Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XVIII.
1 Aftir thes thingis `he gon out of Athenis,
cam to Corinthe.
2 And fyndynge
a man Jew, by name Aquyla, of Ponte
-- --
bi kynde, that late cam fro Italie, and
Priscille, his wyf, for that Claudius comaundide
alle Jewis for to departe fro
Rome, cam to hem.
3 And for he was of
the same craft, he dwellide at hem, and
wrou&yogh;te; sothli thei weren of cenefectorie
craft, that is, to make hilingis to trauelinge
men.
4 And he disputide in the synagoge
by ech saboth, `by twixe puttinge
the name of the Lord Jhesu; and he
softly counceilide to Jewis and Greekis.
5 Sotheli whanne Silas and Tymothe camen
fro Macedonye, Poul &yogh;af bisynesse to the
word, witnessinge to the Jewis, `Jhesu
for to be Crist.
6 Forsothe `hem a&yogh;en seyinge
and blasfemynge, he schakynge of
his clothis, seide to hem, &YOGH;oure blood on
&yogh;oure heed; I clene fro hennis forth,
schal go to hethene men.
7 And he passinge
thennis, entride into the hous of
sum iust man, by name Tyte, worschipynge
God, whos hous was ioyned to the
synagoge.
8 Crispe sothli, prince of the
synagoge, bileuyde to the Lord, with al
his hows. And manye of the Corinthies
heeringe bileuyden, and weren cristenyd.
9 Forsoth the Lord seide by ny&yogh;te to Poul
by a visioun, Nyle thou drede, but spek,
and be not stille;
10 for which thing I am
with thee, and no man schal be put to
thee that he anoye thee, for moche
peple is to me in this citee.
11 Forsoth he
saat ther a &yogh;eer and sixe monethis, techinge
at hem the word of `the Lord.
12 Sothli Gallion proconsul of Achaye,
Jewis risen vp with oon ynwitt, `or
wille, into Poul, and ledde hym to
the dom,
13 seiynge, For a&yogh;ens the lawe
this councelith men for to worschipe God.
14 Sothli `Poul bigynnynge for to opene
the mouth, Gallion seide to Jewis, Forsoth
-- --
if ther were ony wickid thing, or worst
trespas, &yogh;e men Jewis, ri&yogh;tly I schulde susteyne
&yogh;ou;
15 forsoth if questiouns ben of the
word, and names of &yogh;oure lawe, &yogh;e silf se;
I wole not be domesman of thes wordis.
16 And he drof them fro the dom place.
17 Forsothe alle takynge Sostenen, prince of
the synagoge, smyten him bifore the dom
place; and no thing of these was to charge
to Gallion.
18 Poul forsothe whanne &yogh;it he
hadde susteyned many dayes, seiynge
far wel to bretheren, by boot cam to
Sirie, and `with him Priscille and Aquyla,
the whiche hadden clippid to
hem the heed in Tencris; `sothli thei
hadden a vow.
19 And he cam to Ephesy,
and there he lefte hem; sothli he goynge
into the synagoge, disputide with Jewis.
20 Sothli `hem preiynge that he schulde
dwelle more tyme,
21 he consentide not, but
he makinge farwel, and seiynge, `It bihoueth
me for to make the solempne
day comynge to at Jerusalem, and eft I
schal turne a&yogh;en to &yogh;ou, `God willinge,
wente forth fro Ephesi.
22 And he comynge
doun to Cesarie, sti&yogh;ede vp, and
grette the chirche, and cam doun to Antiochie.
23 And, there sumwhat of tyme
maad, he wente forth, walkinge by ordre
thorw the cuntree of Galathie, and Frigie,
confermynge alle disciplis.
24 Sothli sum
Jew, Apollo by name, a man of Alysaundre
of kynde, a man eloquent, cam to
Ephesie, my&yogh;ti in scripturis.
25 This man
was tau&yogh;t the wey of the Lord, and feruent
in spirit spak, and tau&yogh;te diligentli
tho thingis that weren of Jhesu, knowinge
oonli the baptym of John.
26 Sothli
this man bigan for to do tristily in the
synagoge. Whom whanne Priscille and
Aquyla herden, thei token `him to, and
-- --
more diligently expowneden to him the
wey of the Lord.
27 Sothli whanne he
wolde go to Achaie, bretheren monestid,
`or councelid, writen to disciplis, that
thei schulden resceyue him; which whanne
he cam, &yogh;af moche to hem that bileuyden.
28 Forsothe he greetly ouercam Jewis,
schewinge openly by scripturis, `Jhesu for
to be Crist.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
