Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. XXXV.
1 He that kepith the word, multiplieth
preier note.
2 Heelful sacrifice is to take heede
to the comaundementis, and to departe fro
al wickidnesse.
3 And to offre the plesyng of
sacrifice for vnri&yogh;tfulnesses, and bisechyng
for synnes, is to go awey fro vnri&yogh;tfulnesse.
4 He that offrith purest flour of
wheete, schal &yogh;elde grace note; and he that
doith merci, offrith a sacrifice.
5 It is wel
plesaunt to the Lord, to go awei fro wickidnesse;
and preier is to go awei fro vnri&yogh;tfulnesse.
6 Thou schalt not appere voide note
-- --
bifore the si&yogh;t of God;
7 for whi alle these
thingis ben doon for the heestis of God.
8 The offryng of a iust man makith fat the
auter, and is odour of swetnesse in the
si&yogh;t of the hi&yogh;este.
9 The sacrifice of a iust
man is acceptable, and the Lord schal not
for&yogh;ete the mynde of hym.
10 With good
wille &yogh;elde thou glorie to God, and make
thou not lesse the firste fruytis of thin
hondis.
11 In ech &yogh;ifte make glad thi cheer,
and in ful out ioiyng halewe thi tithis.
12 &YOGH;yue thou to the hi&yogh;este aftir his &yogh;ifte note;
and with good i&yogh;e make thou the fyndyng
of thin hondis.
13 For whi the Lord is
a &yogh;eldere, and he schal &yogh;elde seuene fold so
myche to thee.
14 Nyle thou offre schrewid
&yogh;iftis; for he schal not resseyue tho.
15 And
nyle thou biholde an vniust sacrifice; for
the Lord is iuge, and glorie of persoone note
is not at hym.
16 The Lord schal not take
a persoone a&yogh;ens a pore man; and he schal
here the preier of hym that is hirt.
17 He
schal not dispise the preyeris of a fadirles
child, nether a widewe, if sche schedith
out speche of weilyng.
18 Whether the teeris
of a widew goen not doun to the cheke,
and the criyng of hir on hym that ledith
forth tho teeris?
19 For whi tho stien fro
the cheke `til to heuene, and the Lord
herere schal not delite in tho.
20 He that
worschipith God in delityng, schal be resseyued;
and his preyer schal nei&yogh;e `til to
the clowdis.
21 The preier of hym that
mekith hym silf schal perse clowdis, and
til it nei&yogh;eth note, he schal not be coumfortid,
and he schal not go awey, til the hi&yogh;este
biholde.
22 And the Lord schal not be fer,
but he schal iuge iust men, and schal
make doom; and the strongeste schal not
haue pacience in tho, that he troble the
bak of hem.
23 And he schal &yogh;elde veniaunce
to folkis, til he take awei the fulnesse
of proude men, and troble togidere
the ceptris of wickid men;
24 til he &yogh;elde to
men aftir her dedis, and aftir the werkis
-- --
of Adam note, and aftir the presumpcioun of
hym;
25 til he deme the dome of his puple,
and schal delite iust men in his merci.
26 The merci of God is fair in the tyme of
tribulacioun, as clowdis of reyn in the
tyme of drynesse.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
