CAP. XII.
1 Thes ben the kyngis whom the sones
of Yrael smyten, and weeldiden the loond
of hem, by&yogh;ond Jordan, at the sonne
arisynge, fro the streem of Arnon vnto
the hil of Hermon, and al the est coost
that biholdith the wildernes.
2 Seon, kyng
of Amorreis, that dwellid in Esebon, hadde
lordship fro Aroer, that is set vpon the
brenk of the streem of Arnon, and of the
mydil paart in the valey, and of half Galaad,
vnto the streem of Jaboch, that is
the teerme of the sones of Amon,
3 and fro
the wildernes vnto the see of Cenoroth,
a&yogh;ens the est, and vnto the see of deseert,
that is the moost salt see, at the est coost,
-- --
bi the weye that ledith to Bethessymoth,
and fro the south paart that vnderlieth
to Assedoch, vnto Phasga.
4 The teerme
of Og, kyng of Basan, of the relikis of
Raphaym, that dwelten in Astaroth and
in Edram, and he hadde lordship in the
hil of Hermon, and in Salacha, and in al
Basan,
5 vnto the teermes of Gessury and
Machati, and of the half paart of Galaad,
and the teerme of Seon, kyng of
Esebon.
6 Moyses, the seruaunt of the
Lord, and the sones of Yrael smyten
hem; and Moyses took the loond of hem
into possessioun to Rubenytis and to Gaditis
and to the half lynage of Manasse.
7 Thes ben the kyngis of the loond, whom
Josue smoot and the sones of Yrael bi&yogh;ond
Jordan, at the west coost, fro Algad
in the feeld of Liban, vnto the hil whos
paart steieth into Seyr; and `Josue took
it into possessyoun to the lynagis of
Yrael,
8 to eche her paartis, as wel in
mounteyns, as in pleyn and wijld feeldis;
in Asseroth, and in the wildernes, and in
the south was Ethee, and Ammorree, Cananee,
and Phereze, Euee, and Jebusee.
9 The kynge of Jericho, oon; the kyng of
Hay, oon, that is of the side of Betel;
the kyng of Jerusalem, oon;
10 the kyng
of Ebron, oon;
11 the kyng of Herymoth,
oon;
12 the kyng of Lachis, oon; king of
Eglon, oon;
13 king of Gazer, oon; king
of Dabir, oon;
14 kyng of Gader, oon; kyng
of Herma, oon; kyng of Hedreth, oon;
kyng of Lebna, oon;
15 kyng of Odollam,
oon;
16 kyng of Maceda, oon; kyng of Betel,
oon;
17
18 kyng of Thaphua, oon; kyng
of Affer, oon; kyng of Affeth, oon; kyng
of Saron, oon;
19 kyng of Madan, oon;
kyng of Azor, oon;
20 kyng of Sameron,
oon;
21 kyng of Axaph, oon; kyng of Thenach,
oon;
22 kyng of Maggedo, oon; kyng
-- --
of Cetes, oon; kyng of Jachanaen of Carmel,
oon;
23 kyng of Dor and of the prouynce
of Dor, oon; kyng of the Gentils
of Galaad, oon;
24 kyng of Thersa, oon;
alle the kyngis, oon and thretti.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
