Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XXIV.
1 Forsoth aftir fyue dayes, Ananye, prince
of prestis, cam doun with sum eldre men,
and Terculle, sum `oratour, or fair speker,
or avocat, whiche wenten to the presedent
a&yogh;eyns Poul.
2 And, Poul somenyd,
Terculle bigan for to `accuse, seyinge,
Whanne in moche pees we don bi thee,
and manye thingis ben amendid bi thi
prouydence,
3 `or wysdom, euermore and
euerywhere, thou best Felix, we han receyued
with al doynge of thankingis.
4 Forsoth
lest I tarie thee lengere, I preie thee,
schortly heere vs for thi mekenesse.
5 We
han foundun this man beringe venym, `or
pestilence, and stiringe sedicioun, `or dissencioun,
to alle Jewis in al the world,
and auctour of seducioun of the secte of
Nazarens;
6 the which also enforside for
to defoule the temple; whom `and takun to,
we wolden deme, aftir oure lawe.
7 Sothli
Lisias, the tribune, `aboue comynge with
greet strengthe, delyuerede him fro oure
hondis;
8 comaundinge his accuseris for to
come to thee, of whom thou demynge,
maist knowe of alle thes thingis, of
whiche we accusen him.
9 Forsoth and
Jewis castiden to, seyinge thes thingis
for to haue hem so.
10 Forsoth Poul answeride,
`grauntinge the presedent to
him for to seie, Of manye &yogh;eeris I knowinge
thee for to be domesman to this
folk, schal do ynow for me with good ynwitt,
`or resoun.
11 Sothli thou maist knowe,
for to me ben not more than twelue
dayes, sithen I sti&yogh;ede vp for to worschipe
in Jerusalem;
12 and nethir in the temple
-- --
thei founden me disputinge with ony man,
or makinge concurs, `or rennyng to gidere,
of the cumpany `of peple, nether
in synagogis, nether in citee;
13 nether thei
mown proue to thee, of the whiche thingis
thei now accusen me.
14 Sotheli I knowleche
to thee this thing, that vp the secte
which thei seyn eresie, so I serue to God
the fadir, bileuynge to alle thingis that
ben writun in the lawe and prophetis;
hauynge hope in to God,
15 the whiche
and thei hem silf abyden, the a&yogh;en rysing
to comynge of iust men and wickid.
16 In
this thing and I studie withouten hirtyng,
for to haue conscience to God, and to men
euermore.
17 Forsoth aftir mo &yogh;eeris, I cam
to doynge almesdedis into my folk, and
offringis, and vowis;
18 in whiche thei founden
me purified in the temple, not with cumpanye,
nethir with noyse. And thei
cau&yogh;ten me, thei `cryinge, and seiynge,
Take awei oure enemy.
19 Sothli summe
Jewis of Asie, whom it bihofte for to
be now present, `or redy, at thee, and
accuse, if thei hadden ony thing a&yogh;ens
me,
20 or these hem silf seye, if thei
founden in me ony thing of wickidnesse,
sithen I stonde in the counceil,
21 no but
oonli of this o vois, by which I cryede
stondinge a mong hem, For of the a&yogh;en
rysing of deede men I am demyd this day
of &yogh;ou.
22 Sothli Felix deferride hem, moost
certeynli `he witinge of the weye, seiynge,
Whanne Lisias, the tribune, schal
come, I schal heere &yogh;ou.
23 And he comaundide
to centurioun for to kepe him,
and for to haue reste, nethir for to forbede
ony man for to mynystre of his
owne thingis to him.
24 Sotheli aftir summe
dayes, Felix comynge with Drusille, his
wyf, that was a Jewesse, clepide Poul,
-- --
and herde of him the feith that is into
`Jhesu Crist.
25 Sothli `him disputinge of
ri&yogh;twysnesse, and chastite, and of dom to
comynge, Felix maad tremblinge, answeride,
That perteyneth now, go; sothli
in tyme couenable I schal clepe thee to.
26 Also and hopinge, that money schulde be
&yogh;ouun to him of Poul; for whiche thing
and ofte he clepinge him to, spak with
him.
27 Sothli twey &yogh;eeris fulfillid, Felix
took a successour, `Festus of Ponte; forsoth
Felix willinge `for to &yogh;yue grace
to Jewis, lefte Poul boundun.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
