West Saxon I [1878], THE GOSPEL ACCORDING TO SAINT JOHN IN ANGLO-SAXON AND NORTHUMBRIAN VERSIONS SYNOPTICALLY ARRANGED, WITH COLLATIONS EXHIBITING ALL THE READINGS OF ALL THE MSS. Edited for the Syndics of the University Press, by the REV. WALTER W. SKEAT, M.A. Elrington and Bosworth Professor of Anglo-Saxon in the University of Cambridge (F. A. BROCKHAUS, LEIPZIG) [word count] [B01210].
To look up a word in a dictionary, select the word with your mouse and press 'd' on your keyboard.
CHAPTER I.
1 note her is on cneorisse-b&odia;c hælendes
cristes dauides suna. Abrahames suna.
2 Soðlice abraham gestrynde isaac.
isaac gestrynde iacob; Iacob gestrynde
iudam ∧ his gebroðra.
3 Iudas gestrynde phares. ∧ zaram of
þam wife þe wæs genemned thamar; Phares
gestrynde esrom; Esrom gestrynde aram.
4 Aram gestrynde Aminadab. Aminadab
gestrynde naason; Naason gestrynde
salmon;
5 Salmon gestrynde booz of þam wife
raab; Booz gestrynde obeth of þam wife
ruth; Obeth gestrynde iesse;
6 Iesse gestrynde þone cyning dauid;
dauid cyning gestrynde salomon of þam
wife þe wæs urias w&idia;f.
7 Salomon gestrynde roboam; Roboas
gestrynde abiam; abia gestrynde Asa;
8 Asa gestrynde iosaphath; Iosaphath
gestrynde ioram. Ioras gestrynde oziam;
-- --
9 Ozias gestrynde ioatham; Ioatham
gestrynde achaz; Achaz gestrynde ezechiam;
10 Ezechias gestrynde mannasen; Mannases
gestrynde amon; amon gestrynde
iosiam;
11 Iosias gestrynde iechon&idia;am ∧ his gebroþru
on babilonis geleorednysse;
12 And æfter babilonys geleorednysse
iechon&idia;as gestrynde salathiel; Salathiel
gestrynde zorobabel;
13 Zorobabel gestrynde abiud; Abiud
gestrynde eliachim; Eliachim gestrynde
azor;
14 Azor gestrynde sadoc; Sadoc gestrynde
achim; Achim gestrynde eliud;
15 Eliud gestrynde eleazar; Eleazar
gestrynde mathan; Mathan gestrynde
iacob;
16 Iacob gestrynde ioseph marian wer.
of þære wæ acenned se hælend. þe is genemned
crist;
17 Eornostlice ealle cneoressa fram abrahame
oð dauid synd feowertyne cneoressa.
∧ fram dauide oð babilonis geleorednysse
feowertyne cneoressa. ∧ fram babilonis geleorednesse
oð crist. feowertyne cneoressa.
18 note Soðlice þus wæs cristes cneores;
Ða þæs hælendes modor maria
wæs iosepe beweddod. ær hi tosomne becomun
heo wæs gem&edia;t on innoðe hæbbende.
of þam halegan gaste;
-- --
19 Soðlice iosep hyre wer ða he wæs
rihtwis ∧ nolde h&idia; gewidmærsian. he wolde
h&idia; dihlice forlætan;
20 Him þa soðlice ðas þing ðencendum.
drihtnes engel on swefnum æt-ywde. ∧ him
to cwæð; Iosep dauides sunu nelle þu
ondrædan marian þine gemæccean to onfonne.
&thaet; on hire acenned ys. hyt ys of þam
halgan gaste;
21 Witodlice heo cenð sunu ∧ þu nemst
hys naman hælend; He soðlice hys folc h&adia;l
gedeð fram hyra synnum;
22 Soþlice eal þys wæs geworden. &thaet; gefylled
wære &thaet; fram drihtne gecweden wæs.
þurh þone witegan;
23 Soðlice seo fæmne hæfð on innoðe
∧ heo cenð sunu; ∧ hi nemnað his naman.
emanuhel. &thaet; ys gereht on ure geþeode
god mid us;
24 Ða aras iosep of swefene. ∧ dyde swa
drihtnes engel him bebead. ∧ he on-feng
his ge-mæccean
25 ∧ he ne grette hi; Heo cende hyre
frum-cennedan sunu; ∧ nemde hys naman
hælend;
West Saxon I [1878], THE GOSPEL ACCORDING TO SAINT JOHN IN ANGLO-SAXON AND NORTHUMBRIAN VERSIONS SYNOPTICALLY ARRANGED, WITH COLLATIONS EXHIBITING ALL THE READINGS OF ALL THE MSS. Edited for the Syndics of the University Press, by the REV. WALTER W. SKEAT, M.A. Elrington and Bosworth Professor of Anglo-Saxon in the University of Cambridge (F. A. BROCKHAUS, LEIPZIG) [word count] [B01210].
|
