Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. V.
1 Forwhi ech bysshop takyn of men, is
ordeyned for men in these thingis that
ben to God, that he offre &yogh;yftis and
sacryficis for synnes.
2 The which may to
gidere sorwe with hem, that vnknowen
and erren; for and he is enuyrowned with
infirmyte.
3 And therfore he owith, as and
for the peple, so also and for hym silf,
offre for synnes.
4 Neithir ony man takith
to him honour, no but he that is clepid
of God, as Aaron.
5 So and Crist clarifiede
not hym silf, that he were bisshop,
but he that spak to him, Thou art my
sone, to day I gendride thee.
6 As and in
-- --
othere place he seith, Thou art a prest
into with outen ende, vp the ordre of
Melchisedech.
7 The which in the dayes
of his fleisch offringe preieris and bisechingis
to God that my&yogh;te make him
saf fro deeth, `with greet cry and teeris,
is herd for his reuerence.
8 And sothli
whanne he was Goddis sone, he lernede
obedience of thes thingis that he suffride;
9 and he endid is maad cause of euerlasting
heelthe to alle obeishinge to him,
10 clepid
of God a bischop, bisydis the ordre of
Melchisedech.
11 Of whom to vs a greet
word, and able for to be interpretid, for
to seye, for &yogh;e ben maad feble for to
heere.
12 Forsothe whanne &yogh;e schulen be
maistris for tyme, eftsoone &yogh;e neden that
&yogh;e be tau&yogh;t, whiche ben the elementis,
`or lettris, of the bigynnyng of Goddis
wordis. And &yogh;e ben maade, `tho to whom
is nede of mylk, and not sad mete.
13 Forsoth
ech that is parcener of mylk, is
withoute part of the word of ri&yogh;twysnesse,
forsoth he is a litil child.
14 Forsoth of
parfit men is sad mete, of hem that for
`the ilke custom han wittis excersysid,
`or trauelid, to disrecioun of good and
yuel.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
