Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. V.
1 And Moyses clepide al Yrael, and
seide to hym, Here, Yrael, cerymoyns,
and domys, that I speke in &yogh;oure eris to
day; lerne &yogh;e hem, and fulfillith in dede.
2 The Lord oure God hath couenauntid
with vs a boond of pees in Oreb;
3 not
with oure fadres he made couenaunt, but
with vs, that nowe ben, and lyuen.
4 Face
to face he hath spoke to vs in the hil, fro
the myddil of fier.
5 I felawe and meene
was bitwix God and &yogh;ow in that tyme,
that I tolde to &yogh;ow the wordis of hym;
forsothe &yogh;e dreden the fier, and &yogh;e stieden
not into the hil.
6 And he seith, I the
Lord thi God, that haue ladde thee out
of the loond of Egipte, fro the hows of
seruage.
7 Thow shalt not haue alyen
goddis in my si&yogh;t.
8 Thow shalt not make
to thee grauen thing, ne liknes of alle
thingis that in heuen ben aboue, and that
in erthe bynethe, and that dwellen in
watres vndur erthe;
9 thow shalt not honoure
hem, ne herye; forsothe I am the
Lord thi God, a ielouse God, &yogh;eeldynge
wickidnes of fadres into sones, into the
thridde and the ferthe generacioun to
hem that hatiden me,
10 and doynge mercy
into many thowsandes to hem that louen
me, and kepen myn heestes.
11 Thow shalt
not mystaak the name of the Lord thi
God idillich, for he shal not be vnpunyshid,
that vpon veyn thing the name
of hym takith.
12 Kepith the day of the
saboth, that thow halwe it, as the Lord
thi God hath comaundid to thee.
13 Six
dayes thow shalt worche, and doo alle
thi werkis;
14 the seuenthe day is of the
saboth, that is the rest of the Lord thi
God. Thow shalt not doo in it eny thing
of werke, thow, and thi sone, and dow&yogh;ter,
seruaunt, and handmayden, and oxe,
-- --
and asse, and al thi beest, and pilgryme
that is with ynne thi &yogh;atis; that thi seruaunt
and handmayde resten, and as
thow.
15 Haue mynde, that and thi self
seruede in Egipte, and the Lord thi God
ladde thee out thens in a stronge hoond,
and in an arme strei&yogh;t out; therfore he
hath comaundid to thee, that thow kepe
wel the day of the saboth.
16 Honour thi
fader and thi moder, as the Lord thi
God hath comaundid to thee, that longe
tyme thow lyue, and wel be to thee in
the loond that the Lord thi God is to
&yogh;yuynge to thee.
17 Thow shalt not slee.
18
19 And thow shalt do no leccherye. And
thow shalt doo no theft.
20 Thou shalt
not speke a&yogh;ens thi nei&yogh;bore fals witnes.
21 Thow shalt not coueyte the wijf of thi
nei&yogh;bour, ne hows, ne feelde, ne seruaunt,
ne handmayde, ne oxe, ne asse, and alle
thingis that of hym ben.
22 Thes wordes
the Lord spak to al oure multitude, in
the hil, of the myddel of fier and
clowde and derknesse, with a greet voyce,
no thinge addinge more ouer; and he
wroot hem in two stonen tablis, that he
took to me.
23 &YOGH;e forsothe, after that &yogh;e
herden a voice fro the myddel of derknessis,
and that &yogh;e seen the hil to brenne,
&yogh;e comen to me alle the princes of the
lynages, and the more thur&yogh; birthe, and
seiden, Loo!
24 the Lord oure God hath
shewid to vs maieste, and his mychylnesse;
the voyce of hym we han herd
fro the myddil of the fier, and we han
preued to day that thur&yogh; God spekynge
with man a man lyueth.
25 Whi thanne
shulen we die, and shal deuowre vs this
moost fier? Forsothe if we heren more
the voice of the Lord oure God, we shulen
-- --
die.
26 What is al flesh, that he here the
voice of God lyuynge, that fro the myddil
of fier spekith, as we han herd, and
my&yogh;ten lyue?
27 Thow more goo ni&yogh;, and
here alle thingis that the Lord oure God
shal seye to thee; and thow shalt speke
to vs, and we herynge shal doon hem.
28 The which thing whanne the Lord
hadde herd, seith to me, I haue herd the
voys of the wordes of this puple, that
thei han spokun to thee; wel alle thingis
thei han spokun.
29 Who &yogh;yueth hem siche
thou&yogh;t to haue, that thei dreden me, and
kepen alle my maundementis in al tyme,
that wel it be to hem, and to the sones
of hem, into with outen ende?
30 Go, and
sey to hem, Turneth a&yogh;en into &yogh;oure
tentis.
31 Forsothe thow stoond here with
me, and I shal speke to thee al the maundementis,
and ceremoyns, and domes, that
thow shalt teche hem, that thei doon hem
in the loond that Y shal &yogh;eue to hem into
possessioun.
32 Kepe &yogh;e therfore, and doth
hem, `the whiche the Lord God hath
comaundid to &yogh;ow; &yogh;e shulen not bowe
aside,
33 ne to the ry&yogh;t, ne to the left, but
bi the weie that the Lord &yogh;oure God hath
comaundid, &yogh;e shulen goo, that &yogh;e lyuen,
and wel be to &yogh;ow, and &yogh;oure daies ben
drawun along in the loond of &yogh;oure possessyoun.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
