Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. I.
1 Poul, apostle of Crist, by the will of
God, to alle hooly men `that ben at Ephecy
and feithful in Crist Jhesu,
2 grace to &yogh;ou
and pees of God, oure fadir, and of the
Lord Jhesu Crist.
3 `Blessid be God and
the fadir of oure Lord Jhesu Crist, that
blesside vs in al spiritual blessinge in
heuenli thingis in Crist,
4 as he chees vs in
him bifore the makyng of the world, that
-- --
we schulden be hooli, and with oute
wemme, `or vndefoulid, in his si&yogh;t, in
charite.
5 The which bifore ordeynede vs
into the adopcioun of sones by Jhesu
Crist into him, vp the purpos of his
will,
6 into heriynge of the glorie of his
grace;
7 in the which he made vs able to
his grace, `or made dereworthe, in his
dereworthe sone. In whom we han a&yogh;en
byinge by his blood, and remissioun of
synnes,
8 vp the richessis of his grace, that
haboundide greetly in vs in all wysdom
and prudence,
9 that he schulde make the
sacrament of his will knowen to vs, vp
the good plesaunce of him, that he purposide
10 in him in the dispensacioun of
plente of tymes for to instore alle thingis
in Crist, the whiche ben in heuenes and
in erthe, in him.
11 In whom also and we
by sorte, or grace, ben clepid, bifore
ordeyned vp the purpos of him that
worchith alle thingis vp the counceil of
his will;
12 that we be into the heryinge of
his glorie, `we that bifore hopiden in
Crist.
13 In whom and &yogh;e, whanne &yogh;e hadden
herd the word of treuthe, resceyueden
the gospel of &yogh;oure heelthe, in
which and &yogh;e bileuynge ben markid with
the Hooly Gost of biheeste,
14 that is `a
wed, or eernes, of &yogh;oure heritage, into
the redempcioun of purchasinge, into
heryinge of his glorie.
15 Therfore and I
heeringe &yogh;oure feith, that is in Crist Jhesu,
and louynge into alle seyntis,
16 ceesse not
doynge thankyngis for &yogh;ou, makynge
mynde of &yogh;ou in my preieris;
17 that God
of oure Lord Jhesu Crist, fadir of glorie,
&yogh;yue to &yogh;ou the spirit of wysdom and of
reuelacioun, into the knowynge of him;
the y&yogh;en of &yogh;oure herte inli&yogh;tened,
18 that
&yogh;e wite, which is the hope of his clepinge,
-- --
and whiche the richessis of the glorie
of his heritage in seyntis;
19 and which is
the ouersemynge greetnesse of his vertu
into vs that han bileuyd, vp the worchinge
of the my&yogh;t of his vertu,
20 the which
he wrou&yogh;te in Crist, reysinge him fro
deed men, and settinge on his ri&yogh;thalf in
heuenly thingis,
21 aboue ech principat, `or
power of princes, and potestate, and
vertu, and lordschiping, and ech name
that is named, not oonly in this world,
but in the world to come;
22 and made
alle thingis suget vndir his feet, and &yogh;af
him heed vpon al `the chirche,
23 that is
the bodi of him, and the plente of him,
the which alle thingis in alle thingis is
fulfillid.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
