Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. VIII.
1 Seyde forsothe the Lord vnto Josue,
Ne drede thow, ne be feerd; tak with
thee al the multitude of fi&yogh;ters, and risynge
sty vp into the burgh toun of Hay;
loo, Y haue taak into thin hoond his
kyng, and puple, and cytee, and loond.
2 And thou shalt do to the citee of Hay
and to his kyng, as thow didist to Jericho,
and to the kyng of it; the pray forsothe
-- --
and alle the lyuynge beestis &yogh;e
shulen taak to &yogh;ow; put busshementis
to the cyte bihynde it.
3 And Josue roos,
and al the oost of fi&yogh;ters with hym, for to
stye vp into Hay; and he sente the ny&yogh;t
thretti thowsand chosen of stronge men;
and he comaundide to hem,
4 seiynge,
Putte &yogh;e busshementis bihynde the cytee,
ne ferther goo &yogh;e awey; and &yogh;e shulen be
al redi;
5 forsothe Y and that other multitude
that is with me, `fro forn a&yogh;ens
we shulen come a&yogh;ens the cite; and
whanne thei weren gon out a&yogh;ens vs, as
we diden before, we shulen flee, and
turne backis,
6 to the tyme that thei pursuwynge
more along fro the cyte ben
drawen a ferre; forsothe thei shulen wene
vs to flee as before.
7 Vs thanne fleynge
and hem pursuynge, &yogh;e shulen ryse fro
the busshement, and &yogh;e shulen waast the
cytee; and the Lord &yogh;oure God shal taak
it into &yogh;oure hoondis.
8 And whanne &yogh;e
han taak it, sette &yogh;e it a fier; so alle
thingis &yogh;e shulen doo, as Y haue comaundide.
9 And he lefte hem, and thei
wenten to the place of the busshement,
and thei seten betwixe Bethel and Hay,
at the west coost of the cytee of Hay.
Forsothe Josue that ny&yogh;t dwellide in the
mydil of the puple.
10 And rysynge eerly
he tolde felawis, and he styede with the
eldren in the frownt of the oost, biset
with help of fi&yogh;ters.
11 And whanne thei
weren comen, and hadden styed vp fro
a&yogh;ens of the citee, and thei stoden at the
north coost of the cytee, bitwix the
whiche and hem was a mydil valey.
12 Forsothe
fyue thousand men he chees, and
putte in the busshement bitwix Bathauen
and Hay, fro the west paart of the
-- --
same cyte.
13 Forsothe al `that other oost
at the north made redi the poynt, so that
the last of the multitude atteyneden the
west coost of the cytee. Josue thanne
wente that ny&yogh;t, and stood in the mydil
of the valey;
14 that whanne the kyng of
Hay had seen, he hiede eerli, and wente
out with al the oost of the cyte, and he
dresside the poynt a&yogh;ens the deseert, vnknowynge
that bihynde the bak weren
hid busshementis.
15 Forsothe Josue and
al the multitude of Yrael &yogh;auen steede
to the place, feynynge dreed, and fleynge
bi the weie of wildirnesse;
16 and thei criynge
out togidre, and hem self togidre
gladly clepynge pursueden hem. And
whanne thei weren goo fro the cytee,
17 and not oon forsothe in the cytee of Hay
and Bethauen was laft, that pursuwede
not Yrael, as thei breken out leeuynge
the borgh towns open,
18 the Lord seide to
Josue, Heue vp `the sheeld that is in
thin hoond, a&yogh;ens the cyte of Hay; for
to thee Y shal taak it.
19 And whanne he
hadde houen vp the sheld fro a&yogh;ens the
citee, the busshementis that weren hid,
rysen anoon, and goynge to the cytee
token, and sett it afier.
20 Forsothe the
men of the citee, that pursuweden Josue,
beholdynge and seynge the smook of the
cite vnto heuene stie vp, thei my&yogh;ten no
more hidir and thidir fleynge atwynne,
namelich whanne thei that feyneden fli&yogh;t,
and wenten to wildirnesse, a&yogh;ens the pursuwers
moost my&yogh;tili hadde with stonden.
21 And seynge Josue and al Yrael, that the
citee was takun, and smook of the citee
stiede vp, turned a&yogh;en smoot the men of
Hay.
22 Forsothe and thei that token, and
hadden sett the cytee a fier, goon out fro
the citee a&yogh;ens her mydlis of enemyes,
thei bigunnen to smyit; and whanne on
-- --
eithir partye aduersaries weren slayn,
so that no man of so myche a multitude
were saaf,
23 forsothe the kyng of Hay thei
token lyuynge, and offerden to Josue.
24 Thanne alle slayn that Yrael to deseert
goynge pursuweden, and in the same
place bi swerd fallynge, the sones of
Yrael turneden a&yogh;en smyten to the cytee.
25 Forsothe there weren that in the same
dai dieden, fro man vnto womman, twelue
thowsand of men, of al the cyte of Hay.
26 Forsothe Josue withdrewe not the hoond,
that in hi&yogh;th he putte vp holdynge the
sheeld, to the tyme that alle the dwellers
of Hay weren slayn.
27 Forsothe the beestis
and the praye of the cytee the sones of
Yrael dyuydeden to hem silf, as the Lord
hadde comaundid to Josue;
28 the which
brente the cytee, and made it an euerlastynge
toumbe.
29 Forsothe the kyng of
it he hongid in a gybet, vnto euen and
the sunne goynge doun. And Josue comaundide,
and thei putten doun the careyn
of hym fro the cros; and thei threwen
in that entre of the cytee, throwen togidre
vpon hym a greet heep of stonus, the
which abidith stil vnto the day that is
nowe.
30 Thanne Josue bilde vp an auter
to the Lord God of Yrael in the hil of
Hebal,
31 as Moyses, the seruaunt of the
Lord, hadde comaundid to the sones of
Irael, and it was wryten in the volym
of the lawe of Moyses, an auter of stonus
vnhewid, the whiche yren hath not
towchid. And he offerde vpon it brent
sacrifice to the Lord, and he offrede pesible
slayn sacrifices;
32 and wroot vpon the
stonus short declaracioun of the lawe of
Moyses, that he tolde before the sones of
Yrael.
33 Forsothe al the puple, and the
more thur&yogh; birth, and duykis, and iugis
stoden on either paart of the arke, in the
-- --
sy&yogh;t of prestis and Leuytis, that beren
the arke of the boond of pees of the
Lord; as the comlynge, so and the withyn
goten; the half paart of hem biside the
hil of Garysym, and half biside the hil
of Hebal, as Moyses comaundide, the seruaunt
of the Lord. And first forsothe he
blessede to the puple of Yrael.
34 After
thes thingis he radde alle the wordis of
blessynge, and cursynge, and alle that
weren wryten in the volym of the lawe.
35 No thing of thes thingis, that Moyses comaundide,
he left vntowchyd; but alle
thingis he openyde before al the multitude
of Yrael, the wymmen, and litil children,
and comlyngis, that among hem
dwelliden.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|