Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. II.
11 Wo to hem that wenten the weie of
Caym, and that ben sched out bi errour
of Balaam for mede, and perischiden in
the a&yogh;enseiyng of Chore.
12 These ben in
her metis, feestynge togidere to filthe,
with out drede fedinge hemsilf. These
ben cloudis with out watir, that ben
borun aboute of the wyndis; heruest
trees with out fruyt, twies deed, drawun
vp bi the roote;
13 wawis of the woode
see, fomynge out her confusiouns; errynge
sterris, to whiche the tempest of derknessis
is kept with outen ende.
14 But
Enoch, the seuenthe fro Adam, profeciede
of these, and seide, Lo! the Lord
cometh with hise hooli thousandis,
15 to do
dom note a&yogh;ens alle men, and to repreue alle
vnfeithful men of alle the werkis of the
wickidnesse of hem, bi whiche thei diden
wickidli, and of alle the harde wordis,
that wyckid synneris han spoke a&yogh;ens
God.
16 These ben grutcheris ful of
pleyntis, wandrynge aftir her desiris;
and the mouth of hem spekith pride,
-- --
worschipinge persoones, bi cause of wynnyng.
17 And &yogh;e, moost dere britheren, be
myndeful of the wordis, whiche ben bifor
seid of apostlis of oure Lord Jhesu Crist;
whiche seiden to &yogh;ou,
18 that in the laste
tymes ther schulen come gilours, wandringe
aftir her owne desiris, not in pitee.
19 These ben, whiche departen hemsilf,
beestli men, not hauynge spirit note.
20 But &yogh;e,
moost dere britheren, aboue bilde &yogh;ou
silf on &yogh;oure moost hooli feith, and preye
&yogh;e in the Hooli Goost,
21 and kepe &yogh;ou silf
in the loue of God, and abide &yogh;e the
merci of oure Lord Jhesu Crist in to lijf
euerlastynge.
22 And repreue &yogh;e these
men that ben demed,
23 but saue &yogh;e note hem,
and take &yogh;e hem fro the fier. And do &yogh;e
merci to othere men, in the drede of
God, and hate &yogh;e also thilke defoulid
coote, which is fleischli.
24 But to him
that is mi&yogh;ti to kepe &yogh;ou with out synne,
and to ordeyne bifore the si&yogh;t of his
glorie &yogh;ou vnwemmed in ful out ioye, in
the comynge of oure Lord Jhesu Crist,
to God aloone oure sauyour,
25 bi Jhesu
Crist oure Lord, be glorie, and magnefiyng,
empire, and power, bifore alle
worldis, `and now and in to alle worldis
of worldis. Amen.
Here endith the pistle of Judee, and
here bigynneth the prologe on the Apocalips.
-- --
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
