Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XX.
1 And the Lord spak to Josue, seiynge,
Spek to the sones of Yrael, and sey to
hem,
2 Seuer &yogh;e the cytees of fugityues, of
whiche I spake to &yogh;ou bi the hond of
Moises,
3 that fle&yogh;e to hem, whoso euer
a lijf hath smytun vnwitynge; that
he mowe ascaap the wrath of the nei&yogh;bore,
that is wreker of the blood,
4 whanne
to oon of these cytees he fleeth. And he
shal stoond before the &yogh;atis of the citee,
and he shal speke to the aldren of that
citee tho thingis that hym silf preuen
innocent; and so thei shulen take hym,
and &yogh;yue hym a place to dwelle.
5 And
whanne the blood wreker hym pursue,
thei shulen not take hym in to his hoondis;
for vnwitynge he smoot the nei&yogh;bore of
hym, ne before two dayes or thre daies he
shal be preued the enemye of hym.
6 And
he shal dwelle in that citee to the tyme
that he stoond before dom, cause &yogh;eeldynge
of his deede. And abide he stille that hath
slayn, to the tyme that the greet preest dye,
that were in that tyme; thanne shal the
mansleer turne a&yogh;en, and go into the citee
-- --
and his hows, fro the which he flei&yogh;.
7 And
thei seuerden Cedes in Galile, of the
hil of Neptalim, and Sichem in the hil of
Effraym, and Caryatarbe, that is Ebron,
in the hil of Juda.
8 And bi&yogh;ond Jordan,
a&yogh;ens the est coost `of Jericho, thei ordeynden
Bozor, that is set in the feeldy
wildirnes of the lynage of Ruben, and
Ramoch in Galaad, of the lynage of Gad,
and Gaulon in Basan, of the linage of
Manasse.
9 Thes ben the citees ordeynd
to the sones of Irael, and to comlyngis
that dwellen among hem, that `he flee&yogh;e
to tho, the whiche vnwitynge a lijf hath
smyten; and he die not in the hoond of
the nei&yogh;bour, coueytynge to wreek the
shad blood, to the tyme that he to expounen
his cause, stoond before the
puple.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
