ beo þær oð &thaet; ic
ðe secge; Toweard ys. &thaet; herodes secð &thaet; cild
to forspillenne;
14 H&edia; aras þ&adia; ∧ nam &thaet; cild ∧ his modor
on niht. ∧ ferde on egyptum.
15 ∧ wæs þær oð herodes forð-sið. &thaet;
wære gefylled. &thaet; ðe fram drihtne ge-cweden
wæs þurh ðone witegan. of egyptum ic
minne sunu geclypode;
16 Ða wæs herodes swyðe gebolgen. forþam
þe he bepæht wæs fram þam tungel-witegum.
∧ he asende þa ∧ ofsloh ealle þa
cild þe on bethleem wæron ∧ on eallum
hire gemærum. fram twy-wintrum cilde. ∧
binnan þam æfter þære t&idia;de þe he ge-axode
fram ðam tungel-witegum;
17 Ða wæs gefylled &thaet; ge-cweden wæs
þurh hieremiam þone witegan;
18 Stefn wæs on hehnysse gehyred. wop.
∧ mycel þotorung. rachel weop hyre bearn.
∧ heo nolde beon gefrefred. forþam þe hi
næron;
19 note Soðlice þa herodes wæs forð-faren.
witodlice on swefne drihtnes engel
æt-ywde iosepe on egyptum.
-- --
20 ∧ þus cwæð; Aris ∧ nim &thaet; cild ∧ his
modor ∧ far on israhela-land; Nu synd
forð-farene. þe ðæs cildes sawle sohton;
21 He aras ða ∧ onfeng &thaet; cild ∧ his
modor. ∧ com on israhela-land;
22 Ða he gehyrde &thaet; archelaus rixode on
iudea-þeode for ðæne herodem. he ondred
þyder to farende (sic). ∧ on swefnum gemynegod
he ferde on galileisce dælas.
23 ∧ he com þa ∧ eardode on þære ceastre
ðe is genemned nazareth. &thaet; wære gefylled
&thaet; ge-cweden wæs þurh ðone witegan. for
þam ðe he nazarenisc byð genemned;
West Saxon I [1878], THE GOSPEL ACCORDING TO SAINT JOHN IN ANGLO-SAXON AND NORTHUMBRIAN VERSIONS SYNOPTICALLY ARRANGED, WITH COLLATIONS EXHIBITING ALL THE READINGS OF ALL THE MSS. Edited for the Syndics of the University Press, by the REV. WALTER W. SKEAT, M.A. Elrington and Bosworth Professor of Anglo-Saxon in the University of Cambridge (F. A. BROCKHAUS, LEIPZIG) [word count] [B01210].
|
