Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
NUMBERS.
[Prologue on the book of Numbers.]
This book clepid Numeri, that is to seie, the book of Noumbre, makith mencioun,
how the Lord comaundide Moises and Aaron to noumbre the sones of Israel bi her
names writen, alle men that weren fro twenti &yogh;eer and aboue, of stronge men and able
to batel. Sothli the Leuytis weren not noumbrid with hem, bi the comaundement of
the Lord, but bi hem self in to the seruyse of the tabernacle. And the Lord comaundide
to Moises to sende aspiers to biholde the lond of Canaan, of ech lynage o man; whiche
whanne thei hadden biholde, and weren comen a&yogh;en, discomforteden al the peple, out
taken Josue and Caleph, whiche a&yogh;enseiden the othere aspiers. And al the peple
mournede and wepte, wherfore the Lord turnede hem a&yogh;en in to desert, and seide, that
noon of tho that weren noumbrid scholde come in the lond of Canaan, but Josue and
Caleph; but walke aboute in wildernesse fourti &yogh;eer, and deie therinne; and after
fourti &yogh;eer the sones of hem, that weren not noumbrid, scholden entre, and welde the
lond. Also of alle dissenciouns that bifellen in the desert, and veniaunces of the peple,
and how thei wunnen al the londe bi&yogh;ende Jordan; and of the deeth of Aaron; and
how the peple was noumbrid eftsone by Moises and Eleasar prest; and the Lord bad
Moises to take veniaunce of the peple of Madian, and thanne he scholde be gaderid to
his peple. Here endith the prologe and here bigynneth the book of Numeri.
Numeri.
CAP. I.
1 The Lord spak to Moyses in deseert
of Synay, in the tabernacle of the boond
of peese, the first day of the secounde
moneth, that other &yogh;eer of the goyng of
hem out of Egipte,
2 seiynge, Take &yogh;e the
sowme of al the congregacioun of the
sones of Yrael, by kynredis, and her
howses, and the names of eche, what euer
of the maal kynd,
3 fro the twentithe &yogh;eer
and a boue, of alle the stronge men of
Yrael; and &yogh;e shulen noumbre hem bi her
-- --
companyes, thow and Aaron.
4 And there
shulen be with &yogh;ow the prynces of the
lynages, and of the howsis, in her kynredes,
whos names ben thes;
5 of Ruben,
Elisur, the sone of Sedeur;
6 of Symeon,
Salamyel, the sone of Sury of Sadday;
of Juda, Naason, the sone of Amynadab;
7
of Ysachar, Nathanael, the sone of Suar;
8
of Zabulon, Eliab, the sone of Elon;
9
10 of
the sones forsothe of Joseph, of Effraym,
Elizama, the sone of Amyud; of Manasse,
Gamaliel, the sone of Phadasseur;
of Beniamyn, Abidan, the sone of Gedeon;
11
of Dan, Aiezer, the sone of Amysadday;
12
of Aser,
13 Phegiel, the sone of
Ochran;
14 of Gad, Elizaphan, the sone of
Duel;
15 of Neptalym, Ayra, the sone of
Henam.
16 Thes the moost noble princes of
the multitude, bi the lynages, and her
kynredes, and the heedes of the oost of
Yrael,
17 the whiche Moyses and Aaron
token, with al the multitude of the comoun.
18 And thei gadreden togidere the
first day of the secounde moneth, noumbrynge
hem bi kynredes, and howses, and
meynees, and heedes, and names of echon,
fro the twentith &yogh;eer and a boue,
19 as the
Lord comaundide to Moyses; and thei
ben noumbred in the desert of Synay.
20 Of Ruben, the fyrst goten of Yrael, bi generaciouns,
and meyneys, and his howses,
and the names of the heedes of echon,
and al that is of maal kynde, fro twenti
&yogh;eer and a boue, of men goynge forth to
batayl,
21 six and fourti thowsynd and fyue
hundreth.
22 Of the sones of Semeon, bi his
generaciouns, and meyneis, and howses of
his kynredes, ben noumbred bi names and
heedes of echon, al that is of maal kynde,
fro the twentith &yogh;eer and a boue, of men
goynge to bateil,
23 nyn and fyfti thowsynd
and thre hundreth.
