Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. I.
1 Judas, the seruaunt of Jhesu Crist,
and brother of James, to these that ben
louyd, that ben in God the fadir, and to
hem that ben clepid and kept of Jhesu
Crist,
2 mercy, and pees, and charite be
fillid to &yogh;ou.
3 Moost dere britheren, Y
doynge al bisynesse to write to &yogh;ou of
&yogh;oure comyn helthe, hadde nede to write
to &yogh;ou, and preye to striue strongli for
the feith that is onys note takun to seyntis.
4 For summe vnfeithful men priueli entriden,
that sum tyme weren bifore
writun in to this dom, and ouerturnen the
grace of oure God in to letcherie, and
denyen hym that is oneli a Lord, oure
Lord Jhesu Crist.
5 But Y wole moneste
&yogh;ou onys, that witen alle thingis, that
Jhesus sauyde his puple fro the lond of
Egipt, and the secunde tyme loste hem
that bileueden not.
6 And he reseruede
vndur derknesse aungels, that kepten not
her prinshod, but forsoken her hous, in
to the dom of the greet God, in to euerlastynge
bondis.
7 As Sodom, and Gomorre,
and the ny&yogh; coostid citees, that in lijk
maner diden fornycacioun, and &yogh;eden
-- --
awei aftir othir fleisch, and ben maad
ensaumple, suffrynge peyne of euerelastinge
fier.
8 In lijk maner also these that
defoulen the fleisch, and dispisen lordschip,
and blasfemen mageste.
9 Whanne
My&yogh;hel, arkaungel, disputide with the
deuel, and stroof of Moises note bodi, he was
not hardi to brynge in dom of blasfemye,
but seide, The Lord comaunde
to thee.
10 But these men blasfemen, what
euer thingis thei knowen not. For what
euer thingis thei knowen kyndli as
doumbe beestis, in these thei ben corupt.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
