Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. XVII.
1 God formede man of erthe; and aftir
his ymage he made man.
2 And eft he
turnede man in to that ymage note; and aftir
hym silf he clothide hym with vertu.
3 He
&yogh;af to hym the noumbre of daies, and
tyme; and he &yogh;af to him power of tho
thingis that ben on erthe.
4 He settide the
drede of man on al fleisch, and he was
lord of beestis and fliynge briddis.
5 He
formyde of man an help lijk hym; he &yogh;af
to hem councel, and tunge, and i&yogh;en, and
eeris, and herte to thenke out; and he
fillide hem with techyng of vndurstondyng.
6 He made to hem the kunnyng of
spirit, he fillide the herte of hem with
wit; and he schewide to hem yuels and
goodis.
7 He settide the i&yogh;e of hem on the
hertes of hem, to schewe to hem the grete
thingis of hise werkis,
8 that thei preise togidere
the name of halewyng note; and to
haue glorie in hise meruels, that thei
telle out the grete thingis of hise werkis.
9 He addide to hem techyng; and he enheritide
hem with the lawe of lijf.
10 He ordeynyde
an euerlastynge testament with
hem; and he schewide to hem hise ri&yogh;tfulnesse,
and domes.
11 And the i&yogh;e of hem si&yogh;
the grete thingis of his onour, and the
eeris of hem herden the onour of vois;
and he seide to hem, Take heede to &yogh;ou
fro al wickid thing.
12 And he comaundide
to hem, to ech man of his nei&yogh;bore.
13 The
weies of hem ben euere bifore hym; tho
ben not hid fro hise i&yogh;en.
14 On ech folk
he made souereyn a gouernour;
15 and Israel
was maad the opyn part of God.
16 And
alle the werkis of hem ben as the sunne
in the si&yogh;t of God; and hise i&yogh;en biholden
with out ceessyng in the weies of hem.
17 Testamentis note weren not hid fro the wickidnesse
of hem; and alle the wickydnessis
-- --
of hem weren in the si&yogh;t of God.
18 The
almes of a man is as a bagge with hym note,
and it schal kepe the grace of a man as
the appil of the i&yogh;e;
19 and afterward man
schal rise a&yogh;en, and it schal &yogh;elde to hem a
&yogh;elding, to ech man in to the heed of
hem; and schal turne in to the lower
partis of erthe note.
20 Forsothe it &yogh;af to men
repentinge the weie of ri&yogh;tfulnesse, and
confermede men failynge to suffre, and
ordeynede to hem the part of treuthe.
21 Turne thou to the Lord, and forsake thi
synnes;
22 preye thou bifore the face of the
Lord, and make thou lesse hirtingis.
23 Turne thou a&yogh;en to the Lord, and turne
thou awei fro thin vnri&yogh;tfulnesse, and hate
thou greetli cursyng note.
24 And knowe thou
the ri&yogh;tfulnessis, and domes of God; and
stonde thou in the part of good purpos,
and of preier of the hi&yogh;este God.
25 Go
thou in to the partis of the hooli world note,
with men lyuynge, and &yogh;yuynge knouleching
to God.
26 Dwelle thou not in the
errour of wickid men. Knouleche thou
bifore deth; knouleching perischith fro
a deed man, as no thing.
27 Lyuynge thou
schalt knouleche, lyuynge and hool thou
schalt knowleche, and schalt herie God;
and thou schalt haue glorie in the merciful
doyngis of hym.
28 The merci of God
is ful greet, and his help to hem that
conuerten to hym.
29 For whi not alle
thingis moun be in men; for whi the sone
of man is not vndeedli, and malices plesiden
in to vanyte.
30 What is clerere than
the sunne? and this schal faile note; ethir
what is worse than that, that fleisch and
blood thou&yogh;te out? and of this he schal be
repreued.
31 He note biholdith the vertu of
hi&yogh;nesse of heuene; and alle men ben
erthe and aische.
-- --
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
