Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XVII.
1 Sotheli, whanne thei hadden passid bi
Amphipolis and Apolonye, thei camen to
Tessalonyk, wher was a synagoge of
Jewis.
2 Sothli vp custom Poul entride
into hem, and by thre sabotis he declaride
-- --
to hem of scripturis,
3 `openynge and
schewynge for it bihoueth Crist for to
suffre, and ryse a&yogh;en fro deede men, and
for this is Jhesus Crist, whom I `tolde,
or schewide, to &yogh;ou.
4 And summe of hem
bileueden, and ben ioyned to Poul and
Silas; and of hethen men worschipinge a
greet multitude, and noble wymmen not
fewe.
5 Sothli Jewis hauynge enuye, and
takinge of the comune summe yuele
men, and a cumpanye maad, thei moueden
the citee. And thei stondinge ny&yogh; Jasons
hous, sou&yogh;ten hem for to bringe forth
into the peple.
6 And whanne thei founden
hem not, thei drowen Jason and summe
bretheren to the princes of `the citee,
`criynge, For these it ben, that mouen the
world,
7 and hidir thei camen, whom Jason
receyuede. And `thes alle don a&yogh;ens
the maundementis of Cesar, `seiynge, an
other Jhesu `for to be kyng.
8 Forsoth
thei mouyden the peple, and princes of
the citee, heeringe thes thingis.
9 And `satisfaccioun
takun of Jason and of othere,
thei leften hem.
10 Forsoth anoon by ny&yogh;te
bretheren dismittiden Poul and Silas in
to Beroan. The whiche whanne thei
camen, entriden into the synagoge of
Jewis.
11 Sothli thes weren the nobelere
of hem that ben at Tessalonyk, whiche
resceyueden the word with al desyr, ech
day sekynge scripturis, if these thingis
so hadden hem.
12 And sotheli manye of
hem bileuyden, and of `hethen wymmen
honeste and men not fewe.
13 Forsothe
whanne Jewis in Tessalonyk hadden
knowe, `for and at Beroan the word
of God is prechid of Poul, thei camen
and thidur, mouynge and disturblinge
the multitude.
14 And anon bretheren dismittiden
-- --
Poul thanne, that he schulde go
`til to the see; forsoth Silas and Tymothe
dwelten there.
15 Sothli thei that
ledden forth Poul, ledden him `til to
Athenes. And `maundement takyn of him
to Silas and Tymothe, that ful hi&yogh;yngli
thei schulden come to him, thei wenten
forth.
16 Forsoth whanne Poul abood hem
at Athenys, his spirit was mouyd in him,
seynge the citee &yogh;ouun to ydolatrie.
17 Therfore
he disputide in the synagoge with
Jewis, and men worschipinge, in the
`chepinge, or dom place, bi alle dayes to
hem that herden.
18 Forsothe summe Epicureis,
and Stoycis, and philosofris disputiden,
`or tretiden, with him. And summe
seiden, What wole this sowere of wordis
seie? Sothli othere seiden, He is seyn
for to be a tellere of newe deuelis; for
he telde to hem Jhesu, and a&yogh;en rysing.
19 And thei `ledden him takun to Ariopage,
that is, comun scole, seyinge, Mown we
wite, what is this newe doctryn, that is
seid of thee?
20 Sothli thou bringist yn
sum newe thingis to oure eeris; therfore
we wolen wite, what these thingis wolen
be.
21 Sothli alle men of Athenis and comelingis,
herborid men, &yogh;auen tent to noon
othir thing, no but ethir for to seye,
ethir for to heere, ony thing of newe.
22 Forsoth Poul stondinge in the myddel of
Areopage, seith, Men of Athenis, bi alle
thingis I se &yogh;ou as veyn worschiperis.
23 `Sothli I passinge, and seynge &yogh;oure symulacris,
foond and an auter, in which
was writun, To vnknowun God. Therfore
which thing &yogh;e vnknowynge worschipen,
this thing I schewe to &yogh;ou.
24 God that
made the world and alle thingis that ben
in it, this, whanne he is Lord of heuene
and erthe, dwellith not in templis maad
-- --
bi hond,
25 nether is worschipid by mannis
hondis, `hauynge nede of ony thing,
whanne he &yogh;yueth lyf to alle men, `and
ynbrething, and alle thingis;
26 and maad
of oon al the kynde of men for to enhabite
on al the face of erthe, determynynge
tymes ordeyned, and termes of `habitacioun,
`or dwelling,
27 of hem, for to
seke God, if perauenture thei feelen him,
ethir fynden, thou&yogh; he be not fer fro `ech
of &yogh;ou.
28 Sotheli in him we lyuen, and
ben moued, and ben. As and summe of
&yogh;oure poetis seiden, Sotheli we ben and
the kynde of him.
29 Therfore sithen we
ben the kynde of God, we schulen not
deme, `or gesse, godly thing `for to be
lyk to gold, and siluer, or stoon, to
grauyng of craft and thou&yogh;t of man.
30 And
sotheli God dispisinge the tymes of this
vnkunnynge, now schewith to men, that
alle euerywhere do penaunce;
31 for that he
ordeynede a day, in which he `is to demynge
the world in equyte, in a man in
which he ordeynede, `feith &yogh;yuynge to
alle, reysinge him fro deede men.
32 Sotheli
whanne thei `hadden herd the a&yogh;en
rysing of deede men, sothli summe scorneden,
summe forsothe seiden, We schulen
heere thee eft of `this thing.
33 So Poul
wente out of the myddil of hem.
34 Forsothe
summe cliuynge to him, bileuyden.
In the whiche and Dionyse Ariopagite,
or greet man of comun scole,
and a womman, by name Damaris, and
othere men with hem.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
