Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XVIII.
1 In that hour the disciplis `camen ni&yogh;
to Jhesus, seiynge, Who, gessist thou, is
more in the kyngdam of heuenes?
2 And
Jhesus, clepynge to a litil child, putte
hym in the mydil of hem;
3 and seide, `I
seie trewthe to &yogh;ou, no but &yogh;if &yogh;e shulen
be turnyd, and maad as litil children, &yogh;e
shulen nat entren in to the kyngdam of
heuenes.
4 Therfore who euere `shal meeke
hym as this litil child, he is more in
the kyngdam of heuenes.
5 And he that
resceyueth oon siche litil in my name,
resceyueth me.
6 Forsothe `who shal sclaundre
oon of these `smale leste, that byleeuen
in me, it spedith to hym that a
myln stoon of assis be hanged in his neeke,
and be drenchid in to the depnesse of
the see.
7 Woo to the world, for sclaundris;
-- --
treuly it is neede, that sclaundris come;
netheles woo to `the ilk man by whom a
sclaundre cometh.
8 Forsothe &yogh;if thin hond
or thi foot sclaundre thee, kitt `it of,
and kast awey fro thee. It is good to
thee to entre in to lyf `feble, other croked,
than hauynge two hondis or two
feet to be sent in to euerlastynge fijr.
9 And &yogh;if thin ei&yogh;e sclaundre thee, pulle it
out, and cast awey fro thee. It is good to
thee with oon ei&yogh;e to entre in to lyf, than
hauynge two ei&yogh;en to be sente in to `fijr
of helle.
10 Se &yogh;e, that &yogh;e dispise nat oon
of these litile. Trewly I seie to &yogh;ou, that
the angelis of hem in heuenes seen euermore
the face of my fadir that is in
heuenes.
11 Forsothe mannys sone came for
to saue that thing that perishide.
12 What
semeth to &yogh;ou? &YOGH;if `ther weren to summan
an hundrid sheep, and oon of hem `shall
erre, wher he shal nat leeue nynty and
nyne in desert, and shal go for to seeke
that that erride?
13 And if it befalle that
he fynde it, trewly I seie to &yogh;ou, for he
shal ioye theron more than of nynty and
nyne that erriden nat.
14 So it is nat will
before youre fadir that is in heuenes,
that oon of these litil perishe.
15 Forsoth
&yogh;if thi brother `shal synne in thee, go
thou, and reproue hym, `or snybbe, bitwixe
thee and hym aloone; &yogh;if he `shal
heere thee, thou hast wonnen thi brother.
16 Trewly &yogh;if he `shal nat heere thee, take
with thee oon or two, that euery word
stonde in the mouthe of two or three
witnessis.
17 That &yogh;if he shal nat heere hem,
seie thou to the chirche. Forsothe &yogh;if he
shal not heere the chirche, be hee `to
thee as an hethen and a puplicane.
18 I
-- --
seie to &yogh;ou trewli, what euere thingis &yogh;ee
shulen bynde vpon erthe, tho shulen be
bounden and in heuenes; and what euere
thingis &yogh;ee shulen vnbynde vpon erthe,
tho shulen be vnbounden and in heuenes.
19 Eftsoone I seie to &yogh;ou, that &yogh;if
two of &yogh;ou shulen consente on the erthe,
of euery thinge whateuer thei shulen
axe, it shal be don to hem of my fadir
that is in heuenes.
20 For where two or
three shulen be gedrid in my name, ther
I am in the midil of hem.
21 Thanne Petre,
`cummynge ni&yogh; to hym, seide, Lord, hou ofte
shal my brother synne in me, and I shal
for&yogh;eue hym? Whether to seuen tymes?
22 Jhesus seith to hym, I seie nat to thee,
til seuen sithis; but to seuenty sythis
seuene sithis.
23 Therfore the kingdom of
heuenes is lickened to a man kyng, that
wolde putte resoun with his seruauntis.
24 And whanne he began for to putte resoun,
oon was offrid to hym, that ow&yogh;te
to hym ten thousand talentis.
25 Trewly
whanne he hadde nat wherof to &yogh;elde, his
lord comaundide hym to be sold, and his
wif, and sonys, and alle thingis that he
hadde, and to be payed.
26 Forsothe `the
ilk seruaunt, fallynge doun, preide hym,
seyinge, Haue pacience in me, and alle
thingis I shal &yogh;eelde to thee.
27 Sothely the
lord `of that seruaunt hauynge mercy,
leete hym, `or suffride hym, and for&yogh;aue
to hym the dette.
28 Trewly thilk seruaunt
gon out, fonde oon of his euen seruauntis,
that ou&yogh;te hym an hundrid pens; and
he, holdynge hym, stranglide hym, seyinge,
&YOGH;eld that thou owist.
29 And his euen
seruaunt preiede hym, seyinge, Haue pacience
-- --
in me, and `alle thingis I shal quyte
to thee.
30 Forsothe he `wolde nat; but wente,
and sent hym in to pryson, til that he
paide al the dette.
31 Sothely his euen seruauntis,
seeynge the thingis that weren
don, `gretely hadden sorowe. And thei
camen, and tolden to her lord alle the
thingis that weren don.
32 Thanne his lord
clepide hym, and seide to hym, Weyward
seruaunt, I for&yogh;af to thee al the dette, for
thou preidist me.
33 Therfore wher it behouede
nat and thee to haue mercy on
thi euen seruaunt, as I hadde mercy of
thee?
34 And his lord wroth, tok hym to
tourmenturs, til that he paiede al the dette.
35 `So and my fadir of heuen shal do to &yogh;ou,
&yogh;if &yogh;e `for&yogh;eue nat euery man to his brother,
of &yogh;oure hertis.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