24 Of the sones of Gad,
by generaciouns, and meyneis, and howses
of her kynredes, ben noumbred bi the
names of echon, fro twenti &yogh;eer and aboue,
-- --
alle that shulden goo to batail,
25 fyue and
fourti thowsynd and six hundrith and
fifti.
26 Of the sones of Juda, by generacyouns,
and meyneis, and howses of her
kynredes, bi the names of echon, fro the
twentith &yogh;eer and aboue, alle that my&yogh;ten
goo forthe to batails,
27 ben noumbred foure
and seuenti thowsyndes and six hundrith.
28 Of the sones of Ysachar, bi kynredys, and
meyneis, and howses of her kynredes, bi
the names of echon, fro the twentith &yogh;eer
and aboue, alle that shulden goo to batail,
29 ben noumbred foure and fifti thousynd
and four hundrith.
30 Of the sones of Zabulon,
bi generaciouns, and meyneis, and
houses of her kynredes, ben noumbred bi
names of echon, fro the twentith &yogh;eer and
a boue, alle that my&yogh;ten goo forthe to batayl,
31 seuen and fifti thousyndes and foure
hundrith.
32 Of the sones of Joseph, of the
sones of Effraym, bi generaciouns, and
meyneis, and houses of her kynredes, ben
noumbred bi the names of echon, fro the
twentith &yogh;eer and a boue, alle that my&yogh;ten
goo forth to batail,
33 fourti thousynd and
fyue hundrith.
34 Forsothe of the sones of
Manasse, bi generaciouns, and meyneis,
and houses of her kynredes, ben noumbred
by the names of echon, fro twenti
&yogh;eer and a boue, alle that my&yogh;ten goo
forthe to batail,
35 two and thretti thowsynd
and two hundrith.
36 Of the sones of Beniamyn,
bi generaciouns, and meyneis, and
houses of her kynredes, ben noumbred
with the names of echon, fro the twentith
&yogh;eer and a boue, alle that my&yogh;ten goo
forthe to batail,
37 fyue and thritti thowsynd
and foure hundrith.
38 Of the sones
of Dan, bi generaciouns, and meyneis, and
houses of her kynredes, ben noumbred
with the names of echon, fro twentith
&yogh;eer and a boue, alle that my&yogh;ten goo
forthe to batayl,
39 two and sexti thousynd
and seuen hundreth.
40 Of the sones of
Aser, bi generaciouns, and meyneis, and
-- --
housis of her kynredes, ben noumbred bi
the names of echon, fro the twentith &yogh;eer
and aboue, that my&yogh;ten goo forth to batail,
41 fourti thousynd and a thousind and
fyue hundreth.
42 Of the sones of Neptalym,
bi generaciouns, and meyneis, and
houses, and her kynredes, ben noumbred
with the names of echon, fro the twentith
&yogh;eer and a boue, alle that my&yogh;ten goo to
batail,
43 thre and fifti thousynd and foure
hundrith.
44 Thes ben whom noumbred
Moyses and Aaron, and the twelue princes
of Yrael, eche bi the houses of her kynredes.
45 And `there were alle togidere of
the sones of Yrael, bi howses, and her
meyneis, fro twenti &yogh;eer and aboue, alle
that my&yogh;ten go forth to batail,
46 six hundrith
thre thousyndis of men, fyue hundrith
and fifti.
47 Leuytes forsothe in the
lynage of her meyneis ben not noumbrid
with hem.
CAP. II.
48 And the Lord spak to Moyses, seiynge,
The lynage of Leuy wole thow not noumbre,
49
ne putte the sowm of hem with the
sones of Yrael;
50 but thow shalt ordeyne
hem vpon the tabernacle of witnessynge,
alle the vessels of it, and what euer thing
to the serymonyes perteyneth. Thei shulen
bere the tabernacle, and alle the vsable
thinges of it, and thei shulen be in the
seruyce, and bi enuyroun of the tabernacle
thei shulen sette her tentes.
