Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. LV.
1 Alle that thirsten, come &yogh;e to watris,
and &yogh;e han not siluer, haaste, bie &yogh;e,
-- --
and ete &yogh;e; come &yogh;e, bie &yogh;e, with out siluer
and with outen ony chaungyng, wyn
and mylk.
2 Whi peisen &yogh;e siluer, and not
in looues, and &yogh;oure trauel, not in fulnesse?
&YOGH;e herynge here me, and ete &yogh;e good, and
&yogh;oure soule schal delite in fatnesse.
3 Bowe
&yogh;e &yogh;oure eere, and `come &yogh;e to me; here
&yogh;e, and &yogh;oure soule schal lyue; and Y schal
smyte with &yogh;ou a couenaunt euerlastynge,
the feithful mercies of Dauid.
4 Lo! Y &yogh;af
hym a witnesse to puplis, a duyk and a
comaundour to folkis.
5 Lo! thou schalt
clepe folkis, whiche thou knewist not; and
folkis, that knewen not thee, schulen renne
to thee; for thi Lord God, and the hooli
of Israel, for he glorifiede thee.
6 Seke &yogh;e
the Lord, while he mai be foundun; clepe
&yogh;e hym to help, while he is ni&yogh;.
7 An vnfeithful
man forsake his weie, and a wickid
man forsake hise thou&yogh;tis; and turne he
a&yogh;en to the Lord, and he schal haue merci
on hym, and to oure God, for he is myche
to for&yogh;yue.
8 For why my thou&yogh;tis ben not
&yogh;oure thou&yogh;tis, and my weies ben not &yogh;oure
weies, seith the Lord.
9 For as heuenys ben
reisid fro erthe, so my weies ben reisid fro
&yogh;oure weies, and my thou&yogh;tis fro &yogh;oure
thou&yogh;tis.
10 And as reyn and snow cometh
doun fro heuene, and turneth no more
a&yogh;en thidur, but it fillith the erthe, and
bischedith it, and makith it to buriowne,
and &yogh;yueth seed to hym that sowith, and
breed to hym that etith,
11 so schal be my
word, that schal go out of my mouth. It
schal not turne a&yogh;en voide to me, but it
schal do what euer thingis Y wolde, and
it schal haue prosperite in these thingis
to whiche Y sente it.
12 For &yogh;e schulen go
out in gladnesse, and &yogh;e schulen be led
forth in pees; mounteyns and litil hillis
schulen synge heriynge bifore &yogh;ou, and alle
the trees of the cuntrei schulen make ioie
with hond.
13 A fir tre schal grow for a
firse, and a mirte tre schal wexe for a
nettil; and the Lord schal be nemyd in
-- --
to a signe euerlastynge, that schal not be
doon awei.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
