Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. III.
1 Wherfore, hooly britheren, parceners
of heuenly cleping, biholde &yogh;e the apostle
-- --
and bischop of oure confessioun, Jhesu,
2 the which is trewe to him that made
hym, as and Moyses in al the hous of
hym.
3 Forsoth this bischop is had worthi
of more glorie byfore Moyses, by how
moche `than the hous, hath he more
honour, that made it.
4 Forwhi ech hous
is maad of sum man; forsoth he that
made alle thingis of no&yogh;t, is God.
5 And
sothli Moyses was trewe in al his hows,
as a seruaunt, into witnessyng of tho
thingis that weren to be seid;
6 forsothe
Crist as a sone in his hous. The which
hous we ben, if we holden trist and
glorie of hope `til to `sad feith.
7 Wherfore
as the Hooly Gost seith, To day, if &yogh;e han
herd his vois,
8 nyle &yogh;e hardne &yogh;oure hertis,
as in wraththing, vp the day of temptacioun
in desert;
9 where &yogh;oure fadris
temptiden me, prouedyn, and syen my
werkis.
10 Wherfore fourty &yogh;eeris I was
offendid, `or wroth, to this generacioun,
and I seide, Euermore thei erren in herte,
forsoth thei knewen not my weyes;
11 to
whom I swoor in my wraththe, if thei
schulen entre into my reste.
12 Britheren,
se &yogh;e, lest perauenture in ony of &yogh;ou be an
yuel herte of vnbileue, for to departe fro
quyk God.
13 But moneste &yogh;ou silf by alle
dayes, the while to day is named, that
noon of &yogh;ou be hardned by falsnesse of
synne.
14 Sothli we ben maad parceners of
Crist, if netheles we holden the bigynnyng
of his substaunce sad into the ende.
15 While
it is seid, to day, if &yogh;e han herd the vois
of him, nyle &yogh;e hardne &yogh;oure hertis, as in
that wraththing.
16 Sothli summe heeringe
wraththiden, but not alle thei that wenten
out of Egipt by Moyses.
17 To whiche
forsothe was he wraththid fourty &yogh;eeris?
-- --
Wher not to hem that synneden, whos
careyns ben cast doun in desert?
18 To
whiche he swoor sothli, for to not entre
into `the reste of hym, no but to hem
that weren vnbileueful?
19 And we seen,
for thei my&yogh;ten not entre into the rest of
him for vnbileue.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
