1   And the lot felle to the lynage of Manasse, forsothe he is the first goten of Joseph; to Machir, the first goten of Manasses, the fader of Galaad, that was a man fi&yogh;ter, and hadde the possessioun of Galaad and Basan; 2   and to the relikis of the sones of Manasse, after her meynees; to the sones of Abieser, and to the sones of Heleph, and to the sones of Hesryel, and to the sones of Sichem, and to the sones of Epher, and to the sones of Semyda; thes ben the sones of Manasse, sone of Joseph, maalis, bi her kynredis.

3   To Salphat forsothe, the sone of Epher, sone of Galaad, sone of Machir, sone of Manasse, were no sones, but oonli dou&yogh;tres; of the whiche thes ben the names, Maala, and Noa, and Negla, and Melcha, and Tersa. 4   And thei camen in the si&yogh;t of Eliazar, preest, and of Josue sone of Nun, and of the princis, seiynge, The Lord hath comaundid bi the hoond of Moyses, that possessioun were &yogh;ouun to vs in the mydil of oure britheren. And he &yogh;af to hem, after the heest of the Lord, possessioun in the mydil of the britheren of the fader of hem. 5   And the litil cordis fellen to Manasse ten, with out the loond of Galaad and Basan bi&yogh;ond Jordan; 6   forsothe the dou&yogh;tres of Manasse hadden herytage in the mydil of the sones of hym. Forsothe the loond of Galaad felle into the lot of the sones of Manasse, that weren left. 7   And the teerme of Manasse was fro Aser Machynathat, that biholdith Sichem, and gooth out to the ri&yogh;t biside the dwellers of the welle of Taphue. 8   And forsothe in the lot of Manasse felle the loond of Taphue, that is biside the teermes of Manasse, and of the sones of Effraym. 9   And the teerme of the valey ful of reedis cometh doun in the south of the streeme of the cytees of Effraym, that ben in the mydil of the cytees of Manasse. The teerme of Manasse fro the north of the streem, and the goynge out of it gooth to the see; 10   so that the possessioun of Effraym be fro the south, and fro the north of Manasse, and either closith the see; and thei ben ioyned to hem self in the lynage of Aser fro the north, and in the lynage of Ysachar fro the est. 11   And the herytage of Manasse was in Ysachar and in Aser, Versan and the litil touns of it, and Jeblaan with his litil touns, and the dwellers

of Dor, with her borgh touns; forsothe the dwellers of Endor, with her litil touns, and also the dwellers of Thanath, with her litil touns, and the dwellers of Magedo, with her litil touns, and the thridde part of the cytee of Nophet. 12   Ne the sones of Manasse my&yogh;ten these cytees vndurturn, but Chanane bygan to dwelle in this loond. 13   Forsothe after that the children of Yrael weren recouerd, thei sugetiden the Chananeis, and maden tributaryes to hem, and slewen hem not. 14   And the sones of Joseph speken to Josue, and seiden, Whi hast thow &yogh;eue to me loond into possessioun of lot and of o litil coord, sith Y am of so myche multitude, and the Lord hath blessid me? 15   To whom Josue seith, If `thow art a myche puple, sty into the wode, and hew to thee spacis in the loond of Pherezei, and Raphaym; for streyt is to thee the possessioun of the hil of Effraym. 16   To whom answerden the sones of Joseph, We shulen not mowe stie vp to the mounteyns, sith yren charys vsen the Chananees, that dwellen in the feeldi loond; in the which ben set Bersan, with his litil touns, and Jerazel hauynge the mydil valey. 17   And Josue seide to the hous of Joseph, `that is, Effraym and Manasse, Thow art a myche puple, and of greet strengthe; thow shalt not haue o soort, 18   but thow shalt passe to the hil, and hew to thee, and purge spacis to dwelle. And thow shalt mowe forthermore goo forth, whanne thow hast vndur turned Chananee, whom thow seist yren charis to han, and to be moost strong.

Previous section

Next section