Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XXVI.
1 &YOGH;e shulen not make to &yogh;ou a mawmett,
and grauen thing, ne titlis &yogh;e shulen rere,
ne huge stoon &yogh;e shulen putte in &yogh;oure
erthe, that &yogh;e honouren it; Y forsothe am
the Lord &yogh;oure God.
2 Kepe &yogh;e myn halidaies,
and inwardli drede &yogh;e at my seyntuarye;
Y a Lord.
3 If &yogh;e goon in myn
heestis, and my maundementis kepen, and
doon hem, Y shal &yogh;yue to &yogh;ow reynes in
her tymes,
4 and the loond shal brynge
forth his burionynge, and with apples
the trees shulen be fulfillid;
5 and the
thresshynge of repyn tilthes shal atake
the vyndage, and the vyndage shal occupie
the sowynge tyme, and &yogh;e shulen ete
&yogh;oure breed in plente `in fulnes, and with
-- --
outen drede &yogh;e shulen dwelle in &yogh;oure
loond.
6 I shal &yogh;yue pees in &yogh;oure coostis;
&yogh;e shulen sleepe, and there shal not be
that shal afeere &yogh;ou; I shal take aweie
yuel beestis, and swerd shal not thur&yogh;
passe &yogh;oure termes.
7 &YOGH;e shulen pursue &yogh;oure
enemyes, and thei shulen falle before
&yogh;ow;
8 fyue of &yogh;ow shal pursue an hundryd
aliens, and an hundred of &yogh;ow ten
thousyndes; &yogh;oure enemyes shulen falle
with swerd in &yogh;oure si&yogh;t.
9 Y shal beholde
&yogh;ow, and make growe; &yogh;e shulen ben multiplied,
and I shal fastne my couenaunt
with &yogh;ow;
10 &yogh;e shulen ete the moost oold
thingis of oold, and the newe vpon comynge,
the oold &yogh;e shulen cast aweye;
11 and I shal sette my tabernacle in the
myddil of &yogh;ow, and my soule shal not cast
&yogh;ow aweie;
12 I shal goo among &yogh;ow, and
I shal be &yogh;oure God, and &yogh;e shulen be to
me a puple.
13 I the Lord &yogh;oure God, that
haue ladde &yogh;ow out of the loond of Egipcyens,
that &yogh;e seruen not to hem, and the
whiche haue brokun the chaynes of &yogh;oure
nolles, that &yogh;e my&yogh;ten goo vp ry&yogh;t.
14 But
if &yogh;e heren me not, ne doon alle myn
heestis,
15 and if &yogh;e spurne my lawes, and
my domes despisen, that &yogh;e doon hem
the whiche ben ordeyned of me, and my
couenant &yogh;e fulli bryngen to nou&yogh;t,
16 I
thanne this thing shal do to &yogh;ow; Y
shal visyte &yogh;ow swiftly in nedynes, and
in brennynge, that make fayl &yogh;oure eyen,
and waste &yogh;oure lyues; in veyn &yogh;e shulen
sowe &yogh;our seed, that of the enemyes shal
be deuowryd;
17 I shal putte my face a&yogh;ens
&yogh;ow, and &yogh;e shulen falle before &yogh;oure enemyes,
and &yogh;e shulen be suget to hem that
hatiden &yogh;ow; &yogh;e shulen flee, no man pursuynge.
18 If forsothe and so &yogh;e obeishen
not to me, I shal adde &yogh;oure correccions
seuen foold for &yogh;oure synnes;
19 and I shal
altobreke the prijd of &yogh;oure hardnes, and
I shal &yogh;yue heuene to &yogh;ow aboue as of
-- --
yrun, and the erthe brasun;
20 &yogh;oure traueyl
in veyn shal be wastyd, ne the erthe
shal brynge forth burionyng, ne the trees
shulen &yogh;yue apples.
21 And if &yogh;e goon ouerthwart
to me, ne wolen here me, I shal
adde &yogh;oure veniaunces vnto the seuenth
foold for &yogh;oure synnes;
22 and I shal sende
out to &yogh;ow beestis of the feeld, that
wasten and &yogh;ow and &yogh;oure beestis, and to
skarsnes alle thinges thei shulen brynge,
and that &yogh;oure weies be maad desert.
