Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XIV.
1 This is that the sones of Yrael weeldiden
in the loond of Chanaan, the whiche
&yogh;euen to hym Eleazar the preest, and
Josue, the sone of Nun, and princis of
-- --
the meynees bi the lynagis of Yrael,
2 bi
lot alle thingis dyuydynge, as the Lord
comaundide in the hoond of Moyses, to
nyne lynagis and to an half lynage.
3 Forsothe
Moyses &yogh;af to the two lynages and
to the half lynage bi&yogh;ond Jordan possessioun;
with outen the Leuytis, that no
thing of erthe token among her britheren;
4 but into the place of hem camen
the sones of Joseph, into two lynagis dyuydid,
Manasse, and Effraym. And Leuytis
token noon other paart in the
loond, but cytees to dwelle yn, and suburbis
of hem to hows beestis and his
feeld beestis to be fed.
5 As the Lord comaundide
to Moyses, so the sones of
Yrael diden, and dyuydeden the loond.
6 And so the sones of Juda wenten to
Josue in Galgalis; and Caleph, the sone
of Jephone Cenezeus, spak to hym, Thou
hast knowun, what the Lord hath spokun
to Moyses the man of God of me and
of thee in Cades Barne.
7 Of fourti &yogh;eer
Y was, whanne Moyses, the seruaunt of
the Lord, sente me fro Cades Barne forto
bihold the loond, and I toolde to hym,
that me semed sooth.
8 Forsothe my bretheren,
that stieden vp with me, discoumfortiden
the herte of the puple, and
neuerthelater Y folwide the Lord my
God.
9 And Moyses swore in that day,
seiynge, The loond, that thi foot shal
treed, shal be thi possessioun, and of thi
sones with out eend; for thou hast folwid
the Lord thi God.
10 Forsothe the Lord
hath grauntid to me lijf, as he hath bihoot
vnto the day that is nowe. Fyue and
fourti &yogh;eer ben, sith the Lord spak this
word to Moyses, whanne Yrael wente
thur&yogh; wildirnes. To day Y am of fyue
and ei&yogh;ti &yogh;eer,
11 so my&yogh;ti, as that tyme Y
was my&yogh;ti, whanne Y was sent to aspie;
-- --
the strength of that tyme in me vnto
to day abydith stil, as wel to fi&yogh;t, as to
goo.
12 &YOGH;yf thanne to me this hil, the
which the Lord hath bihoot to me, thee
forsothe herynge, in the which ben Enachym,
and greet citees and strengthid;
if perauenture the Lord be with me, and
shal mowe doo a weye hem, as he hath
bihoot to me.
13 And Josue blisside to
hym, and took to hym Ebron into possessyon.
14 And fro that tyme Ebron was
to Caleph, the sone of Jephone Ceneze,
vnto the present day; for he folwide the
Lord God of Yrael.
15 The name of Ebron
before was clepid Caryatharbe. Adam
moost greet there in the loond of Enachym
was set; and the loond ceesside fro
bataylis.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|