Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. XX.
1 And the Lord spak to Josue, and seide,
Spek thou to the sones of Israel, and seie
thou to hem,
2 Departe &yogh;e the citees of fugytyues,
`ether of men exilid for vnwilful
schedyng of blood, of whiche citees
Y spak to &yogh;ou bi the hond of Moises,
3 that
whoeuer sleeth vnwytyngli a man, fle to
tho citees;
4 that whanne he hath fled to
oon of these citees, he may ascape the ire
of the nei&yogh;bore, which is veniere of blood.
And he schal stonde bifor the &yogh;atis of the
citee, and he note schal speke to the eldre men
of that citee tho thingis that schulen preue
hym innocent; and so thei schulen reseyue
hym, and schulen &yogh;yue to hym
place to dwelle.
5 And whanne the vengere
of blood pursueth hym, thei schulen
not bitake hym in to the hondis of the
vengere; for vnwityngli he killide his
nei&yogh;bore, and is not preued his enemy
bifor the secounde dai ethir the thridde
dai.
6 And he schal dwelle in that citee, til
he stonde bifor the doom, and &yogh;elde cause
of his dede. And he that killide a man,
dwelle `in that citee, til the grete preest
-- --
die, which is in that tyme; thanne the
mansleere schal turne a&yogh;en, and he schal
entre in to his citee and hows, `fro which
he fledde.
7 And thei ordeyneden Cedes
in Galilee, of the hil of Neptalym, and Sichem
in the hil of Effraym, and Cariatharbe,
thilke is Ebron, in the hil of Juda.
8 And bi&yogh;ende Jordan, a&yogh;ens the eest coost
of Jerico, thei ordeyneden Bosor, which
is set in the feeldi wildirnesse of the lynage
of Ruben, and Ramoth in Galaad,
of the lynage of Gad, and Gaulon in Basan,
of the lynage of Manasses.
9 These
citees weren ordeyned to alle the sones of
Israel, and to comelyngis that dwellen
among hem, that he that killide vnwityngli
a man, schulde fle to tho citees;
and he schulde not die in the hond of
nei&yogh;bore, coueitynge to venge the blood
sched out, til he stood bifor the puple, to
declare his cause.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
