Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. II.
1 My britheren, nyle &yogh;e `in accepcioun,
`or takinge, `of personys, haue the feith
of oure Lord Jhesu Crist of glorie.
2 Forsothe
if `ther shal entre in to &yogh;oure
couent, `or gedering `to gydere, a man
hauynge a golden ryng, in whijt, `or
fayr, cloth, forsothe and a pore man
`shal entre in foul habite, `or clooth,
3 and &yogh;e biholde in to him that is clothid
-- --
with ful cleer clooth, and if &yogh;e shulen seie
to him, Thou sitte heere wel; sotheli to
the pore man &yogh;e seie, Stonde thou there,
or sitte vndir the stool of my feet;
4 wher
&yogh;e deme not anentis &yogh;ou silf, and ben
maad domesmen of wickid thou&yogh;tis?
5 Here
&yogh;e, my moost dereworthe britheren, wher
God chees not pore men in this world,
riche in feith, and eyris of the kyngdom,
that God `bihi&yogh;te a&yogh;en to men louynge
him?
6 Forsothe &yogh;e han despisid the pore
man. Wher riche men oppresen not &yogh;ou
bi power, and drawen &yogh;ou to domys?
7 Wher thei blasfeme not the good name,
that is inclepid on &yogh;ou?
8 Netheles if &yogh;e performen
the kynges lawe, vp scriptures,
Thou shalt loue thi nei&yogh;ebore as thi silf,
&yogh;e don wel.
9 Sotheli if &yogh;e taken persones,
&yogh;e werchen synne, &yogh;e ben reproued of
the lawe, as trespassoures.
10 Forsothe who
euer `shal kepe al the lawe, sotheli offende
in oon, he is maad gylty of alle.
11 For he that seide, Thou shalt not do
leccherie, seide and, Thou shalt not sle;
that if thou `shalt not do leccherie, but
thou sleest, thou art maad trespassour of
the lawe.
12 Thus speke &yogh;e, and thus do &yogh;e,
as bigynnynge for to be demyd bi lawe
of parfijt fredom.
13 Sotheli doom with
outen mersy to him that doith not mersy;
forsothe mersy aboue reisith doom.
14 Mi
britheren, what shal it profite, if ony
man seie him for to haue feith, werkes
forsothe he haue not? wher feith shal
mowe saue him?
15 Forsothe if a brother
or systir be nakid, and han nede of eche
day lijflode,
16 forsothe ony of &yogh;ou seie to
hem, Go &yogh;e in pees, be &yogh;e maad hoot, and
be &yogh;e fulfillid; sotheli if &yogh;e `shulen not
&yogh;iue to hem what thinges ben necessarie
of body, what shal it profite `to &yogh;ou?
-- --
17 So and feith, if it haue not werkes, is
deed in it silf.
18 But sum man shal seie,
Thou hast feith, and I haue werkes;
shewe thou to me thi feith with outen
werkes, and I shal shewe to thee my feith
of werkis.
19 Thou bileuest, for oo God is;
thou doist wel; and deuels bileuen, and
togydere tremblen.
20 Forsothe wolt thou
wite, thou veyn man, for feith with outen
werkes is ydel?
21 Abraham, oure fadir,
wher he was not iustified of werkis, offringe
Ysaac, his sone, on the auter?
22 Therfore thou seest, for feith wrou&yogh;te
with his werkis, and his feith is fulfillid
of werkis.
23 And the scripture is fulfillid,
seiynge, Abraham bileuede to God, and it
is rettid to him to ri&yogh;twisnesse, and he is
clepid the frend of God.
24 &YOGH;e seen for a
man is iustified of werkis, and not of feith
onely.
25 Also forsothe and Raab, hoore,
`wher she was not iustifyed of werkis,
receyuynge the messageres, and bi an
other weie `doynge out, `or sendinge out?
26 Forsothe as a body with oute spirit is
deed, so and feith with oute werkis is deed.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
