Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XIX.
1 The Lord spak to Moyses, seiynge,
2 Spek to al the companye of the sones of
Yrael, and thow shalt seie to hem, Be &yogh;e
holy, for Y am holy, the Lord &yogh;oure God.
Echon drede his fader and moder.
3 Kepe
&yogh;e myn holy day; I the Lord &yogh;oure God.
4 Nyle &yogh;e be conuertid to mawmetis, ne
goddis &yogh;otun to gidere make &yogh;e to &yogh;ow;
I the Lord &yogh;oure God.
5 If &yogh;e offren an
oost of pesible thingis to the Lord, that
he be plesable,
6 thilk dai that it were
offryd &yogh;e shulen eete it, and that other
day; what euer thing forsothe were laft
into the thridde day, &yogh;e shulen brenne
-- --
with fier.
7 If eny after two dayes etith
of it, he shal be cursid, and gilti of vnpitowsnes;
he shal bere his wickednes,
8
for the holy of the Lord he hath polutide,
and that soule shal perish fro `the myddil
of his puple.
9 Whanne thow repist
the tilthes of thi loond, thow shalt not
kitte vnto the grounde the vttermost of
the erthe, in the leeuyng eerys thow
shalt gedere;
10 ne in thi vyne &yogh;eerd the
reysonus and cornes fallynge down thow
shalt not gedere, but to pore men and pilgrimes
to ben lesid thow shalt leeue; Y
the Lord &yogh;oure God.
11 &YOGH;e shulen do no
theft. &YOGH;e shulen not li&yogh;e, ne desseyue
eny man his nei&yogh;bore.
12 Thou shalt not
forswere in my name, ne thou shalt polut
the name of thi God; Y a Lord.
13 Thow
shalt not doo wronge chalenge to thi
nei&yogh;bore, ne with force bere hym down.
Ther shal not bide anentis thee the
werke of thin hyred seruant vnto the
morwen.
14 Thou shalt not curse to the
deef, ne before the blynde thow shalt
putte thing of offence; but thou shalt
drede the Lord thi God, for I am a Lord.
15 Thow shalt not do that is wickid, ne vnry&yogh;twisly
thow shalt deme; thou shalt
not biholde the persone of the pore, ne
thow shalt onoure the chere of the my&yogh;ti;
ri&yogh;twisly deme thow to thi nei&yogh;bore.
16 Thow shalt not be a wrongful acuser of
greuous synne, ne a pryue yuel speker in
peplis; ne thou shalt stoonde a&yogh;ens the
blood of thi nei&yogh;bore; Y a Lord.
17 Haat
thow not thi brother in thin herte, but
opynli vndernym hym, lest thow haue
on hym synne.
18 Thow shalt not seche
veniaunce, ne thow shalt haue mynde of
the wronge of thi citeseynes; thow shalt
loue thi frende as thi silf; Y a Lord.
Kepe &yogh;e my lawes.
19 Thi beestis thow
-- --
shalt not make goo to gidere with beestis
of another kynde. A feelde thow shalt
not sowe with dyuerse seede. A clooth
that is wouen of two, thow shalt not be
clothid.
20 A man if he sleepe with a womman,
bi goyng to gidere of seede, the
which is boond womman, also noble, and
neuerthelater bi prijs not bou&yogh;t, ne the
fredam &yogh;yuen, bothe shulen be scourgid,
and thei shulen not die, for she was not
free.
21 For her trespas forsothe, he shal
offre to the `Lord at the dore of the tabernacle
of witnessyng, a wether;
22 and the
preest shal preye for hym, and for his
trespas, before the Lord; and he shal eft
haue mercy to hym, and the synne shal
be for&yogh;euen.
23 Whanne &yogh;e weren gon in to
the loond, and plauntiden in it apple trees,
&yogh;e shulen doo awey the first fruytis of
hem; the apples that buriounen shulen
be vnclene to &yogh;ow, ne &yogh;e shulen eete of
hem.
24 The ferthe forsothe &yogh;eer al the
fruyt of hem shal be halowid and preysable
to the Lord;
25 the fift &yogh;eer forsothe
&yogh;e shulen eete the fruytis, gedrynge to gidere
apples that thei bringen forthe; Y
the Lord &yogh;oure God.
26 &YOGH;e shulen not eete
flesh with the blood. &YOGH;e shulen not dyuyne
in bryddis, ne &yogh;e shulen sette kepynges
vpon sweuenes;
27 ne &yogh;e shulen in
rownde dodde heer, ne shaue beerde;
28 and
vpon the deed &yogh;e shulen not kitte &yogh;oure
flesh, ne eny figuris, or pryckyngis, &yogh;e
shulen make to &yogh;ow; Y a Lord.
29 Ne putt
thow thi dou&yogh;ter to bordel, and the loond
be defoulid, and it be fulfillid with trespas
vnto deth.
30 My holi dayes kepe &yogh;e,
and my seyntuarie drede &yogh;e; Y a Lord.
31 Ne declyne thow to dyuynours, ne aserche
eny thing of takers her answeris of deuels,
that &yogh;e ben polut bi hem; I the
Lord &yogh;oure God.
32 Before the hoor heed
aryse, and onour the persone of the oolde,
and drede the Lord thi God; Y am a
-- --
Lord.
33 If a comlyng dwelle in &yogh;oure
loond, and were abidynge amonge &yogh;ow,
ne myssey &yogh;e to hym,
34 but be he among
&yogh;ow as a with inne born; and &yogh;e shulen
loue hym as &yogh;oure self; forsothe and &yogh;e
weren comelyngis in the loond of Egipte;
Y the Lord &yogh;oure God.
35 Nyle &yogh;e do eny
wickid thing in dome, in rewle, in wei&yogh;t,
in mesure;
36 ri&yogh;t balaunce, and euen ben
the wei&yogh;tis, ry&yogh;t bushel, and euen sextarye;
Y the Lord &yogh;oure God, that haue
ladde &yogh;ow out of the loond of Egipte.
37 Kepe &yogh;e myn heestis, and alle the domes,
and do &yogh;e hem; `I the Lord.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
