Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XIX.
1 And it is don, whenne Jhesus hadde
eendide these wordis, he passide fro Galilee,
and came in to `the eendis of Judee
ouer Jordan.
2 And manye cumpanyes
`of men sueden hym, and he helide hem
there.
3 And Pharisees camen ni&yogh; to hym,
temptynge hym, and seyinge, Wher it be
leeful for a man for to `leeue, or forsake,
his wijf, `of what euer cause?
4 The
whiche answerynge seith to hem, Han nat
&yogh;ee rad, for he that made men at the
bygynnynge, male and female `he made
hem?
5 And he seide, For this thing a man
shal leeue fadir and modir, and he shal
cleue, `or drawe, to his wif; and thei
shulen be two in oo flesh.
6 `And so thei
ben nat now two, bot oo flesh. Therfore
a man departe nat that thing that God
enioynyde, `or knytte to gidre.
7 Thei
-- --
seyen to hym, What thanne comaundide
Moyses, to &yogh;eue a litil boke of forsakynge,
and to `leeue off?
8 And he seith to hem,
For Moyses, at the hardnesse of &yogh;oure
herte, suffride &yogh;ou forsake &yogh;oure wyues;
forsothe at the begynnyng it was nat so.
9 Trewly I seie to &yogh;ou, that who euer leeueth
his wif, no but for fornicacioun,
and weddith an other, doth a vowtrie;
and he that weddith the forsaken wife,
doth a vowtrie.
10 His disciplis seien to hym,
&YOGH;if the cause of a man with a wijf is so,
it speedith nat to wedde.
11 The whiche
seith to hem, Nat alle men taken this
word; but to which it is &yogh;ouen.
12 Sothely
`there ben geldyngis, `the whiche ben
thus born of the modris wombe; and
`there ben geldyngis, that ben maad of
men, and `there ben geldyngis, that han
geldid hem self, for the kyngdam of
heuenes. He that may take, take he.
13 Thanne litil children weren offrid vp to
hym, that he shulde putte hondis to hem,
and preie. Sothely his disciplis blameden
hem.
14 But Jhesus seith to hem, Suffre
&yogh;e litil childre cume to me, and nyl &yogh;e forbede
hem `for to come to me; for of siche
is the kyngdam of heuenes.
15 And whenne
he hadde putte to hem hondis, he wente
thennus.
16 And loo! oon, `cummynge to,
seith to hym, Good maister, what of good
thing shal I do, that I haue euerlastynge
lyf?
17 The which seith to hym, What
axist thou me of good thing? `There is
oo good God. For &yogh;if thou wolt entre in
to lif, kepe the comaundementis.
18 He
seith to hym, Whiche? Trewly Jhesus
seide, Thou shalt nat do man sleaynge,
thou shalt nat do avowtrie, thou shalt nat
do thefte, thou shalt nat seye fals witnessinge;
worshipe thi fadir and thi modir,
19
-- --
and thou shalt looue thi nei&yogh;bore as thi self.
20 The &yogh;ung man seith to hym, I haue kepte
alle these thingis fro my &yogh;outhe, what &yogh;it
failith to me?
21 Jhesus seith to hym, &YOGH;if
thou wolt be perfit, go, and selle alle
thingus that thou hast, and &yogh;eue to pore
men, and thou shalt haue tresour in heuene;
and cum, sue thou me.
22 Forsothe
whenne the &yogh;ung man hadde herde these
wordis, he wente awey sorwful, for he was
hauynge many possessiouns.
23 Forsothe
Jhesus seide to his disciplis, `I seie to &yogh;ou
trewthe, for a riche man `of hard shal
entre in to the kyngdam of heuenes.
24 And
eftsone I seie to &yogh;ou, it is `li&yogh;ter, or
eysier, a camel for to passe thorw&yogh; `a
nedelis ei&yogh;e, than a riche man to entre
into the kyngdam of heuenes.
25 Treuly these
wordis herd, the disciplis wondriden
gretely, seyinge, Who therfore may be
saaf?
26 Forsothe Jhesus beholdynge seide
to hem, Anentis men this thing is impossible;
but anentis God alle thingis ben
possible.
27 Thanne Petre answerynge seide
to hym, Loo! we han forsaken alle thingis,
and we han sued thee; what therfore shal
be to us?
28 Jhesus forsothe seide to hem,
Trewly Y seye to &yogh;ou, that &yogh;e that han
forsaken alle thingis, and sued me, in regeneracioun,
`or gendrynge a&yogh;ein, whenne
mannes sone shall sitte in the sete of his
mageste, and &yogh;e shulen sitt on twelue
setis, `or seegis, demynge the twelue
kynredis of Yrael.
29 And euery man that
shal forsake hous, or bretheren, or sistren,
or fadir, or modir, or wif, or
sonys, or feeldis, for my name, he shal
take an hundrid fold, and shal welde euere
lastynge lyf.
30 Forsothe many shulen be,
`the firste the laste, and the laste the
firste.
-- --
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
