Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. I.
1 Aftir the deeth of Josue the sones
of Irael counseilden the Lord, seyynge,
Who shal stye vp bifore vs a&yogh;ens Chanane,
and be duk of bateil?
2 And the
Lord seide, Judas shal stie vp; loo! I
haue taak the loond in his hoond.
3 And
Juda seith to Symeon, his brothir, Sty vp
with me in my lot, and fi&yogh;t a&yogh;ens Chanane,
that I goo with thee in thi lot.
4 And Symeon wente with hym; and Juda
stiede vp. And the Lord took Chanane
and Phereze in to the hoondis of hem,
and thei smyten in Bezech ten thousand
of men.
5 And thei foonden Adonybezech
in Besech, and thei fou&yogh;ten a&yogh;ens hym,
and smyten Chanane, and Phereze.
6 Adonybezech
forsothe flei&yogh;, whom pursuynge
-- --
thei, token, kit of the ouermost partis of
the hoondis of hym, and of feet.
7 And
Adonybezech seide, Seuenti kyngis, kut
of the ouermore paartis of hoondis and
of feet, gedreden vndur my bord relyues
of meetis; as I haue doo, so the Lord
hath doo to me. And thei brou&yogh;ten
hym into Jerusalem, and there he died.
8 Thanne the sones of Juda ouercomynge
Jerusalem token it, and smyten in mouth
of swerd, takynge al the citee to brennynge.
9 And afterward descendynge thei
fou&yogh;ten a&yogh;ens Chanane, that dwellyd in
the mounteyns, and at the south, in the
wijld feeldis.
10 And Judas goynge a&yogh;ens
Chanane, that dwellid in Ebron, whos
name was bi old tyme Caryatharbe,
smoot Sisay, and Achyman, and Tholomay.
11 And thens goon, wenten to the
dwellers of Dabir, whos name was old
Cariathsepher, that is, the citee of lettris.
12 And Caleph seide, Who smytith Carythsepher,
and wastith it, I shal &yogh;yue to
hym a wijf, Axam, my dou&yogh;ter.
13 And
whanne Othonyel, the sone of Senech,
the lasse brother of Caleph, hadde taak
it, he &yogh;af to hym a wijf, Axam, hys dou&yogh;ter.
14 The which goynge in the weie, hir
man monestide, that she shulde axe hir
fader a feeld; the which whanne she
hadde si&yogh;id, sittynge in an asse, Caleph
seide to hir, What hast thou?
15 And she
answerde, &YOGH;if to me a blessynge, for a dry
erthe thou hast &yogh;yue to me; &yogh;if and a
moyst with watris. And Caleph &yogh;af to
hir moyst aboue, and moyst bynethe.
16 Forsothe the sones of Cyney, cosyn to
Moises, stieden vp fro the citee of palmes
with the sones of Juda, into the deseert
of his lot, that is at the south of Arach;
and thei dwelliden with him.
17 And Judas
wente with Symeon, his brother; and
thei smyten to gidre Chananee, that
-- --
dwellid in Sephat, and thei slewen hym;
and the name of the cytee was clepid
Horma, that is, cursynge.
18 And Judas
took Gazam with his eendis, and Ascalonem,
and Accharon with his teermys.
19 And the Lord was with Judas, and the
mounteyns he weeldide; and he my&yogh;te
not doo a wey the dwellers of the valei,
for thei aboundiden in chaarys ful of
weepnes in maner of sithis.
20 And thei
&yogh;yuen to Caleph Ebron, as Moises seide,
the which dide awey fro it thre sones of
Enach.
21 Jebuse forsothe, the dweller of
Jerusalem, the sones of Beniamyn, diden
not a wey; and Jebuse dwelt with the
sones of Beniamyn in Jerusalem vnto the
day that is nowe.
22 Forsothe the hows of
Joseph stiede in to Bethel, and the Lord
was with hem.
23 For whanne thei segedyn
the cite, that before was clepid Luza,
24 thei seey&yogh;in a man goynge out of the
cytee, and thei seiden to hym, Shewe to
vs the entre of the cytee, and we shulen
do with thee merci.
25 The which whanne
he hadde shewid to hem, thei smyten the
citee in mouth of the swerd; forsothe
thilk man and al his kynrede thei leften.
26 The which left wente into the loond of
Sechym, and bilde there a citee, and clepide
it Luzam; the which is clepid so vnto
the day that is nowe.
27 Forsothe Manasses
dide not a wey Bethsan, and Thanael with
his lytyl touns, and the dwellers of Endor,
and Geblaam, and Magedo with his
litil touns; and Chanane bigan to dwel
with hem.
28 Forsothe after that Yrael is
comfourtyd, he made hem tributaryes,
and doon a wey wold he not.
29 Forsothe
Effraym slewe not Cananee that dwellid
in Gazer, but dwellid with hym.
30 Zabulon
dide not a wey the dwellers of Cethron
and of Naalon; but Chananee dwelt in
the mydil of hym, and is maad to hym
-- --
tributarie.
31 Forsothe Aser dide not a weye
the dwellers of Cho, and of Sidon, Alab,
and Azenbus, and Alba, and Aphe, Chaaloa,
and Pha, and Roab;
32 and he dwellid
in the mydil of Chananei, the dweller of
the lond, ne he slew&yogh; him.
33 Neptalim dide
not a wei the dwellers of Bethsames, and
of Bethanach; and he dwellide among
Chanane, the dweller of the lond; and
Bethsamytes and Bethanites weren to
him tributaries.
34 And Amorre artide the
sones of Dan in the hil, ne he &yogh;af to hem
place that to the pleyner thei my&yogh;ten
descende;
35 and he dwelte in the hil of
Hares, that is to seye, Witnessinge, in
Hailon, and Salabym. And the hond
of the hous of Joseph is agreggid a&yogh;ens
Amorre, and he is maad to hym tributarie.
36 Forsothe the terme of Amorre was
fro the stiynge vp of Scorpioun, and Petra,
and the hei&yogh;er places.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