51 Whanne
it were to go forth, the Leuytes shulen
sett down the tabernacle, whanne thei
shulen arere the tentis to be sett; who so
euer of other lynages comen there nei&yogh;,
shal be slayn.
52 And the sones of Yrael
shulen sette tentes, eche bi the companyes,
and felowships, and her oostis;
53 forsothe
the Leuytes bi enuyroun of the tabernacle
shulen ficche tentes, lest there be maad
-- --
indignacioun vpon the multitude of the
sones of Yrael; and thei shulen watche in
the waardes of the tabernacle of wytnessynge.
54 Thanne the sones of Yrael diden
after alle thingis that the Lord hadde comaundide
to Moyses.
1 And the Lord spak
to Moyses and Aaron,
2 seiynge, Eche bi
companyes, toknes, and baners, and howses
of her kynredes, shulen sette the tentis of
the sones of Yrael, bi enuyroun of the
tabernacle of the boond of pees.
3 At the
eest Judas shal picche tentis, bi companyes
of his oost; and Nason, the sone of
Amynadab, shal be prynce of his sones;
4 and al the sowme of fi&yogh;tynge men of his
lynage, foure and seuenti thousynd and
six hundreth.
5 Bisides hym setten tentes,
of the lynage of Ysachar, whos prynce
was Nathanael, the sone of Suar;
6 and al
the noumbre of his fi&yogh;ters, foure and fifti
thousynd and foure hundreth.
7 In the
lynage of Zabulon, prynce was Eliab, the
sone of Elon;
8 al the oost of fi&yogh;tynge
men of his lynage, seuen and fifti thousynd
and foure hundreth.
9 Al that in the
tentis of Juda ben noumbred, weren an
hundryth six and ei&yogh;ti thousyndis and
foure hundrith; and bi her companyes
first thei shulen go out.
10 In the tentes of
the sones of Ruben, at the southe plage,
shal be prynce, Elisur, the sone of Sedeur;
and al the oost of his fi&yogh;ters,
11 that
ben noumbred, six and fourty thowsynd
and fyue hundreth.
12 Biside hym setten
tentes, of the lynage of Symeon, whos
prynce was Salamyel, the sone of Sury
Sadday;
13 and al the oost of his fy&yogh;ters,
that ben noumbred, nyn and fifti thowsynd
and thre hundrith.
14 In the lynage
of Gad, prince was Eliasaph, the sone of
Duel;
15 and al the oost of his fi&yogh;ters, that
ben noumbred, fyue and fourti thousand
six hundrith and fifti.
16 Alle that ben
noumbred in the tentes of Ruben, an hundreth
-- --
fifti thousynd and a thousynd foure
hundreth and fifty, bi her companyes; in
the secounde place thei shulen goo forthe.
17 And the tabernacle of witnessynge shal
be arered bi offices of Leuytes, and the
companyes of hem; what maner wyse it
shal be areryd, and so it shal be sett
down; eche bi places and her ordres shulen
goo forthe.
18 At the west plage shulen
be the tentis of the sones of Effraym,
whos prince was Elizama, the sone of
Amyud;
19 and al the oost of his fi&yogh;ters,
that ben noumbred, fourti thousynd and
fyue hundreth.
20 And with hem the lynage
of the sones of Manasse, whos prynce
was Gamaliel, the sone of Phadassur;
21 al
the oost of his fi&yogh;ters, that ben noumbred,
two and thretti thousynd and two hundrith.
22 In the lynage of the sones of Beniamyn
prynce was Abidan, the sone of
Gedeon;
23 and al the oost of his fi&yogh;ters, that
ben noumbred, fyue and thretti thousynd
and foure hundryd.
24 And alle that ben
noumbred in the tentes of Effraym, an
hundryd ei&yogh;t thowsyndis and an hundrid,
bi her companyes; the thrid thei shulen
goo forthe.
25 At the north part settiden
tentes the sones of Dan, whos prince was
Abiazar, the sone of Amysadday;
26 al the
oost of his fi&yogh;ters, that ben noumbred, two
and fourti thowsyndes and seuen hundryd.
