Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. XII.
1 Haue thou mynde on thi creatour note in
the daies of thi &yogh;ongthe, bifore that the
tyme of thi turment come, and the &yogh;eris
of thi deth nei&yogh;e, of whiche thou schalt
seie, Tho plesen not me.
2 `Haue thou
mynde on thi creatour, bifor that the
-- --
sunne be derk, and the li&yogh;t, and sterrys,
and the mone; and cloude turne a&yogh;en
after reyn note.
3 Whanne the keperis of the
hous schulen be mouyd, and strongeste
men schulen tremble; and grynderis schulen
be idel, whanne the noumbre schal be
maad lesse, and seeris bi the hoolis schulen
wexe derk;
4 and schulen close the doris
in the street, in the lownesse of vois of a
gryndere; and thei schulen rise at the vois
of a brid note, and alle the dou&yogh;tris of song
schulen wexe deef.
5 And hi&yogh; thingis
schulen drede, and schulen be aferd in
the weie note; an alemaunde tre schal floure,
a locuste schal be maad fat, and capparis note
schal be distried; for a man schal go
in to the hous of his euerlastyngnesse,
and weileris schulen go aboute in the
street.
6 Haue thou mynde on thi creatour,
byfore that a siluerne roop note be brokun, and
a goldun lace renne a&yogh;en, and a watir pot
be al to-brokun on the welle, and a wheele
be brokun togidere on the cisterne;
7 and
dust turne a&yogh;en in to his erthe, wherof it
was, and the spirit turne a&yogh;en to God,
that &yogh;af it.
8 The vanyte of vanytees, seide
Ecclesiastes, the vanyte of vanytees, and
alle thingis ben vanyte.
9 And whanne
Ecclesiastes was moost wijs note, he tau&yogh;te
the puple, and he telde out the thingis
whiche he dide,
10 and he sou&yogh;te out wisdom,
and made many parablis; he sou&yogh;te profitable
wordis, and he wroot moost ri&yogh;tful
wordis, and ful of treuthe.
11 The wordis
of wise men ben as prickis, and as nailis
fastned deepe, whiche ben &yogh;ouun of o
scheepherde note bi the counsels of maistris note.
12 My sone, seke thou no more than these;
noon ende is to make many bookis, and
-- --
ofte thenkyng is turment of fleisch.
13 Alle
we here togydere the ende of spekyng.
Drede thou God, and kepe hise heestis;
`that is to seie, ech man note.
14 God schal
brynge alle thingis in to dom, that ben
don; for ech thing don bi errour, whether
it be good, ether yuel.
Here endith Ecclesiastes, and here
bigynneth the Song of Songis.
-- --
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
