CAP. XXI.
1 And the princes of the meynees of
Leuy camen to Eleazar, the preest, and
to Josue, the sone of Nun, and to the
dukys of the kynredis, bi eche lynagis of
the sones of Yrael;
2 and thei speken to
hem in Silo, of the loond of Chanaan,
and seiden, The Lord comaundide bi the
hoond of Moyses, that there shulden be
&yogh;eue to vs cytees to dwel, and suburbis
of hem to beestis to be fed.
3 And the
sones of Irael &yogh;auen of her possessiouns,
after the heest of the Lord, citees and
suburbs of hem.
4 And the lot wente out
in to the meynee of Chaat, of the sones
of Aaron, preest, of the lynage of Juda,
and of Symeon, and of Beniamyn, citees
thretteen;
5 and to `that other of the
sones of Chaath, that is, to the Leuytis
that weren ouer, of the lynagis of Effraym,
and of Dan, and of half the lynage
-- --
of Manasse, cytees ten.
6 Forthermore to
the sones of Gerson wente out lot, that
thei taken of the lynagis of Ysachar, and
Aser, and Neptalym, and of the half
lynage of Manasse in Basan, cytees in
noumbre thretteen;
7 and to the sones of
Merary, bi her kynredis, of the lynagis
of Ruben, and of Gad, and of Zabulon,
citees twelue.
8 And the sones of Yrael
&yogh;auen to the Leuytis citees, and suburbs
of hem, as the Lord comaundide bi the
hoond of Moyses, eche bi lot &yogh;yuynge.
9 Of the lynagis of the sones of Juda, and
of Symeon, Josue &yogh;af citees, of the whiche
thes ben the names;
10 to the sones of
Aaron, bi the meynees of Chaath, of
Leuy kynde; forsothe the fyrst lot goon
out to hem is;
11 Caryatharbe, of the fader
of Enach, that is clepid Ebron, in the hil
of Juda, and the suburbs of it bi enuyroun;
12 forsothe feeldis and the touns of it
`he &yogh;af to Caleph, the sone of Jephone,
to weeld.
13 He &yogh;af thanne to the sones of
Aaron, preest, Ebron, the citee of fli&yogh;t,
and the suburbs of it, and Lebna with
his suburbs,
14 and Gether, and Yschymon,
and Elon,
15
16 and Dabyr, and Aym, and
Lethan, and Bethsames with his suburbs;
citees nyne, of the lynagis, as it
is seid,
17 of two; forsothe of the lynage
of the sones of Beniamyn, Gabaon, and
Gabae,
18 and Anathot, and Almon with
his suburbs; citees foure.
19 Alle togidre
the citees of the sones of Aaron, preest,
thretteen, with her suburbis.
20 Forsothe
to that other of Leuyte kynde, bi the
meynees of the sones of Caath, this the
&yogh;ouen possessioun;
21 of the lynage of Effraym,
the cytee of fli&yogh;t, Sichem, with hys
suburbs, in the hil of Effraym, and Gaser,
and Cebseyn,
22 and Bethoron with his
-- --
suburbs;
23 citees foure; and of the lynage
of Dan,
24 Helthece, Gebethon, and Hayhalon,
and Gethremmon with his suburbs;
cytees foure;
25 forsothe of the half lynage
of Manasse, Thanach, and Gethremon,
with his suburbs, citees two.
26 Alle the ten
cytees and suburbs of hem ben &yogh;eue to
the sones of Caath, of the lower degree.
27 Forsothe to the sones of Gerson, of Leuyte
kynde, he hath &yogh;ouun, of the half
lynage of Manasse, citees of fli&yogh;t, Gaulon
in Basan, and Bosram, with his suburbis;
citees two;
28 forsothe of the lynage of Ysachar,
Thesion,
29 Dabireth, and Geromoth,
and Enganym with his suburbs; citees
foure;
30 of the lynage of Azer, Masal, and
Abdon,
31 and Elechat, and Roob with his
suburbs;
32 cytees foure; and of the lynage
of Neptalym, citee of fli&yogh;t, Cedes in Galile,
and Amodor, and Carthan with his
suburbs; cytees three.
33 Alle the citees of
the meynees of Gerson, thretteen, with
his suburbs.
34 Forsothe to the sones of
Merary, Leuytis of the lower degre, bi
her meynees, is &yogh;ouun, of the lynage of
Zabulon,
35 Getheron, and Carcha, and Demna,
and Nalol; cytees foure, with her
suburbs;
36 of the lynage of Gad, the cytee
of fli&yogh;t, Ramoth in Galaad, and Manahym,
and Esebon, and Jazer; citees foure, with
her suburbs;
37 and of the lynage of Ruben,
bi&yogh;ond Jordan, a&yogh;ens Jericho, citee
of refuyt, Bozor in the wildernes of Mysor,
and Jazer, and Jecson, and Maspha;
citees foure,
38 with her suburbs. Alle the
cytees of the sones of Merary, bi meynees
and her kynredis, twelue.
39 And so alle
the citees of Leuytis, in the mydil of the
possessioun of the sones of Yrael, weren
ei&yogh;t and fourti,
40 with her suburbs, eche
bi meynees delid.
41 And the Lord God
hath &yogh;ouun to Yrael al the loond that he
-- --
swore hym self to &yogh;eue to faders of hem,
and thei weeldiden it, and dwelten in it.
42 And of hym is &yogh;ouun pees in alle naciouns
bi enuyroun; and noon of the enemyes
is hardi to withstoond hem, but alle
ben brou&yogh;t into the lordship of hem.
43 Forsothe
ne o word that to hem he bihi&yogh;te
hym self to be to &yogh;eue, was maad in
veyn, but in dedys alle thingis ben fulfillyd.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].