27 Bisides hym fitchiden tentis of
the lynage of Aser, whos prynce was Phegyel,
the sone of Othran;
28 and al the oost
of his fi&yogh;teres, that ben noumbred, fourti
thousyndis and a thousynd and fyue hundrid.
29 Of the lynage of the sones of Neptalym
prince was Ahyra, the sone of Henan;
and al the oost of his fi&yogh;ters,
30 thre
and fifti thowsynd and foure hundryd.
31 Alle that ben noumbred in the tentes of
Dan, weren an hundred seuen and fifti
thowsyndes and six hundred; alther last
thei shulden go forth.
32 This noumbre of
-- --
the sones of Yrael, bi howsis of her kynredes,
and companyes of the dyuydid oost,
six hundrid thre thowsyndes fyue hundrid
and fifti.
33 Leuytes forsothe ben not
noumbred among the sones of Yrael; so
forsothe comaundide God to Moyses.
34 And
the sones of Yrael diden after alle thinges
that the Lord comaundide; thei settiden
tentes bi her companyes, and goon forthe
bi meyneis, and howses of her fadres.
CAP. III.
1 Thes ben the generaciouns of Aaron
and of Moyses, in the day that the Lord
spak to Moises, in the mownt of Synay.
2 And thes the names of the sones of Aaron;
the first goten of hym Nadab; aftirward,
Abyu, and Eliazar, and Ythamar;
thes the names of the sones of Aaron,
3
prestis, that ben anoynt, and of whom
the hoondes fulfillid and sacrid ben, that
thei vsen preesthod.
4 Nadab and Abyu
dieden, whanne thei offerden alien fier in
the si&yogh;t of the Lord, in desert of Synay,
with outen free children; and Eliazar and
Ythamar vseden preesthod before Aaron
her fader.
5 And the Lord spak to Moyses,
seiynge,
6 Sett the lynage of Leuy, and
mak stonde in the si&yogh;t of Aaron, the
preest, that thei mynystren to him;
7 and
waken, and weyten aboute al thing that
to the heryynge perteyneth of the multitude,
before the tabernacle of witnessynge;
8 and that thei kepen the vessels of
the tabernacle, seruynge in the seruyce
of hym.
9 And thow shalt &yogh;yue bi &yogh;iftis
Leuytes to Aaron, and to the sones of hym,
to the whiche thei ben take of the sones
of Yrael.
10 Aaron forsothe and his sones
-- --
thow shalt ordeyne vpon the heriynge of
preesthod; of another kynrede that goth
to mynystre, he shal die.
11 And the Lord
spak to Moyses,
12 seiynge, I toke the Leuytes
fro the sones of Yrael for al the
firste geten that openeth the wombe in the
sones of Yrael; and thei shulen be my
Leuytes,
13 myn is forsothe al the first
goten; sithen I smoot the first gotun in
the loond of Egipte, I halowide to me
al thing that is first born in Yrael; fro
man vnto beeste myn thei ben; I the
Lord.
14 And the Lord spak to Moyses, in
desert of Synay,
15 seiynge, Noumbre the
sones of Leuy, bi the howses of her faders,
and meyneis, eche maal from a
moneth and aboue.
16 And Moyses noumbred,
as the Lord comaundide.
17 And there
ben founden the sones of Leuy, bi her
names, Gerson, and Caath, and Merary;
the sones of Gerson, Lebyn, and Semey;
18
the sones of Caath,
19 Amram, and Jessaar,
and Ebron, and Osiel;
20 the sones of Merary,
Mooly, and Musy.
21 Of Gerson weren
twey meyneis, Lebyntica, and Semetica;
22 of the whiche is noumbrid a puple of
maal kynde, fro o moneth and aboue, seuen
thowsyndes and fyue hundred.
23 Thes
after the tabernacle shulen sette tentis at
the west,
24 vndur the prince Eliasaph, the
sone of Jael.
25 And thei shulen haue wacches
in the tabernacle of the boond of pees,
thilke tabernacle, and his couertour, the
tente that is drawen before the &yogh;ates of
the roof of witnessynge of boond of pees;
and the cortyns of the porche,
26 and the
tente that is hongid in the entre of the
porche of the tabernacle, and al thing
that to the rijt of the auter perteyneth,
the coordes of the tabernacle, and alle
vsable thinges of it.
