CAP. XXI.
1 And the princes of meynees of Leuy
nei&yogh;iden to Eleazar, preest, and to Josue,
sone of Nun, and to the duykis of kynredis,
bi alle the lynagis of the sones of
Israel;
2 and the Leuytis spaken to hem
in Sylo, of the lond of Canaan, and seiden,
The Lord comaundide bi the honde
of Moises, that citees schulden be &yogh;ouun
to vs to dwelle ynne, and the subarbis of
tho to werk beestis to be fed.
3 And the
sones of Israel &yogh;auen `of her possessiouns, bi
comaundement of the Lord, citees and the
subarbis of tho.
4 And the lot &yogh;ede out in
to the meynee of Caath, of the sones of
Aaron, preest, of the lynages of Juda,
and of Symeon, and of Beniamyn, threttene
citees;
5 and to the othere of the sones
of Caath, that is, to dekenes that weren
left, of the lynagis of Effraym, and of
Dan, and of the half lynage of Manasse,
-- --
ten citees.
6 Sotheli lot &yogh;ede out to the
sones of Gerson, that thei schulden take
of the lynagis of Isachar, and of Aser,
and of Neptalym, and of the half lynage
of Manasses `in Basan, threttene citees
in noumbre;
7 and to the sones of Merari,
bi her meynees, of the lynagis of Ruben,
and of Gad, and of Zabulon, twelue citees.
8 And the sones of Israel &yogh;auen to dekenes
cytees, and the subarbis `of tho, as the
Lord comaundide bi the hond of Moises;
and alle &yogh;auen bi lot.
9 Of the lynagis
of the sones of Juda, and of Symeon,
Josue &yogh;af citees;
10 to the sones of Aaron, bi
the meynees of Caath, of the kyn of Leuy,
of whiche citees these ben the names;
for the firste lot &yogh;ede out to hem;
11 Cariatharbe,
of the fadir of Enach, which
is clepid Ebron, in the hil of Juda, and
the subarbis therof bi cumpas;
12 sotheli
he hadde &yogh;oue the feeldis and townes
therof to Caleph, sone of Jephone, to haue
in possessioun.
13 Therfor Josue &yogh;af to the
sones of Aaron, preest, Ebron, a citee of
refuyt, and the subarbis `of it, and Lebnam
with hise subarbis,
14 and Jether, and
Yschymon,
15
16 and Elon, and Dabir, and Ayn,
and Lethan, and Bethsames, with her subarbis;
nyne citees, of twei lynagis, as it is
seid.
17 Sotheli of the lynage of the sones
of Beniamyn, he &yogh;af Gabaon, and Gabee,
and Anatoth, and Almon, with her subarbis;
18
`foure citees.
19 Alle the citees togidere
of the sones of Aaron, preest, weren
threttene, with her subarbis.
20 Forsothe to
`the othere, bi the meynees of the sones
of Caath, of the kyn of Leuy, this possessioun
was &yogh;ouun;
21 of the lynage of
Effraym, the citee of refuyt, Sichen, with
hise subarbis, in the hil of Effraym, and
Gazer,
22 and Sebsam, and Bethoron, with
-- --
her subarbis;
23 `foure citees; also of the
lynage of Dan, Helthece, and Gebethon,
and Haialon,
24 and Gethremmon, with her
subarbis;
25 `foure citees; sotheli of the
half lynage of Manasses, Thanach, and
Gethremon, with her subarbis; `twei citees.
26 Alle the citees ten, and the subarbis `of
tho weren &yogh;ouun to the sones of Caath,
of the lowere degree.
27 Also to the sones
of Gerson, of the kyn of Leuy, Josue &yogh;af
of the half lynage of Manasses, citees
of refuyt, Gaulon in Basan, and Bosra,
with her subarbis, `twei citees.
28 Forsothe
of the lynage of Isachar, he &yogh;af Cesion,
and Daberath,
29 and Jerimoth, and Engannym,
with her subarbis; `foure citees.
30 Of
the lynage of Aser, he &yogh;af Masal, and
Abdon,
31 and Elecath, and Roob, with her
subarbis; `foure citees.
32 Also of the lynage
of Neptalym, `he &yogh;af the citee of
refuyt, Cedes in Galile, and Amodor, and
Carthan, with her subarbis; `thre citees.
33 Alle the citees of the meynees of Gerson
weren threttene, with her subarbis.
34 Sotheli
to the sones of Merary, dekenes
of the lowere degree, bi her meynees, was
&yogh;ouun Getheran, of the linage of Zabulon,
and Charcha, and Demna, and Nalol;
35 `foure
citees, with her subarbis.
36 And of the
lynage of Gad, he &yogh;af the citee of refuyt,
Ramoth in Galaad, and Manaym,
and Esebon, and Jaser; `foure citees, with
her subarbis.
37 And of the lynage of Ruben,
bi&yogh;ende Jordan, a&yogh;ens Jerico, he &yogh;af
`the citee of refuyt, Bosor in the wildirnesse
of Mysor, and Jazer, and Jecson,
and Maspha; `foure citees, with her subarbis.
38 Alle the citees of Merary, bi
her meynees and kynredis, weren twelue.
39 And so alle the citees of Leuytis, in the
myddis of possessioun of the sones of Israel,
weren ei&yogh;te and fourti, with her subarbis;
40
-- --
and alle citees weren departid by
meynees.
41 And the Lord &yogh;af to Israel al
the lond note which he swoor hym silf to
&yogh;yue to the fadris `of hem, and thei hadden
it in possessioun, and dwelliden therynne.
42 And pees was &yogh;ouun of hym in
to alle naciouns `by cumpas; and noon of
enemyes was hardi to withstonde hem,
but alle weren dryuen in to the lordschip
`of hem.
43 Forsothe nether o word,
which he bihi&yogh;te him silf to &yogh;yue to hem,
was voide, but alle wordis weren fillid
in werkis.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
