Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. XVIII.
1 He that lyueth with out bigynnyng
and ende, made of nou&yogh;t alle thingis togidere;
God alone schal be iustified, and
he dwellith a king vnouercomun with
outen ende.
2 Who schal suffice to telle
out his werkis?
3 for whi who schal seke
the grete thingis of hym?
4 But who schal
telle out the vertu of his greetnesse?
ether who schal leie to for to telle out his
mercy?
5 It is not to make lesse, nether
to leie to; nethir it is to fynde the grete
thingis of God.
6 Whanne a man hath
endid note, thanne he schal bigynne; and
whanne he hath restid, he schal worche.
7 What is a man, and what is the glorie of
him? and what is good, ether what is the
wickid thing of him?
8 The noumbre of
the daies of men, that ben comynli an
hundrid &yogh;eer, ben arettid as the dropis of
the watir of the see; and as the stoon of
grauel, so a fewe &yogh;eeris in the dai of euerlastyngnesse.
9 For this thing God is pacient
in hem, and schedith out on hem his
merci.
10 He si&yogh; the presumpcioun of her
herte, for it was yuel; and he knew the
distriyng of hem, for it was wickid.
11 Therfor he fillide his merci in hem, and
schewide to hem the weie of equite.
12 The
merciful doyng of man is aboute his nei&yogh;bore;
but the merci of the Lord is ouer
ech fleisch.
13 He that hath merci, and
techith, and chastisith as a scheepherde
his floc,
14 do merci, takynge the techyng note
of merciful doyng; and he that hastith
in the domes note therof.
15 Sone, in goodis &yogh;yue
thou not pleynt, and in ech &yogh;ifte &yogh;yue thou
not heuynesse of an yuel word.
16 Whether
dew schal not kele heete? so and a word
is betere than &yogh;ifte.
17 Lo! whether a word
is not aboue a good &yogh;ifte? but euer ethir
is with a man iustified.
18 A fool schal vpbreide
-- --
scharpli; and the &yogh;ifte of an vntau&yogh;t
man makith i&yogh;en to faile note.
19 Bifore
the doom make thou redi ri&yogh;tfulnesse to
thee; and lerne thou, bifore that thou
speke.
20 Bifore sikenesse &yogh;yue thou medicyn;
and bifore the doom axe thi silf,
and thou schalt fynde merci in the si&yogh;t of
God.
21 Bifore sikenesse make the meke,
and in the tyme of sikenesse schewe thi
lyuyng.
22 Be thou not lettid note to preye
euere, and drede thou not to be iustified
til to deth; for whi the meede of God
dwellith with outen ende.
23 Bifore preier
make redi thi soule; and nyle thou be as
a man that temptith God note.
24 Haue thou
mynde of ire in the dai of endyng; and
make thou in lyuyng the tyme of &yogh;elding.
25 Haue thou mynde of pouert in the dai of
abundaunce; and the nede of pouert in
the tyme of richessis.
26 Fro the morewtid
`til to the euentid the tyme schal be
chaungid; and alle these thingis ben swift
in the i&yogh;en of God.
27 A wise man schal
drede in alle thingis; and in the daies of
trespassis he schal fle fro vnkunnyng,
ether slouthe.
28 Ech fel man note knowith
wisdom; and to hym that fyndith it, he
schal &yogh;yue knouleching.
29 Witti men in
wordis also thei diden wiseli, and vndurstoden
treuthe, and ri&yogh;tfulnesse; and
bisou&yogh;ten note prouerbis and domes.
30 Go thou
not aftir thi coueitises; and be thou turned
awei fro thi wille.
31 If thou &yogh;yuest to thi
soule the coueitisis therof, it schal make
thee in to ioie to thin enemyes.
32 Delite
thou not in cumpenyes, nether in litle
cumpenyes; for whi the synnyng of hem
is contynuel.
33 Be thou not meene in the
stryuyng of looue, and sum thing is to
thee in the world note; for whi thou schalt
be enuyouse to thi soule.
-- --
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