27 The kynred of Caath
shal haue the puples Amramytas, Jessaarytas,
and Ebronytis, and Esielites;
28 thes
ben the meyneis of Caatices, noumbrid bi
-- --
her names, of al maal kynd, fro a moneth
and aboue, ei&yogh;t thousyndes and six hundrith.
29 And thei shulen haue bisy wardes
of the seyntuarie, and thei shulen sette
tentes at the sowth plage;
30 and the prince
of hem shal be Elyzaphan, the sone of
Oziel.
31 And thei shulen kepe the ark, and
the table, and the candelstik, the auters,
and the vessels of the seyntuarie in the
which it is mynystryd, and the veyl, and
al siche maner purtenaunce.
32 The prince
forsothe of the princes of Leuytes, Eleazar,
the sone of Aaron, preest; and he
shal be vpon the wakers of the warde of
the seyntuarie.
33 And forsothe of Merarye
shal be puples, Moolites, and Musites,
noumbred bi her names,
34 of al maal kynde
fro o moneth and aboue, six thousyndes
and two hundreth;
35 the prynce of hem
Suryel, the sone of Abiahiel; in the north
plage thei shulen sette tentes.
36 There
shulen be vnder the warde of hem the
tables of the tabernacle, and the berynge
staues, and the pilers, and the feet of
hem, and alle thinges that to suche maner
heriynge perteynen,
37 and the pilers of the
porche bi enuyroun, with her feet, and
the stakis, with the coordes.
38 Thei shulen
sette tentes before the tabernacle of the
boond of pees, that is, at the eest plage,
Moyses, and Aaron with his sones, hauynge
warde of the seyntuarye, in the
mydil of the sones of Yrael; `who so
euer alien come ther to, shal die.
39 Alle the
Leuytes, the whiche noumbreden Moises
and Aaron, after the heest of the Lord,
bi her meyneis, in maal kynde, fro o
moneth and aboue, weren two and twenti
thousyndes.
40 And the Lord seith to Moyses,
Noumbre the firste geten of maal kynde
of the sones of Israel, fro o moneth and
aboue; and thou shalt haue the sowm of
-- --
hem;
41 and thou shalt take Leuitis to me
for alle the first gotyn of the sones of
Israel; I am the Lord; and the beestis of
hem for alle the first gotyn of the sones
of Israel.
42 And Moises tolde, as the Lord
comaundide, the first goten of the sones
of Israel;
43 and there weren maalis bi her
names, fro o moneth and aboue, two and
twenti thousandis two hundrid and seuenti
and thre.
44 And the Lord spak to
Moises,
45 seiynge, Tak Leuites for the first
goten of the sones of Yrael, and the
beestis of Leuytes for the beestis of hem,
and Leuytes shulen be myn; I am the
Lord.
46 In the prijs forsothe of two hundrith
seuenti and thre, that passen the noumbre
of Leuytes, of the fyrst gotun of the sones
of Yrael,
47 thow shalt take fyue siclis bi
eche heedes, at the mesure of the seyntuarie;
a cicle hath twenti halfpens;
48 and
thou shalt &yogh;yue the money to Aaron and
his sones, the prijs of hem that ben aboue.
49 Therfor Moyses toke the money of hem
that weren more ouer, and the whiche thei
a&yogh;enbou&yogh;ten of the Leuytes, for the first
gotun of the sones of Yrael,
50 of a thousynd
thre hundrid and fyue and sixti sicles,
after the wei&yogh;t of the seyntuarie;
51 and he
&yogh;aue it to Aaron and his sones, after the
word that the Lord comaundide to hym.
CAP. IV.
1 And the Lord spak to Moyses and Aaron,
seyynge,
2 Take the sowm of the sones
of Caath, fro the myddil of Leuytes, bi
houses,
3 and her meyneis, fro the thrytti
&yogh;eer and aboue vnto the fifty &yogh;eer, of alle
-- --
that goon in, that thei stonden and mynystren
in the tabernacle of the boond of
pees.
