Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. XXII.
1 Britheren and fadris, here &yogh;e what resoun
Y &yogh;elde now to &yogh;ou.
2 And whanne
sum herden that in Ebrew tunge he spak
to hem, thei &yogh;auen the more silence.
3 And
he seide, Y am a man a Jew, borun at
Tharse of Cilicie, nurischid and in this
citee bisidis the feet of Gamaliel, tau&yogh;t
bi the treuthe of fadris lawe, a louyere
of the lawe, as also &yogh;e alle ben to dai.
4 And Y pursuede this weie til to the
deth, byndynge and bitakinge `in to
holdis men and wymmen,
5 as the prince
of prestis &yogh;eldith witnessyng to me, and
alle the grettest in birth. Of whom also
Y took pistlis to britheren, and wente
to Damask, to bring fro thennys men
boundun in to Jerusalem, that thei schulden
be peyned.
6 And it was don, while
Y &yogh;ede, and nei&yogh;ede to Damask, at myddai
sudeynli fro heuene a greet plente
of li&yogh;t schoon aboute me.
7 And Y felde
doun to the erthe, and herde a voice fro
heuene, seiynge to me, Saul, Saul, what
pursuest thou me? It is hard to thee
to kike a&yogh;ens the pricke.
8 And Y answeride,
-- --
Who art thou, Lord? And he
seide to me, Y am Jhesu of Nazareth,
whom thou pursuest.
9 And thei that
weren with me sien but the li&yogh;t, but thei
herden not the vois of hym, that spak
with me.
10 And Y seide, Lord, what schal
Y do? And the Lord seide to me, Rise
thou, and go to Damask; and there it
schal be seid to thee, of alle thingis
which it bihoueth thee to do.
11 And
whanne Y saye not, for the clerete of
that li&yogh;t, Y was led bi the hond of felowis,
and Y cam to Damask.
12 And a
man, Ananye, that bi the lawe hadde
wytnessyng of alle Jewis dwellinge in
Damask,
13 cam to me, and stood ni&yogh;, and
seide to me, Saul, brother, biholde. And
Y in the same our biheelde in to hym.
14 And he seide, God of oure fadris hath
bifor ordeyned thee, that thou schuldist
knowe the wille of him, and schuldist se
the ri&yogh;tful man, and here the vois of his
mouth.
15 For thou schalt be his witnesse
to alle men, of tho thingis that thou
hast seyn and herd.
16 And now, what
dwellist thou? Rise vp, and be baptisid,
and waische awei thi synnes, bi
the name of hym clepid to help.
17 And
it was don to me, as Y turnede a&yogh;en in
to Jerusalem, and preyede in the temple,
that Y was maad in rauysching of
soule,
18 and Y si&yogh; him seiynge to me, Hi&yogh;e
thou, and go out faste of Jerusalem, for
thei schulen not resseyue thi witnessing
of me.
19 And Y seide, Lord, thei witen,
that Y was closing togidir `in to prisoun,
and betinge bi synagogis hem that
bileueden `in to thee.
20 And whanne the
blood of Steuene, thi witnesse, was sched
out, Y stood ni&yogh;, and consentide, and
kept the clothis of men that slowen hym.
21 And he seide to me, Go thou, for Y schal
sende thee fer to naciouns.
22 And thei
-- --
herden him til this word; and thei reiseden
her vois, and seiden, Take awei fro
the erthe siche a maner man; for it is
not leueful, that he lyue.
23 And whanne
thei crieden, and kesten awei her clothis,
and threwen dust in to the eir,
24 the tribune
comaundide hym to be led in to
castels, and to be betun with scourgis,
and to be turmentid, that he wiste, for
what cause thei crieden so to him.
25 And
whanne thei hadden boundun hym with
cordis, Poul seide to a centurien stondinge
ni&yogh; to hym, Whether it is leueful to &yogh;ou,
to scourge a Romayn, and vndampned?
26 And whanne this thing was herd, the
centurien wente to the tribune, and telde
to hym, and seide, What art thou to
doynge? for this man is a citeseyn of
Rome.
27 And the tribune cam ni&yogh;, and
seide to hym, Seie thou to me, whether
thou art a Romayn?
28 And he seide, &YOGH;he.
And the tribune answeride, Y with
myche summe gat this fredom. And
Poul seide, And Y was borun a citeseyn
of Rome.
29 Therfor anoon thei that schulden
haue turmentid hym, departiden
awei fro hym. And the tribune dredde,
aftir that he wiste, that he was a citeseyn
of Rome, and for he hadde boundun
hym.
30 But in the dai suynge he wolde
wite more diligentli, for what cause he
were accusid of the Jewis, and vnbounde
hym, and comaundide prestis and al the
counsel to come togidir. And he brou&yogh;te
forth Poul, and sette hym among hem.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
