1   Aftirward Jhesu eft schewide him to his disciplis, at the see of Tyberias. Sothli he schewide thus. 2   Ther weren to gidere Symount Petre, and Thomas, that is seid Didymus, and Nathanael, that was of the Cane of Galilee, and the sones of Zebedee, and tweye othere of his disciplis. 3   Symount Petre seith to hem, I go for to fysche. Thei seyn to him, And we comen with thee. And thei &yogh;eden out, and sti&yogh;eden in to a boot. And in that ni&yogh;t thei token nothing. 4   Forsoth the morwe maad, Jhesu stood in the brynke; nethelees the disciplis knewen not, for it was Jhesu. 5   Therfore Jhesu seith to hem, Children, wher &yogh;e han ony soupynge thing? 6   Thei answeriden, Nay. He seide to hem, Send &yogh;e the nett in to the ri&yogh;thalf of the rowyng, and &yogh;e schulen fynde. Therfore thei senten the nett, and now thei my&yogh;ten not drawe it, for multitude of fyschis. 7   Therfore thilke disciple, whom Jhesu louede, seide to Petre, It is the Lord. Symount Petre, whanne he hadde herd for it was the Lord, girte him with a coote, sothli he was nakid, and sente him in to the see. 8   Sothli othere disciplis camen by boot, for thei weren not fer fro the lond, but as two hundrid cubitis, drawynge the nett of fischis. 9   Therfore as thei camen doun in to the lond, thei

sy&yogh;en colis put, and a fysch `put aboue, and breed. 10   Jhesu seith to hym, Brynge &yogh;e of the fischis, whiche &yogh;e han taken now. 11   Symount Petre sti&yogh;ede vp, and drow&yogh; the nett in to the lond, ful of grete fischis, an hundrid fyfti and thre; and whanne thei weren so greete, the nett is not brokun. 12   Jhesu seith to hem, Come &yogh;e, `ete &yogh;e. And no man of `the sittinge at mete durste axe him, Who art thou, witinge for it is the Lord. 13   And Jhesu cam, and took breed, and &yogh;af to hem, and the fysch also. 14   Now this thridde day Jhesu is schewid to his disciplis, whanne he `hadde rise a&yogh;en fro deed men. 15   Therfore whanne thei hadden etyn, Jhesu seith to Symount Petre, Symount of John, louest thou me more than thes don? He seith to hym, &YOGH;he, Lord, thou wost for I loue thee. Jhesu seith to him, Feede thou my lambren. 16   Eft he seith to hym, Symount of John, louest thou me? And he seith to him, &YOGH;he, Lord, thou wost for I loue thee. 17   He seith to him, Feede thou my lambren. He seith to him the thridde tyme, Symount of John, louest thou me? Petre is sori, for he seith to him the thridde tyme, Louest thou me, and he seith to him, Lord, thou wost alle thingis; thou wost for I loue thee. Jhesu seith to him, Feede thou my scheep. 18   Treuli, treuli, I seie to thee, whanne thou were &yogh;ongere, thou girdedist thee, and wandridest where thou woldist; sothli whanne thou schalt wexe eldere, thou schalt holde forth thin hondis, and anothir schal girde thee, and leede thee whidir thou wolt not. 19   Sothli he seide this thing, signyfyinge by what deeth he was to glorifiynge God. And whanne he hadde seid thes thingis, he seith to him, Sue thou me. 20   Petre conuertid sy&yogh; thilke disciple, whom Jhesu

louede, `and which restide in the souper on his brest, and he seide to hym, Lord, who is it, that schal bitraye thee? 21   Therfore whanne Petre hadde seyn this disciple, he seith to Jhesu, Lord, what forsothe this? 22   Jhesu seith to him, So I wole him dwelle til I come, what to thee? sue thou me. 23   Therfore this word wente out among britheren, for thilke disciple deyeth not. And Jhesu seide not to him, for he deieth not, but So I wole him dwelle til I come, what to thee? 24   This is thilke disciple, that berith witnessing of thes thingis, and wroot thes thingis; and we witen, for his witnessing is trewe. 25   Forsothe there ben and manye othere syngnes, `or myraclis, that Jhesu dide, whiche if thei ben writun by eche by `hem silue, I deme neither the world him silf `to mowe take tho bookis, that ben to be writun. Here endith the gospel of John, and now bigynneth the prolog of Seint Poul to Romayns.

Previous section