4 This is the heriynge of the sones
of Caath; the tabernacle of the boond of
pees,
5 and the holi of halowis shulen go
yn Aaron and his sones, whanne the
tentis ben to be moued; and thei shulen
sette down the veile that hongith before
the &yogh;atis, and thei shulen wrap with ynne
it the ark of witnessynge;
6 and thei shulen
eftsones couer it with the couerynge
of iacynctyne skynnes, and thei shulen
strecche aboue a mantel al iacynctyne,
and thei shulen lede in the berynge
staues.
7 The table forsothe of proposicioun
thei shulen wrappe with ynne the iacynctyne
mantil, and thei shulen putte with
it the encenseris, and goldun morters, litil
cuppes, and the eryd chalices to the sacrifices
of licours to ben heelde; looues euermore
shulen be in it.
8 And thei shulen
strecche there aboue the reed mantil, the
whiche eft thei shulen couer with the
couerynge of iacynctyn skynnes, and thei
shulen lede ynne the berynge staues.
9 And
thei shulen take the iacynctyn mantil,
with the which thei shulen couer the
candelstik, with the lanterns, and her
toonges, and snyters, and with alle the
vessels of oyle, the whiche ben necessary
to the lanterns to be maad redi;
10 and
vpon alle thei shulen putte the couerynge
of iacynctyn skynnes, and thei shulen
lede ynne her berynge staues.
11 Also and
the goldun auter thei shulen wrappe with
ynne the iacynctyn clothing; and thei
shulen strecche out there aboue the couerynge
of iacynctyn skynnes, and thei shulen
lede yn the beryng staues.
12 Alle the
vessels, with the whiche it is mynystryd
in the seyntuary, thei shulen wrappe with
-- --
inne the iacynctyn mantel, and strecch
there aboue a couertour of iacynctyn
skynnes, and thei shulen lede yn the berynge
staues.
13 But and the auter thei shulen
clense with asken, and thei shulen
wrappe it with a purpur clothinge.
14 And
thei shulen putt with it alle the vesselis,
the whiche thei vsen in the seruyce of it,
that is, the resseyuable thinges of fiers,
fleshokis, and `hokys of thre teeth, and
hokes, and fyre pannes; alle the vessels
of the auter thei shulen couer togyder
with a couerynge of iacynctyn skynnes,
and thei shulen lede yn the berynge
staues.
15 And whanne Aaron and his sones
han inwrappid the seyntuary, and alle the
vessels of it, in the meuynge of tentes,
thanne shulen goon yn the sones of
Caath, that thei beren with ynne wrappid,
and that thei touchen not the vessels
of the seyntuary, lest thei dien.
16 Thes
ben the charges of the sones of Caath, in
the tabernacle of the boond of pees, vpon
whom shal be Eliazar, the sone of Aaron
preest; to whos cure it perteyneth oyle
to the lanterns to be maad redi, and the
encense of composicioun, and the sacrifice
that euermore is offred, and the oyle of
anoyntinge, and what euer thing to the
heriynge `of the tabernacle perteyneth,
and of alle the vessels that ben in the
seyntuarye.
17 And the Lord spak to Moyses
and Aaron,
18 seyynge, Wole &yogh;e not lese the
puple of Caath fro the myddel of Leuytes;
but this doth to hem,
19 that thei
lyuen, and dien not, if thei towchen the
holi thingis of halowes. Aaron and his
sones shulen go yn, and thei shulen dyspose
the werkis of echon, and thei shulen
dyuyde what eny owith to bere.
20 Other
thur&yogh; no curiouste seen that ben in the
seyntuarye, before that thei ben inwrappid,
-- --
ellis thei shulden die.
21 And the Lord
spak to Moyses,
22 seiynge, Tak also the
sowm of the sones of Gerson, bi howses,
and meyneis, and his kynredes;
23 fro thretti
&yogh;eer and aboue and vnto the &yogh;eres of
fifti, noumbre alle that goon yn, and
seruen in the tabernacle of the boond of
pees.
