Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. XXXV.
1 The forsakun Judee and with outen
weie schal be glad, and wildirnesse schal
make ful out ioye, and schal floure as a
lilie.
2 It buriownynge schal buriowne, and
it glad and preisynge schal make ful out
ioie. The glorie of Liban is &yogh;ouun to it,
the fairnesse of Carmele and of Saron;
thei schulen se the glorie of the Lord, and
the fairnesse of oure God.
3 Coumforte &yogh;e
comelid hondis, and make &yogh;e strong feble
knees.
4 Seie &yogh;e, Men of litil coumfort, be
&yogh;e coumfortid, and nyle &yogh;e drede; lo! oure
God schal brynge the veniaunce of &yogh;eldyng,
God note hym silf schal come, and schal
saue vs.
5 Thanne the i&yogh;en of blynde men
schulen be openyd, and the eeris of deef
men schulen be opyn.
6 Thanne a crokid
man schal skippe as an hert, and the tunge
of doumbe men schal be openyd; for whi
watris ben brokun out in desert, and
stremes in wildirnesse.
7 And that that
was drie, is maad in to a poond, and the
thirsti is maad in to wellis of watris.
Grenenesse of rehed, and of spier schal
growe in dennes, in whiche dwelliden
dragouns bifore. And a path and a weie
schal be there,
8 and it schal be clepid an
hooli weie, he that is defoulid schal not
passe therbi; and this schal be a strei&yogh;t
weie to &yogh;ou, so that foolis erre not therbi.
9 A lioun schal not be there, and an yuel
beeste schal not stie therbi, nether schal
-- --
be foundun there.
10 And thei schulen go,
that ben delyuered and a&yogh;enbou&yogh;t of the
Lord; and thei schulen be conuertid, and
schulen come in to Sion with preisyng;
and euerlastynge gladnesse schal be on
the heed of hem; thei schulen haue ioie
and gladnesse, and sorewe and weilyng
schulen fle awei.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
