1   Forsothe aftir thes thingis the Lord Jhesu ordeynede and othere seuenty and tweyne, and sente hem by tweyne and tweyne bifore his face in to euery citee

and place, whidir he was to comynge. 2   And he seide to hem, Sothli myche ripe corn is, but fewe workmen; therfore preie &yogh;e the lord of the ripe corn, that he sende workmen in to his rype corn. 3   Go &yogh;e, lo! I sende &yogh;ou as lambren a mong wolues. 4   Nyle &yogh;e bere a sachel, nether scrip, nether schoon, and greete &yogh;e no man by the weye. 5   And in to what euere hous &yogh;e schulen entre, first seye &yogh;e, Pees to this hous. 6   And if a sone of pees schal be there, &yogh;oure pees schal reste on him; if non, it schal turne a&yogh;en to &yogh;ou. 7   Forsothe `dwelle &yogh;e in the same hous, etynge and drynkinge tho thingis that ben at hem; forsothe a workman is worthi his hyre. Nyle &yogh;e passe fro hous in to hous. 8   And in to what euere citee &yogh;e schulen entre, and thei schulen receyue &yogh;ou, ete &yogh;e tho thingis that ben put to &yogh;ou; 9   and heele &yogh;e the syke men that ben `ther ynne. And seye &yogh;e to hem, The kyngdom of God schal nei&yogh;e `in to &yogh;ou. 10   In to what euer citee &yogh;e schulen entre, and thei schulen not receyue &yogh;ou, &yogh;e goynge out in to the streetis thereof, 11   seie, Also we wypen of in to &yogh;ou the poudere that cleuyde to vs of &yogh;oure citee; nethelees wite &yogh;e this thing, for the rewme of God schal come ny&yogh;. 12   Forsoth I seie to &yogh;ou, for to Sodom it schal be esyere, `other lasse peyne, than to that citee in thilke day. 13   Woo to thee, Corosaym; woo to thee, Bethsayda; for if in Tyre and Sydon `the vertues hadden ben don, whiche ben don in thee, sum tyme thei sittinge in heer and aische, schulden haue don penaunce. 14   Netheles to Tyre and Sydon it schal be esyer in the dom than to &yogh;ou. 15   And thou, Cafarnaum, ert enhaunsid `til to heuene; thou schalt be drenchid `til in to helle. 16   He that heerith &yogh;ou, heerith me; and he that

dispisith &yogh;ou, dispisith me; forsothe he that dispisith me, dispisith him that sente me. 17   Forsoth two and seuenty disciplis turnedyn a&yogh;ein with ioye, seyinge, Lord, also fendis ben sujet to vs in thi name. 18   And he seith to hem, I sy&yogh; Sathanas fallinge doun fro heuene, as leit. 19   And loo! I haue &yogh;ouun to &yogh;ou power of defoulinge, `othir tredinge, on serpents, and scorpiouns, and on al the vertu of the enemy, and no thing schal `anoye &yogh;ou. 20   Netheles nyle &yogh;e `haue ioye in this thing, for fendis ben sujet to &yogh;ou; but ioye &yogh;ee, that &yogh;oure names ben writun in heuenes. 21   In thilke our he gladide in the Hooly Goost, and seide, I knowleche to thee, fadir, Lord of heuene and erthe, which hast hid thes thingis fro wyse men and prudent, and hast schewid hem to litle. &YOGH;he, fadir, for so it pleside bifore thee. 22   Alle thingis ben &yogh;ouun to me of my fadir, and no man woot, who is the sone, no but the fadir; and who is the fadir, no but the sone, and to whom the sone wolde schewe. 23   And he turned to his disciplis, seide, Blessid ben the y&yogh;en, whiche seen tho thingis that &yogh;e seen. 24   Sothli I seie to &yogh;ou, for many prophetis and kyngis wolden se tho thingis, whiche &yogh;e seen, and thei sy&yogh;en not; and heere tho thingis, that &yogh;e heere, and thei herden not. 25   And lo! a wyse man of the lawe roos, temptinge him, and seyinge, Maistir, what thing doynge schal I welde euerlastinge lyf? 26   And he seide to him, What is writun in the lawe? hou redist thou? 27   He answeringe seide, Thou schalt loue the Lord thi God of al thyn herte, and of al thi soule, `or lyf, and of alle thi my&yogh;tis, and of al thi mynde; and thi nei&yogh;ebore as thi silf. 28   And Jhesu seide to him, Thou hast answerid ri&yogh;tly; do thou

this thing, and thou schalt lyue. 29   Forsothe he willinge to iustifye him silf, seide to Jhesu, And who is my nei&yogh;ebore? 30   Sothli Jhesu biholdinge, seide, Sum man cam doun fro Jerusalem `in to Jerico, and felde among theuues, whiche also robbiden him, and, woundis `putt in, wenten awey, the man lefte half quyk. 31   Forsothe it byfel, that sum prest cam doun in the same weye, and, him seyn, passide forth. 32   Also forsoth and a dekene, whanne he was bisydis the place, and sy&yogh; him, passide forth. 33   Forsoth sum man Samaritan, makynge iourney, cam bisydis the weye; and he seynge him, was stirid by mercy. 34   And he comynge ny&yogh;, bond to gidere his woundis, heeldynge yn oyle and wyn. And he puttinge on his hors, ledde in to a stable, and dide the cure of him. 35   And another day he brou&yogh;te forth twey pens, and &yogh;af to the kepere of the stable, and seide, Haue thou the cure of him; and what euere thing thou schalt &yogh;yue ouer, I schal &yogh;elde to thee, whanne I schal come a&yogh;en. 36   Who of thes thre semeth to thee to haue be nei&yogh;ebore to him, that felde `a mong the theues? 37   And he seide, He that dide mercy on him. And Jhesu seith to him, Go thou, and do thou in lyk manere. 38   Forsoth it was don, while thei wenten, and he entride in to sum castel; and sum womman, Martha bi name, receyuede him in to hir hous. 39   And to this Martha was a sister, Marie bi name, which also sittinge by sydis the feet of the Lord, herde the word of him. 40   Forsothe Martha bisyede aboute moche seruyce. Which stood, and seide, Lord, is it not of charge to thee, that my sistir lefte me aloone, for to mynystre?

therfore seye to hir, that she helpe me. 41   And the Lord answeringe seide to hir, Martha, Martha, thou ert bysi, and art troublid anentis ful manye thingis; forsoth o thing is necessarie. 42    43   Marie hath chose the beste part, which schal not be take a wey fro hir.

Previous section

Next section