24 This is the office of the meyne of
Gersonytes, that thei beren cortyns of
the tabernacle, and the roof of the boond
of pees,
25 that other couertour, and vpon
alle the iacynctyn couerynge, and the
tente that hongith in the entre of the tabernacle
of the boond of pees;
26 the cortyns
of the porche, and the veil in the
entre that is before the tabernacle.
27 Alle
thingis that perteynen to the auter, litil
coordes, and the vessels of seruyce, comaundynge
Aaron and his sones, the
sones of Gerson shulen bere; and eche
shal knowe to what charge thei owen to
be takun.
28 This is the heriynge of the
meyneis of Gersonytes, in the tabernacle
of the boond of pees; and thei shulen be
vndir the hoond of Ythamar, the sone of
Aaron, preest.
29 The sones forsothe of
Merarye, bi meyneis and howses of her
fadris,
30 thou shalt noumbre, fro thretti
&yogh;eer and aboue vnto the &yogh;eers of fifti, alle
that goon into the office of his seruyce,
and heriynge of the boond of pees of witnessynge.
31 Thes ben the charges of hem;
thei shulen bere the tablis of the tabernacle,
and his berynge staues, the pilers,
and the feet of hem;
32 and the pilers of
the porche bi enuyroun, with her feet,
and stakys, and her coordes; alle vessels
and purtenaunce at noumbre thei shulen
take, and so thei shulen bere.
33 This is
the office of the meyne of Merarytes, and
the seruyce in the tabernacle of the boond
of pees; and thei shulen be vndir the
hoond of Ythamar, the sone of Aaron,
-- --
preest.
34 Thanne Moyses and Aaron, and
the princes of the synagoge, noumbreden
the sones of Caath, bi kynredes, and
howses of her fadres,
35 fro thretti &yogh;eer and
aboue vnto fifti &yogh;eer, alle that goon into
the seruyce of the tabernacle of the boond
of pees;
36 and there ben foundun two thowsyndes
seuen hundred and fifti.
37 This is
the noumbre of the sones of Caath, that
goon into the tabernacle of the boond of
pees; `thes noumbreden Moyses and Aaron,
aftir the word of the Lord, bi the
hoond of Moyses.
38 And sones of Gerson
ben noumbred, bi kynredes, and howses
of her fadris,
39 fro thretti &yogh;eer and a boue
vnto the fiftith &yogh;eer, alle that goon yn
that thei mynystren in the tabernacle of
the boond of pees;
40 and there ben foundun
two thowsynd six hundreth and thretti.
41 This is the puple of Gersonytes, the
which noumbreden Moyses and Aaron,
after the word of the Lord.
42 The sones
of Merarye ben noumbred, bi kynredes,
and houses of her fadres,
43 fro thretti &yogh;eer
and a boue vnto the fifty &yogh;eer, alle that
goon yn to fulfille the rytis of the tabernacle
of the boond of pees;
44 and ther ben
foundun thre thowsyndes and two hundrith.
45 This is the noumbre of the sones
of Merarye, the whiche noumbreden
Moyses and Aaron, aftir the heest of the
Lord, bi the hoond of Moyses.
46 Alle that
ben noumbred of the Leuytes, and the
whiche he dide to be noumbred at the
name, of Moyses and Aaron, and the
princes of Yrael, bi kynredis, and howses
of her fadres,
47 fro thretti &yogh;eer and a boue
vnto the fifti &yogh;eer, goynge into the seruyce
of the tabernacle, and berthens to
be bore,
48 and there weren togidir ei&yogh;t
thowsyndes fyue hundrid and ei&yogh;ty.
49 After
the word of the Lord Moises noumbred
hem, echon aftir his office and his
charges, as the Lord comaundide to hym.
-- --
CAP. V.
1 And the Lord spak to Moyses, seiynge,
Comaund to the sones of Yrael,
2 that thei
casten out of the tentes alle leprows, and
that flowith seed, and is polut vpon the
deed;
3 as wel the maal as the femaal
casteth out of the tentis, lest thei defoulen
hem, whanne thei dwellen with
&yogh;ow.
4 And the sones of Yrael dyden so,
and thei casteden hem out of the tentes,
as the Lord hadde spokun to Moyses.
