Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. IX.
2 Forsoth I woot &yogh;oure ynwitt redy,
for the which I haue glorie of &yogh;ou anentis
Macedonyes, for and Acaye is redi fro a
&yogh;eer passid, and &yogh;oure loue hath stirid ful
manye.
3 Forsoth we han sent britheren,
that that thing that we glorien in &yogh;ou,
be not auoydid in this partie, that as I
seyde, &yogh;e be redy.
4 Lest when Macedonyes
schulen come with me, and schulen fynde
&yogh;ou vnredy, we schamen, that we seye
&yogh;ou not, in this substaunce.
5 Therfore I
gesside necessarie for to praye britheren,
that thei come bifore to &yogh;ou, and make
redy this bihi&yogh;t blessynge for to be redy,
so as blessinge, not as auarice.
6 This
thing forsothe I seye, for he that sowith
scarsly, schal and scarsly repe; and he
that sowith in blessingis, schal repe and
of blessyngis.
7 Ech man as he castide in
his herte, not of heuynesse, `or of nede;
forsoth God loueth a glad &yogh;yuere.
8 Forsothe
God is my&yogh;ty for to make al grace
abounde in &yogh;ou, that &yogh;e in alle thingis
euermore hauynge al sufficience, abounde
in to al good work;
9 as it is writun, He
delide a brood, he &yogh;af to pore men, his
ri&yogh;twisnesse dwellith into `withouten
ende.
10 Forsoth he that mynistrith seed
to the `man sowynge, and schal &yogh;yue
breed for to ete, and he schal multiplie
&yogh;oure seed, and make moche the encresyngis
-- --
of fruytis of &yogh;oure ri&yogh;twysnesse;
11 that in alle thingis &yogh;e maad ryche habounde
`in to alle symplenesse, the
which worchith by vs doynge of thankyngis
to God.
12 For the mynisterie of
this office not oonly fillith tho thingis that
faylen to hooly men, but also aboundith
by manye in doynge of thankingis to
the Lord,
13 by prouynge of this mynysterie,
glorifiynge God in the obedience of &yogh;oure
knowleching in the gospel of Crist, and in
symplenesse of comynycacioun into hem
and into alle,
14 and in the bisechinge of
hem for &yogh;ou, desyringe &yogh;ou for the clere
grace in &yogh;ou.
15 I do thankingis to God
vpon the `vnenarrable, or that may not
be told, &yogh;ifte of hym.
1 Forsoth I Poul
biseche &yogh;ou, by the homlynesse, `or myldenesse,
and softenesse, `or pacience, of
Crist, the which sothely in the face am
meek among &yogh;ou, forsoth I absent triste
in &yogh;ou.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