23 And
if &yogh;e wolen not resseyue disciplyne, but
goon ouerthwart to me,
24 I forsothe contrarius
a&yogh;ens &yogh;ow shal goo, and I shal
smyte &yogh;ow seuen sithes for &yogh;oure synnes;
and I shal brynge vpon &yogh;ow a swerd,
25
vengesoure of my boond of pees; and
whanne &yogh;e fleen into &yogh;oure cytees, I shal
sende pestilence into the myddil of &yogh;ou,
and &yogh;e shulen be take in the hoondes of
&yogh;oure enemyes,
26 after that I breke the
staf of &yogh;oure breed, so that ten wymmen
in oon ouen baken looues, and &yogh;elden hem
at wei&yogh;t and &yogh;e shulen eete, and not be
fulfillid.
27 If forsothe and bi thes thinges
&yogh;e heren not me,
28 but goon a&yogh;ens me, and
I shal go a&yogh;ens &yogh;ow in contrarye woodnes,
and I shal vndernym &yogh;ow with seuen veniaunce
for &yogh;oure synnes,
29 so that &yogh;e eten
the flesh of &yogh;oure sones, and of &yogh;oure
dou&yogh;tres;
30 and I shal destruye &yogh;oure hey&yogh;
thinges, and &yogh;oure mawmetis Y shal breke;
&yogh;e shulen falle amonge the fallynges of
&yogh;oure mawmetis, and my soule shal wlaate
&yogh;ow,
31 in so myche that &yogh;oure cytees Y shal
brynge down in to wildernes, and the desertis
I shal make &yogh;oure seyntuaries, ne
more ouer Y shal resseyue the moost swete
smel;
32 and I shal scater &yogh;oure loond, and
&yogh;oure enemyes, whanne thei weren dwellers
of it, shulen wondre vpon it;
33 &yogh;ow forsothe
-- --
Y shal scatre amonge gentiles and
I shal drawe out a swerd after &yogh;ow, and
&yogh;oure loond shal be desert, and &yogh;oure cytees
fallen down.
34 Thanne her holi dayes
shulen pleese to the erthe, alle the daies
of her wildirnes;
35 whanne &yogh;e weren in enemyes
loond, it shal halowe, and rest in
the seuenthe tymes of his wildernes, forthi
that it restide not in &yogh;oure seuenthe
tymes, whanne &yogh;e dwelten in it.
36 And
whiche of &yogh;ow leeuen, Y shal &yogh;yue drede
in the hertes of hem, in regiouns of the
enemyes; the sown of a fleynge leef shal
fere hem, and so thei shulen flee it as
the swerd; thei shulen falle, no man pursuynge,
37 and eche vpon his britheren shal
falle togidere, as men fleynge batailes;
no man of &yogh;ow shal be hardi to withstoonde
to enemyes;
38 &yogh;e shulen perishe
among the gentiles, and the enemyes
loond shal waste &yogh;ow.
39 But and if of hem
eny leeuen stille, thei shulen wax stynkynge
in her wickidnes, in the loond of
her enemyes, and for the synne of her
fadres and her owne thei shulen be turmentid,
40 to the tyme that thei knowlechen
her wickidnesses, and of her yuels
thei recorden, in the whiche thei han
trespassid a&yogh;ens me, and han goo ouerthwert
to me.
41 Therfor Y shal goo a&yogh;ens
hem, and I shal lede hem into the enemyes
loond, to the tyme that the vncircumsidid
thou&yogh;t of hem wax ashamed;
than thei shulen preie for her vnpytownesses,
42 and I shal recorde of my boond
of pees, that I haue couenauntide with
Jacob, Ysaac, and Abraham; of the loond
forsothe I shal haue mynde,
43 that whanne
it were forsakun of hem, it shal pleese
to hym silf in his seuenthe tymes, suffrynge
wildernesses for hem; thei forsothe
-- --
shulen preye for her synnes, forthi
that thei han cast aweie my domes, and
my lawes despiseden;
44 and neuertheles
also whanne thei weren in the enemyes
loond, Y keste hem not aweie fulli, ne
so Y despiside, that thei weren consumed,
and that I shulde make my couenaunt
brou&yogh;t to nou&yogh;t with hem; Y forsothe am
the Lord God of hem.
45 And I shal recorde
of my rather boond of pees, whanne
I ladde hem out of the loond of Egipte,
in the si&yogh;t of gentils, that I were the
God of hem; Y the Lord God. Thes
ben the heestis, and domes, and lawes,
that the Lord &yogh;af bitwix hym and betwix
the sones of Yrael, in the mownt of Synay,
bi the hoond of Moyses.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