5 And the Lord spak to Moyses, seiynge,
Spek to the sones of Irael,
6 A man or
womman, whanne thei doon of alle the
synnes that ben wont to falle to men, and
bi negligence ouer passid the maundement
of the Lord,
7 and trespassen, thei
shulen knowleche her synne, and thei
shulen &yogh;eelde that heed, and the fifthe
part there aboue, to hym in whom thei
synneden.
8 If forsothe there weren not
that shulde resseyue, thei shulen &yogh;yue to
the Lord, and it shal be of the preest,
out take the wether that is offryd for the
purgynge, that the oost be plesable.
9 Alle
forsothe the first fruytis that offren the
sones of Yrael, to the preest perteynen;
10 and what thing in the seyntuarye is offred
of eche, and is takun to the hondes
of the preest, shal be of hym.
11 And the
Lord spak to Moyses, seyynge, Spek to
the sones of Yrael, and thow shalt seye
to hem,
12 A man, whos wijf erreth, and,
the housbonde despisynge,
13 slepe with another
man, and that the housbonde may
not knowe of, but the auowtrye is hidde,
and with witnes may not be vndurnom,
for she is not foundun in the hordom;
14 if
the spiryt of gelousnes stire the man
a&yogh;ens his wijf, the which outher is polut,
or with fals suspecioun is coueitid,
15 he
shal lede hire to the preest, and he shal
offre for hir an offrynge, the tenthe part
-- --
of a busshel of barly melowe; and he
shal not heelde vpon it oyle, ne putte
ensence, for the sacrifice of gelouste it
is, and offrynge enserchynge auowtrye.
16 Therfor the preest shal offre it, and sette
before the Lord;
17 and he shal take the
holy watre in a britil vessel, and a litil
of the erthe of the pament of the tabernacle
he shall putt into it.
18 And whanne
the womman stondith in the si&yogh;t of
the Lord, she shal discouere her heed,
and putt vpon hir hondis the sacrifice of
recordynge, and offryng of gelowste. He
forsothe shal holde the most bittir watris,
in the whiche with cursid cursyng
he cast togidir.
19 And he shal swere to her,
and seie, If another man hath not slept
with thee, and if thow art not polut,
forsaked the bedde of the housboond, thes
moost bittre watris shulen not anoye thee,
into the whiche cursid thinges I haue gederyd
to gydere;
20 if forsothe thow hast
bowide aweie fro thin housboond, and art
polut, and hast leyn with anothir man,
to thes cursingis thow shalt vndurligge;
21
the Lord &yogh;yue thee into cursynge, and
ensaumple of alle in his puple; mak he
thin hippe to stynke, and thi swellynge
wombe be al to brostun;
22 goon in thee
cursyd watris into thi wombe, and swellynge
thi wombe stynke thin hippe. And
the womman shal answere, Amen! amen!
23 And the preest shal wryte in a libel thes
cursid thingis, and he shal do hem out
with the moost bittir watris, into the
whiche cursid thinges he dide togidris,
and he shal &yogh;yue hir to drynke.
24 The
which whanne she hath dronkun vp,
25 the preest shal take of hir hoond the sacrifice
of gelowste, and he shal arere it
vp before the Lord, and he shal putte
vpon the auter;
26 so oonli, that before he
-- --
take an hondful of sacrifice of it that is
offerd, and tynde vpon the auter, and so
&yogh;yue drynke to the womman the moost
bitter watres.
27 The whiche whanne she
drinkith, if she is polut, and, despisid
the man, she is gilti of auowtrie, the
watres of cursynge shulen passe thur&yogh;
hir, and the womb blow with ynne, the
hippe shal stynke, and the womman shal
be into cursynge, and into ensaumple to
al the puple.
28 And if she were not polut,
she shal be harmles, and make free children.
29 This is the lawe of gelowsnes, if
the womman bowe doun fro hir man, and
were polut,
30 and the housboond, thur&yogh;
spiryt of gelowsnes stired, brynge hir in
the si&yogh;t of the Lord, and the preest do to
hir after alle thinges that ben writun,
31 the
housboond shal be with outen blame, and
she shal resseyue hir wickidnes.
CAP. VI.
|
