Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. II.
1 And whanne &yogh;e weren deede in &yogh;oure
giltis and synnes,
2 in which &yogh;e wandreden
sum tyme vp the space, `or lastinge, of
this world, vp the prince of the power
of this eir, of the spirit that worchith now
in to the sones of vntrust, `or vnbileue;
3 in `the which we alle lyueden sum tyme
in desyris of oure fleisch, doynge the
wille of fleisch and thou&yogh;tis, and we
weren by kynde the sones of wraththe, as
and othere;
4 forsoth God, that is riche
in mercy, for his ful moche charite in
which he louede vs,
5 and whanne we
weren deede in synnes, quykenede vs to
gidere in Crist, by whos grace &yogh;e ben
sauyd,
6 and to gidere a&yogh;en reyside, and to
gidere made to sitte in heuenly thingis
in Crist Jhesu;
7 that he schulde schewe in
the worldis comynge ouer the plenteuouse
richessis of his grace in goodnesse vpon
vs in Crist Jhesu.
8 Forsothe by grace &yogh;e
ben saued bi feith, and not of &yogh;ou;
-- --
sothli it is the &yogh;ifte of God,
9 not of werkis,
that no man glorie.
10 Forsoth we ben
the makinge of hym, maad of no&yogh;t in Crist
Jhesu, in good workis, that God made
redy bifore, that in hem we go.
11 For
which thing be &yogh;e myndeful, that sum
tyme &yogh;e that weren hethene in fleisch,
the whiche weren seid prepucie, fro `that
that is seid circumcisioun in fleisch maad
bi hand;
12 that weren in that tyme withouten
Crist, alyened, `or maad straunge,
fro the lyuynge of Israel, and herborid
men, `or gestis, of testamentis, not hauynge
hope of biheeste, and with outen
God in this world;
13 `now forsoth in Crist
Jhesu &yogh;e that weren sum tyme ferr, ben
maad ny&yogh; in the blood of Crist.
14 Forsoth
he is oure pees, that made both oon, and
the myddel wal of a long wal vnbyndinge,
enemytees in his fleisch;
15 auoydinge
the lawe of maundementis by domes, that
he make twey peplis in him silf into a
newe man,
16 makinge pees, that he reconcile
bothe in o body to God by the cross,
sleynge the enemytees in him silf.
17 And
he comynge euangelisyde pees to &yogh;ou that
weren ferr, and pees to hem that weren
ny&yogh;;
18 for by him we both han ny&yogh; comynge
in o spirit to the fadir.
19 Therfore
now &yogh;e ben not `herborid men and gestis,
`or comelingis, but &yogh;e ben citeseyns of
seyntis, and houshold meyne of God;
20 aboue bildid on the foundement of apostlis
and of prophetis, bi that hi&yogh;este
corner stoon,
21 Crist Jhesu; in whom ech
bildynge maad wexith in to an hooly temple
in the Lord.
22 In whom and `be &yogh;e
bildid to gidere into the habitacle of God,
in the Hooli Gost.
-- --
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
