Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. VII.
1 Therfor Jerobaal, which also Gedeon,
roos bi ny&yogh;t, and al the puple with hym,
and cam to the welle which is clepid
Arad. Sotheli the tentis of Madian weren
in the valey, at the north coost of the hi&yogh;
hil.
2 And the Lord seide to Gedeon, Myche
puple is with thee, and Madian schal not
be bitakun in to the hondis `ther of, lest
Israel haue glorie a&yogh;ens me, and seie, Y
am delyuerid bi my strengthis.
3 Speke
thou to the puple, and preche thou, while
alle men heren, He that is ferdful `in
herte, and dredeful `with outforth, turne
a&yogh;en. And thei &yogh;eden awei fro the hil of
Galaad, and two and twenti thousynde of
men turniden a&yogh;en fro the puple; and oneli
ten thousynde dwelliden.
4 And the Lord
seide to Gedeon, &YOGH;et the puple is myche;
lede thou hem to the watris, and there
Y schal preue hem, and he go, of whom
Y schal seye, that he go; turne he a&yogh;en,
whom Y schal forbede to go.
5 And whanne
the puple hadde go doun to watris, the
Lord seide to Gedeon, Thou schalt departe
hem bi hem silf, that lapen watris with
hond and tunge, as doggis ben wont to
-- --
lape; sotheli thei, that drynken with
knees bowid, schulen be in the tothir
part.
6 And so the noumbre of hem, that
lapiden watris bi hond castynge to the
mouth, was thre hundrid men; forsothe
al the tothir multitude drank knelynge.
7 And the Lord seide to Gedeon, In thre
hundrid men, that lapiden watris, Y schal
delyuere &yogh;ou, and Y schal bitake Madian
in thin hond; but al the tothir multitude
turne a&yogh;en in to her place.
8 And
so whanne thei hadden take meetis and
trumpis for the noumbre, he comaundide
al the tothir multitude to go to her tabernaclis;
and he, with thre hundrid men,
&yogh;af hym silf to batel. Sothely the tentis
of Madian weren bynethe in the valey.
9 In the same ny&yogh;t the Lord seyde to hym,
Ryse thou, and go doun in to `the castels
of Madian, for Y haue bitake hem in
thin hond;
10 sotheli if thou dredist to go
aloon, Phara, thi child, go doun with thee.
11 And whanne thou schalt here what thei
speken, thanne thin hondis schulen be
coumfortid, and thou schalt do down sikerere
to the tentis of enemyes. Therfor
he &yogh;ede doun, and Phara, his child, in to
the part of tentis, where the watchis of
armed men weren.
12 Forsothe Madian, and
Amalech, and alle the puplis of the eest
layen spred in the valey, as the multitude
of locustis; sotheli the camelis weren vnnoumbrable,
as grauel that liggith in the
`brenke of the see.
13 And whanne Gedeon
hadde come, a man tolde a dreem to his
nei&yogh;bore, and telde bi this maner that,
that he hadde seyn, I si&yogh; a dreem, and it
semyde to me, that as `o loof of barly
bakun vndur the aischis was walewid,
and cam doun in to the tentis of Madian;
and whanne it hadde come to a tabernacle,
it smoot and distriede `that tabernacle,
and made euene outirly to the erthe.
-- --
14 That man answeride, to whom he spak,
This is noon other thing, no but the
swerd of Gedeon, `sone of Joas, a man of
Israel; for the Lord hath bitake Madian
and alle `tentis therof in to the hondis of
Gedeon.
15 And whanne Gedeon had herd
the dreem, and `the interpretyng therof,
he worschypide the Lord, and turnede
a&yogh;en to the tentis of Israel, and seide,
Ryse &yogh;e; for the Lord hath bitake in to
oure hondis the tentis of Madian.
16 And
he departide thre hundrid men in to thre
partis, and he &yogh;af trumpis in her hondis,
and voyde pottis, and laumpis note in the
myddis of the pottis.
17 And he seide to
hem, Do &yogh;e this thing which &yogh;e seen me
do; Y schal entre in to a part of the tentis,
and sue &yogh;e that, that Y do.
18 Whanne the
trumpe in myn hond schal sowne, sowne
&yogh;e also `bi the cumpas of tentis, and crye
&yogh;e togidere, To the Lord and to Gedeon.
19 And Gedeon entride, and thre hundrid
men that weren with hym, `in to a part
of the tentis, whanne the watchis of mydny&yogh;t
bigunnen; and whanne the keperis
weren reysid, thei bigunnen to sowne
with trumpis, and to bete togidere the
pottis among hem silf.
20 And whanne thei
sowneden in thre places bi cumpas, and
hadden broke the pottis, thei helden
laumpis in the left hondis, and sownynge
trumpis in the ri&yogh;t hondis; and thei crieden,
The swerd of the Lord and of Gedeon;
and stoden alle in her place,
21 `bi
the cumpas of the tentis of enemyes.
And so alle `the tentis weren troblid;
and thei crieden, and &yogh;elliden, and fledden;
22 and neuertheles the thre hundrid
men contynueden, sownynge with trumpis.
And the Lord sente swerd in alle the
castels, and thei killiden hem silf bi deeth
ech other;
23 and thei fledden `til to Bethsecha,
-- --
and bi the side, fro Elmonla in to
Thebbath. Sotheli men of Israel crieden
togidere, of Neptalym, and of Aser, and
of alle Manasses, and pursueden Madian;
and the Lord &yogh;af victorie to the puple of
Israel in that day.
24 And Gedeon sente
messangeris in to al the hil of Effraym,
and seide, Come &yogh;e doun a&yogh;ens the comyng
of Madian, and ocupie &yogh;e the watris
`til to Bethbera and Jordan. And al
Effraym criede, and bifore ocupide the
watris and Jordan `til to Bethbera.
25 And
Effraym killide twei men of Madian, Oreb
and Zeb; he killide Oreb in the ston of
Oreb, forsothe `he killide Zeb in the pressour
of Zeb; and `thei pursueden Madian,
and baren the heedis of Oreb and of Zeb
to Gedeon, ouer the flodis of Jordan.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
